Mapapansin Kaya? – Kabanata 21

Kabanata 21

Magkaibigan Kami

Buong linggo ang walang pasok kaya nasa bahay lang ako buong linggo. Wala naman kasi akong sinalihang event kaya walang dahilan para pumunta ako sa school.

“Reina, pag dumating si Wade, sabihin mo na lang may lakad pa ako. Baka gabihin ako ng uwi. Dito mo na siya ipagtanghalian. Nakalimutan kong sabihin sa kanya na may lakad pala ako.”

“Huh?” Padabog kong nilapag ang aklat ko sa table. “Pero, Noah. Itext mo na lang na wag na siyang pumunta dito.”

“Bakit? Eh kung ayaw niyang magstay, sabihin mo na lang sa kanya na iwan na lang yung lyrics at balik na lang siya mamayang gabi.”

Agad nang umalis si Noah. ANAK NG PUTSPA, dinalaw agad ako ng matinding kaba. Bakit ang swerte ko? Bakit ang galing mang utos ni Noah? Gusto ko namang makasama si Wade kaso nag hahyperventilate ako tuwing kasama ko siya.

Ano naman ang gagawin naming dalawa?

“Hi Reina!” Napalundag ang puso ko nang nakita ko kung sinong kakarating lang.

OMG!

“Rozen, Zoey? Bakit kayo nandito?”

Kumunot ang noo ni Rozen sakin, “This is my house, too, Reina.” Nakita kong may halong galit at inis sa ngisi ni Rozen.

“A-Alam ko naman.”

Umupo si Zoey sa tapat ng sofang inuupuan ko. Kinulot-kulot niya ang buhok niya gamit ang mga daliri. Si Rozen naman ay tumabi sa kanya. Hinaplos ni Rozen ang leeg ni Zoey. Nakiliti naman si Zoey kaya tumawa siya at sumulyap sakin ng namumutla.

“Rozen, stop it.” Aniya. “Nandyan si Reina.”

Kumunot ang noo ko at tumayo sa kinauupuan ko.

“It’s okay, Zoey. Oh, Reina? Aalis ka?” Sabi ni Rozen sakin nang nakangiti.

“Sainyo na lang itong sala, kuya Rozen.” Malamig kong sinabi.

“May lakad kayo ni Coreen?”

Tinalikuran ko sila at nagsimulang maglakad ng padabog sa hagdanan.

“Kung may lakad kayo, wag mong kalimutang ikwento sa kanya ito, ah?” Nilingon ko si Rozen at kinindatan niya ako.

What is his problem? Nagpatuloy ako sa pag akyat sa taas nang narinig ko ang katulong namin.

“Sir Rozen, may naghahanap kay Sir Noah sa labas. Wade Rivas daw.”

Natigilan ako sa sinabi ng katulong.

“Ah? Wala ba si Noah?” Dinig kong tanong ni Rozen.

Bumalik ako sa baba at nakita kong pinasadahan ako ng titig ni Rozen. Para bang may hinihintay siyang reaksyon ko.

“Manang, papasukin niyo si Wade. May binilin po si Noah sakin. Ako na bahala sa kanya.” Tumango ang katulong namin at sinunod ang sinabi ko.

Binalingan ko si Rozen na nakangiti (pero halatang galit) at si Zoey na namumutla.

“I know what you did, Rozen.”

Sumandal si Rozen sa sofa at ngumuso sakin. Umirap ako at tinignan ang namumutlang mukha ni Zoey.

“Reina…” Tawag ni Wade sakin pagkabukas ng pintuan namin.

“Wade.” Nilapitan ko si Wade kahit na nakita ko sa mukha niya ang pagkabigla sa nakitang si Rozen at Zoey.

“Pasok ka…” Hinigit ko ang kamay niya. “Aalis tayo.”

“H-Huh? Si Noah?”

“Wala siya dito. Binilin ka niya sakin.”

Sumipol si Rozen nang nakitang hinahawakan ko ang kamay ni Wade.

“Jackpot ba?” Tumaas ang kilay ni Rozen.

Naramdaman ko ang paninigas at pagkukuyom ng kamay ni Wade. Mas lalo kong hinigpitan ang pagkakahawak ko sa kamay niya at mas lalo ko ring binilisan ang paghila sa kanya.

“Rozen, pwede ba? Tumigil ka nga!” Sigaw ko kay Rozen.

Ngumuso siya. Hindi siya natinag sa galit ko. “Titigil ako. Just tell her, Reina.”

Inakbayan niya si Zoey at hinalikan sa leeg. UGH! Uubusin ko ang pera ko para lang makahanap ng babaeng makapagpapatino sa isang ito. Namutla pa lalo si Zoey at kitang-kita ko ang pagtitig niya kay Wade.

Sumulyap ako kay Wade na nakatingin sa nakahawak kong kamay.

“So-Sorry.” Sabi ko sabay bitiw sa kamay niya.

Gosh! Hindi ko na namalayan ang higpit ng pagkakahawak ko.

Umiling siya at kinuha ulit ang kamay ko bago tinignan ulit si Rozen.

“Tell her, Reina.” Sabi ni Rozen sakin.

“Alright, then.” Bahala kayong dalawa, basta ang importante ay masolo ko itong si Wade Rivas!

MGA LECHE!

“Saan ba tayo pupunta?” Tanong ko nang binitiwan ko na ang kamay ni Wade nang nakarating kami sa kitchen.

Nag impake ako ng mga sandwich, fried chicken, french fries at kung anu-ano pang mga pagkain at drinks.

“Aalis tayo dito. Mag pipicnic tayo.” Sabi ko ng wala sa sarili.

“Huh?” Narinig ko ang pagtataka sa boses niya.

Binalingan ko siya.

“Nagselos ka ba sa ginawa ni Rozen kay Z-Zoey?”

“HUH?” Mas lalo siyang nagtaka.

“Don’t deny it, Wade.”

“Hindi, Reina. Hindi naman ito ang unang pagkakataong nakita ko siyang may kasamang iba. At hindi naman ako baliw sa kanya para magselos.”

I felt relieved. Hanggang ngayon, kahit hindi ko ipinapakita, worried parin ako para sa nararamdaman niya kay Zoey. Hindi naman kami pero for some reason, nararamdaman kong mas malapit na kami ngayon kesa sa dati. Hindi ko nga lang alam kung ako lang ba ang malapit sa kanya ngayon o may ibang babae pa?

Nagpatuloy na lang ako sa pagliligpit ng mga pagkain. Tinignan niya ang mga niligpit ko.

“Saan ba tayo mag pipicnic? At bakit?” Tanong niya.

“May lupa kami sa Domino Heights. Yung isang subdivision dito. Over looking ang buong syudad doon. Mahilig akong tumambay dun pag walang ginagawa o para mag sketch. Doon na lang tayo pumunta.”

Tumango si Wade. “T-Tayong dalawa lang?”

“Oo. Date.” Ngumiti ako.

“D-Date?” Hindi siya makatingin sakin pero tinitigan ko siyang mabuti kaya tinakpan niya ang mukha niya.

Wala na si Rozen nang dumaan kami sa sala. Si Zoey na lang ang nandoon. Nilagpasan ko si Zoey, si Wade ang may dala ng mga pagkain namin kaya nahuli siya ng konti sakin. Bago pa lang ako nakalabas ay narinig ko ang tanong ni Zoey.

“Saan kayo pupunta, Wade?” Malamig ang tanong niya.

“Wala… May lakad lang kami.” Simpleng sinabi ni Wade.

Tinignan ko si Zoey na mukhang maiiyak na sa panghihinayang habang tinitignan si Wade na palapit sakin.

“Wade!” Sigaw ni Zoey.

Lumingon si Wade kay Zoey. “Huh?”

Umiling si Zoey at ngumisi. Pero kitang kita parin ang panghihinayang niya kay Wade. “Sikat ka na, ah.”

“Hindi naman, Zoey.”

May part talaga sa kanilang dalawa ang hindi ko maintindihan. Magkaibigan silang dalawa… at playboy itong si Wade kaya nahulog yung isa. Pero hindi nanligaw si Wade kay Zoey dahil hindi niya naman daw ‘mahal’ si Zoey. Kaya naman nakipagrelasyon sa iba si Zoey para paselosin si Wade. Pero ang nangyari ay mas lalong nawala si Wade sa kanya. He drifted away… They fell apart.

“Magkaibigan kami ni Zoey, Reina. Pero kaya ko siyang iwasan ng buong buo kung gusto mo.”

Seryoso siyang nakatitig sakin ngayon habang naglalakad kami papunta sa sasakyan ko. Napaawang na lang ang bibig ko. Hindi ko alam kung anong isasagot ko. Bakit kaya willing na siyang pagbigyan lahat ng hiling ko? Kung mag papatuloy ito, tuluyan na akong mahuhulog ng husto sa kanya!


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: