Mapapansin Kaya? – Kabanata 14

Kabanata 14

Ang Katotohanan

Hinayaan kong maging palaisipan ang lahat. Ayokong ipaalala kay Wade na kinumpronta siya ni Rozen. Ayaw ko ring i-hurt ang ego niya sa pamamagitan ng pagpapaalala kung bakit ayaw ni Rozen sa kanya para sakin. Besides, lumabas na makapal ang mukha ko sa ginawa ni Rozen. Hindi naman ako yung tinitignan niya kaya bakit ko pa bubuhayin yung pagkakamali ni Rozen, hindi ba?

Pero ayaw ko ring mapahamak siya kaya nag iingat ako sa mga ikinikilos ko, lalo na pag nandyan ang mga kapatid ko.

Nagse-set up na ng mga stage sa school. Bongga talaga tuwing school festival. Isang linggong walang pasok at puro extracurricular activities lang yung gagawin.

Sabado ngayon at wala ng pasok pero nandito ako kasi gusto kong bisitahin yung pagsi-set up ng fashion show. Gusto ko ring makita yung designs na susuotin ng models. Baka sakaling may makita akong maganda at mainspire pa ako sa paggawa ng designs.

Napadaan din ako sa stage nina Noah. Maraming mag pe-perform na mga banda. Isa sa kanila ang pinaka sikat na banda ngayon sa Pilipinas. Excited nga si Noah kasi mag pe-perform sila sa iisang stage nung bandang iyon. Sa sobrang sikat din kasi ng bandang Going South ay nagkaroon na sila ng world tour.

Ganun ang pangarap ni Noah, ang mapagkakitaan ng husto ang talento niya. Maganda nga iyon. Maganda sana kung mapagkakitaan natin ang mga passion natin, pero mahirap. Most of the time, you are trapped in the wrong place.

“Hi, miss.”

Napalingon ako sa nagsalita sa likuran ko. Laking gulat ko nang nakita ko si Wade. Nakangisi siya ng usual evil-smile niya, naka black jacket at nasa likod niya ang gitara.

“W-Wade?” Uminit agad ang pisngi ko.

Hindi naman sa hindi ko ineexpect na magkikita kami. Alam kong magkikita kami ngayon pero hindi ko inaasahang kakarating ko lang ay siya ang bubungad sakin.

“Ba’t ka andito?” Tanong niya.

Naglakad siya kasabay ko. Pakiramdam ko lumulutang ako sa hangin dahil kasama ko siyang naglalakad. Ngumisi siya at pinasadahan ng palad ang buhok. Gumulo ito kaya mas lalo siyang naging attractive. Pagkatapos nun ay kinagat niya ang labi niya at ngumisi sakin with matching dimple.

ARGH!

I looked away…

“May titignan lang ako.” Sabi ko.

Tumango siya. “Ano?”

“Uh, yung stage nung fashion show. Dinig ko kasi ipopost yung designs ngayon. Balak ko sanang tignan ang mga iyon.”

Ngumuso siya.

“Uhmm.. Sige, pupunta din naman ako sa stage niyo, dito na ako liliko.” Sabay turo ko sa daanan papuntang fashion show.

Pagliko ko, nabigla ako nang lumiko din siya.

Tumaas ang kilay ko at tinignan ko siya.

“Bakit?” Tumaas din ang kilay niya at ngumiti din sakin.

“Sasama ka?” Tanong ko.

“Di naman. Talagang dito lang ako dadaan.”

Tumango ako at tumigil sa tapat ng stage ng fashion show.

May mga modelong nagpapractice sa stage. Nakapaskil naman ang mga designs sa baba. Naagaw pa ang atensyon ng mga modelo nang dumating kaming dalawa ni Wade. Well, hindi naman talaga ako yung nakaagaw ng atensyon, si Wade. Bahagyang tumigil ang pag eensayo nila at silang lahat ay napatingin samin. Uminit ang pisngi ko at nagtago sa mga designs.

Kumunot ang noo niya at tinignan ako, “Bakit ka nagtatago?”

Umiling ako at ngumisi.

Nakakunot ang noo niya at patuloy na tinignan ang mga nakanganga-ngising modelo. May isa pang kumindat sa kanya. Sumulyap siya sakin bago kumindat sa babae.

“Playboy…” Bulong ko sa sarili ko.

Naalala ko tuloy yung ‘sex-life’ question na tinanong niya sa nurse. Naisip ko tuloy kung ilang babae na kaya ang nging girlfriend niya? At naisip ko rin kung bakit siya nagti-tiyaga sa Zoey na yun.

Napalingon siya agad sakin at nalaglag ang panga. Nabigla ako sa naging reaksyon niya sa sinabi ko. Para bang may natamaan ako sa sistema niya.

“Bakit?” Ngumisi ako.

Hindi siya sumagot.

Umiling ako at nagpatuloy sa pagtitingin sa mga designs.

“I’m used to playboys, Wade. Si Rozen at kuya Dashiel ay parehong playboy. Nakita ko kung paano sila magpalit ng babae. Isang babae, sa isang buwan.” Umiling ulit ako. “It’s disgusting but they’re my siblings.”

Napalunok siya sa sinabi ko. Hindi ko naman mapagtanto kung bakit sobrang kinakabahan siya sa sinabi ko. Kinunot ko na lang ang noo ko.

“That’s why I like you, Wade… Kasi loyal ka. Pag may gusto ka… siya lang talaga. Kaya mong magparaya para kay Zoey.” Tinamaan ako ng hiya dahil sa sobrang pagtitig at pagkakalaglag ng panga niya kaya naglakad ako palayo sa kanya. “Lika na nga!” Sabi ko.

Kahit di pa ako natatapos sa pagtitingin ng designs ay niyaya ko na siyang umalis. Bumabaha na kasi ng laway sa paligid. Kitang-kita ko na yung mga babaeng parang langgam kung lumapit sa kanya. Yung tipong sa oras na aalis ako sa tabi niya ay lalantakan siya agad ng mga iyon. Tsk! The cons of being Wade Rivas… Or maybe, the cons of being with Wade Rivas.

Tahimik siya hanggang sa makarating kami sa stage nila. Nandoon na sina Noah, Warren at Joey sa taas. Nag si-set up na ng stage at chinicheck ang mga instruments. Mas lalong bumagal ang paglalakad ni Wade. Nilingon ko siya at nakita kong half-open parin ang bibig niya. Anong problema ng isang ito?

Hanggang sa tuluyan na siyang tumigil sa paglalakad. Kumunot ang noo ko at tumigil na rin.

“May problema ba, Wade?” Tanong ko.

Tinignan ko ng mabuti ang mga mata niya at nakita kong nakatingin siya sa likod ko.

Lumingon ulit ako sa stage… sa konting taong manonood ng practice… sa stage ulit… at sa mga tao ulit…

ZOEY, SPOTTED! She’s freaking here! Kaya siya natigilan! Kinurot ang puso ko. Kung sana ako yung nagdudulot sa kanya ng ganyang reaksyon…

Hinila ko ang kamay niya. Let the plan begin, Reina!

“Reina, wag.” Simpleng sinabi ni Wade.

Umiling ako at mas lalo siyang hinila. Nagpahila siya pero mas malakas parin ang hatak niya sakin.

“Come on, Wade. Let her see us. Magseselos yun. Don’t be ridiculous! Wag kang matakot na mawala siya sayo!”

Nabigla ako nang tinanggal niya ang kamay niya sa kamay ko.

“Tama na, Reina!” Pasigaw niyang sinabi.

Nanlaki ang mga mata ko at natigilan sa sinabi niya. Akala ko hindi na ako makakapagsalita sa ginawa niya pero humugot pa ako ng lakas para magrason.

“Pero, Wade! Hindi pwedeng forever ka na lang martyr-“

“Reina, tama na sabi.”

Mahinahon ang pagkakasabi niya sakin noon pero tagos sa puso ang naramdaman ko. Namuo agad ang luha ko. Kahit na ilang beses na akong lumagapak sa buhay na ito, pero hindi ko pa naranasan ang ganitong klaseng rejection.

“Umalis ka na muna, Reina.” Aniya.

Hindi ako umalis. Tumunganga lang ako sa harapan niya. I know he’s harsh pero hindi ko nakitang ganito siya ka harsh pag nandyan si Zoey.

“UMALIS KA NA!”

Napapikit ako sa sigaw niya sakin. Humakbang ako palayo hanggang sa nakita kong papalapit na si Zoey sa kanya. Mabilis ang mga hakbang ni Zoey at mabilis din ang paghinga niya.

Tumakbo ako papuntang pinakamalapit na dingding at doon nagtago.

Hindi ko na narinig ang pinag-usapan nila pero nakita kong umalis si Zoey at sinundan siya ni Wade. Patungo sila doon sa CR na pinangyarihan ng lahat.

