Kabanata 22
Papatayin Sa…
Tahimik ako buong drive papunta sa Domino Heights. Ilang sandali pa bago ako nakahugot ng lakas para tanungin siya ng isang bagay.
“Wade… nilapitan ka ba ni Rozen? Binantaan ka ba niya na wag akong lapitan?”
Hindi agad nagsalita si Wade. Nilingon ko siya at nakita kong seryoso ang mukha niya habang tinitignan ang daanan namin. Mas lalo siyang nagiging attractive dahil sa malalim niyang iniisip.
“Oo.” Simpleng sinabi niya.
“Kaya ba nagalit ka sakin? Kaya ba malamig ka nung una, sakin?”
“Oo.”
Napalunok ako. Hindi na ako nagsalita ulit. Natatakot kasi ako sa reaksyon niya.
“Paano mo nalaman?”
Nagkibit-balikat ako, “Sinabi ni Coreen sakin.”
Tumango siya.
Pinark ko ang sasakyan sa tapat ng bakanteng lupa namin sa Domino Heights.
“Ang ganda dito. Kitang-kita ang view ng buong syudad.” Aniya.
Lumabas kaming dalawa.
“Wade, paki kuha yung mat.” Sabay turo ko sa ilalapag naming mat sa ilalim ng punong kahoy na nakatayo sa gitna ng lupa namin.
“Okay po…” Ngumisi siya sakin.
5… 4… 3… 2… 1… SIGAW! My God! Pwede bawasan niya ng konti yung pagngiti niya at pagtitig niya sakin?
Kinuha ko ang mga pagkain at nagsimulang maglakad papunta doon sa puno. Kinuha ni Wade ang mat at nilapag niya iyon sa damuhan.
“Yung school ba natin yun?” Tanong niya sabay turo sa malaking gusali sa malayo.
Tumango ako at nilapag ang mga pagkain sa mat.
“Ang daming buildings, ano? Mas maganda dito pag gabi. Kitang kita mo yung city lights.” Sabi ko at umupo ako sa mat.
Umupo siya sa tabi ko ng wala sa sarili. Nakatingin parin siya sa malayo.
“Ang ganda dito sa Manila.” Aniya.
Pinagmasdan kong mabuti ang kumikislap na mga mata niya. “Maganda din ba sa Alegria?” Tanong ko.
Tumango siya.
“Umuuwi ka pa ba dun?” Tanong ko.
“Syempre… Nandun ang pamilya ko.”
Tumango ako. “Anong trabaho ng mga magulang mo?” Tanong ko.
“Si papa ay retired army, si mama naman ay teacher.” Ngumisi siya sakin.
Hmmm… His life seems normal.
“May kapatid ka ba?” Tanong ko.
“Meron akong bunsong kapatid na lalaki.” Tinignan niya ako ng nakangiti. “Balang araw, ipapasyal kita dun.”
Kinabog ang puso ko sa sinabi niya. He’s not that bad. Mali lang talaga ang simula naming dalawa. Mali dahil ginulo agad kami ni Rozen. Nagkaroon pa ako ng napakaraming panghuhusga sa kanya. Pero masisisi ba ako? Masyado naman kasi siyang misteryoso. Playboy pa. Pero bakit pakiramdam ko normal lang naman siya.
“T-Talaga?”
Ngumisi siya sakin, “Gustong-gusto ko talaga pagnamumula ka.” Humalakhak siya.
“HA?” Boiling point na yata ng pisngi ko sa sobrang init nito.
Tumawa pa siya lalo, “Kung pwede lang araw-araw kitang inisin o pasayahin para lang makita yung pamumula mo, gagawin ko talaga.”
“HUH?” Nag iwas na ako ng tingin sa kanya.
“Ano pa kayang makakapagpula sa pisngi mo? Hmmm?” Tumingin siya sa malayo para mag isip.
Sinapak ko na. Sasabog na ako sa kakahyperventilate dito pag hindi niya tinigilan ito.
“Wade! Tumigil ka nga…” Unti-unti na namang nagiging green ang utak ko.
JUSKO! Bakit ganito ang epekto ni Wade sakin?
“M-Marami ka bang babae sa Alegria?” Kinagat ko ang labi ko para matigil yung panginginig ng boses ko.
Tumawa siya, “Anong babae? Wala!”
“Sinasabi mo lang naman yan para di ako magselos!” Kumunot ang noo ko.
Umiling siya, “Wala talaga.” Pero nakangiti.
Hindi ako naniniwala. Nararamdaman ko talagang marami siyang mga babae doon. Napipicture out ko na siyang naka topless habang nag tatrabaho sa farm nina Zoey. May putik sa katawan niya at may mga babaeng naglalaway sa likuran. At dahil malandi siya, kaya niyang makipaglandian sa mga babaeng yun. Naiimagine ko ngang naghahalikan sila sa damuhan ng Alegria. My Gulay.
Pinukpok ko ang sarili ko.
“Reina?” Tumaas ang kilay niya nang tinignan ako. “Anong nangyayari sayo?”
“Ah! W-Wala.” Nag ngising-aso ako at nagkunwaring binubuksan ang isang sandwich. “Kain muna tayo.”
Tumango siya pero tinitignan niya parin ang mukha ko.
“Kumakanta ka na ba talaga kahit nung nasa Alegria ka pa?” Tanong ko.
Tumango siya, “Oo. May mga kaibigan akong mahilig ding magbanda doon. Ako din yung vocalist nila.”
“Saan ba yung Alegria? Hindi pa ako nakapunta dun. Nakapunta na naman ako ng probinsya.”
“Marami namang probinsya. Mayaman ka kasi kaya di mo na kailangang pumunta ng probinsya.”
“Kailangan namin. Si mommy at daddy kasi para sa negosyo. May lupa kaming ginawang rubber plantation.”
Ngumuso siya.
“Sobrang yaman niyo. Pakiramdam ko off limits ka.” Mahina ang boses niya at nakatingin siya sa kawalan habang sinasabi iyon.
“Huh?” Hinabol ko yung titig niya.
Unti-unting pumula ang pisngi niya. Kumunot ang noo niya mukhang nainis.
“WALA!”
Napangiwi ako sa biglaang moodswing niya. Bumunot-bunot siya ng mga damo.
“Wade? anong sabi mo?” Tanong ko ulit.
“Wala!” Masungit niyang sagot.
Inilapit ko ang mukha ko sa kanya para makita ang mga mata niya. Mas lalo siyang umiwas sa titig ko.
“Reina… Wag mo muna akong tignan, please.”
Wow! Ito ang unang pagkakataong nakita kong sobrang pula ng pisngi niya.
Nakita kong pulang-pula din ang tainga niya pati ang leeg niya. Amazing!
Hinawakan ko ang tainga niya. Napatalon siya sa pagkakahawak ko.
“Reina, ano ba!”
Ngumisi ako. Hindi parin siya makatingin kaya pinagsamantalahan ko.
“Ang bango mo, Wade. At ang ganda ng tainga mo… Bakit ka namumula?”
Ipinikit ko ang mata ko para mas lalong maamoy siya. Sobrang bango niya. Ultimo pawis na galing sa katawan niya ay mabango.
“R-Reina?”
“Hmmm?” Hindi parin ako dumidilat. “Ang bango mo, Wade.”
Unti-unti akong dumilat. Pero bago pa ako dumilat ay naramdaman ko ng dumampi ang malambot niyang labi sa labi ko. Nakapikit ang mga mata niya at sobrang pula ang pisngi.
Halos tumalon hanggang Mars ang puso ko at umulan na ng silver dust sa paghuhuramentado ko.
Napaatras ako sa bigla at sa kabog na naramdaman sa dibdib. Dumilat siya at napaawang ang bibig. Tinakpan ko agad ang labi ko sa ginawa niya. Unti-unti ko na lang naramdaman ang init galing sa leeg ko papunta sa mukha ko.
“Ay shit!” Lumayo siya ng bahagya sakin at tinakpan ang mukha. “Shit, Reina! Wag mo sabi akong lapitan! Kung ayaw mong… argh!” Ginulo niya ang buhok niya at ibinaling ang atensyon sa mga dami.
Shiz! Hinalikan niya ako! Sa labi! First kiss! OH MY GOSH!
“W-Wade?” Hinawakan ko ang braso niya at napatalon siya sa ginawa ko.
“Langya, Reina! Lumayo ka muna, please.”
“H-Huh? Bakit? May ginawa ba akong masama?”
Nilapit ko ang mukha ko sa kanya para makita kung anong nangyayari. Unti-unti niya akong tinignan. At nakita kong mapupungay ang mga mata niya at nakaawang ang bibig.
Lumayo pa siya lalo sakin at naibulalas ang malulutong na pagmumura. Kumunot ang noo ko. Tumigil lang ako nang nakita kong bumilis ang paghinga niya at tumingala siya.
“Shit, Reina! Tumigil ka. Papatayin mo ako sa…”
Tinakpan niya ang mukha niya at sinulyapan ako. Kumunot na lang ang noo ko. Anong problema nito? Ako dapat yung may problema kasi hinalikan niya ako, eh!
[xyz-ips snippet=”xyz-post-navigation”]