WHAT THE FREAK? DON’T TELL ME SHE’S ASKING FOR ANOTHER SESSION?

Lumandas ang mga luha sa mga mata ko. Sht! Bakit ganito? Mabilis ang pintig ng puso ko pero habang tumatagal ay sumasakit ito. Nararamdaman ko rin ang pagbara ng lalamunan ko. Ngayong naiisip ko na yung nangyari noon sa CR, bakit iba na ang reaksyon ko? Bakit masakit na? Bakit nag evolve na ang nararamdaman ko?

Naglakad ako palayo sa dingding na tinatayuan ko… Aalis na lang ako. Limang hakbang pa lang ay tumigil na ako at tumakbo papunta kina Wade.

SHT! Kung masasaktan nga ako, gusto ko yung nakita ko yung lahat… Gusto ko yung damang-dama ko para di na ako uulit pa.

Hindi ako nagkamali. Dahil wala ng pasok sa school ngayon ay wala ring tao sa CR na yun.

Alam ko naman simula pa lang na hindi niya na ako mapapansin kasi bukod sa pangit ako, may iba pa siyang mahal.

PAK!

Sinampal siya ni Zoey pero si Zoey ang umiiyak. Sinilip ko sila sa bitak ng pintuan. Pinunasan ko ang luha kong dahilan ng pagiging blurry ng paningin ko.

“Wade Rivas! HOW DARE YOU!”

“Zoey…” Mahinahon ang boses ni Wade. “Sorry, talagang ayoko na.”

“Ayaw mo na? Are you kidding me? You fvcked almost all the girls in Alegria, tapos ngayon ka pa titigil dahil nasa syudad ka na? Bakit? May iba ka bang nakita? Yung mas magaling, Wade?”

Narinig kong suminghap si Wade at pinakalma si Zoey.

“Sorry, Zoey. Sinabi ko naman sayo. Pag nandito na ako, pag-aaral ko na lang ang aatupagin ko.”

“I thought you liked me, Wade.” Nabasag ang boses ni Zoey.

“I don’t like you enough.”

Hindi ko namalayang hindi na pala ako humihinga.

“YOU JERK! P-Pagkatapos mong gawin sakin to? GAGAGUHIN MO RIN PALA AKO? WADE, YOU WERE THE ONLY ONE! PERO ALAM KONG PURO KALIBUGAN LANG ANG PUMAPASOK DIYAN SA UTAK MO… YOU ONLY USED ME! AT NGAYON KUNG NASAKTAN MAN KITA, please-” Hahagkan na sana ni Zoey si Wade pero tinulak siya ng marahan ni Wade.

“Zoey, alam ko ang mga pagkakamali ko. Pero hindi naman pwedeng buong buhay tayong nagloloko-“

“KUNG MAKAPAGSALITA KA PARANG ANG LINIS MO! IKAW ANG DAHILAN KUNG BAKIT NAGKAGANITO AKO-“

Napapikit si Wade…

Kitang-kita ko ang paghihirap niya sa paghandle kay Zoey. Pero hindi ko matanggap ang mga narinig ko… Yes, may relasyon sila… oo, meron, pero umiikot ito sa SEX!

Buong akala ko ay mahal ni Wade si Zoey! Buong akala ko isa siya sa mga lalaking wagas kung mahal. Yun pala… playboy! Sht!

“Zoey, tama na. Ayoko na. Alam ko ang mga pagkakamali ko noon. Immature ako at wala akong pakealam sa nararamdaman ng mga tao sa paligid ko. Pero sa ngayon, ayaw ko ng dagdagan pa lahat. Gusto ko ng tapusin ito.”

Nilagpasan ni Wade si Zoey. Aalis na sana ako sa kabang makita ako ni Wade na nakikinig dito pero nawindang ako nang niyakap ni Zoey si Wade galing sa likuran. Dahil doon ay natigilan si Wade.

“Come on, Wade… I know this is your weakness.” Nakita kong gumapang ang kamay ni Zoey sa baba ng abs ni Wade.

Bago pa ito gumapang sa loob ng pants ni Wade ay itinulak niya na palayo si Zoey.

Napalunok ako sa nakita. Dahil sa sobrang windang ko ay hindi na ako nakagalaw, kaya ang resulta…

“R-Reina?” Nakita kong namutla si Wade at agad sinarado ang pinto.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: