Baka Sakali 2 – Kabanata 19

Kabanata 19

Tumatawa

“B-Bakit ka nandito?” Pambungad kong tanong kahit kitang-kita ko ang pagiging badtrip niya ngayon.

“Hinihintay kita.” Aniya. “Tagal mong magbihis, eh.”

“B-Bakit?”

Inayos ko ang sarili ko. Tinignan niya ako, head-to-foot. Pero nagtagal ang tingin niya sa dibdib ko. Inayos ko pa lalo ang sarili ko.

Tumaas ang kilay niya at nag-iwas ng tingin. Pareho kaming bumuntong-hininga kaya nagkatinginan din ulit kami.

“Tapos ka na ba?” Tanong niya.

Kumunot ang noo ko, “Hindi mo naman ako kailangang hintayin. You can go without me. We’re not-“

“Not lovers, yes! Pero ang boyfriend mo lang ba ang may karapatang maghintay sa’yo, Rosie?”

Umiling ako. “Hindi mo naman kailangang gawin ‘to-“

“Kung kinakabahan ka dahil tingin mo narinig ko ang usapan niyo, oo, inaamin ko, narinig ko ang lahat. Pero wala akong sasabihin.”

Uminit ang pisngi ko. Tumayo siya at suminghap.

“Hindi ko na alam kung anong gagawin ko… Pero wala akong karapatang masaktan. Lika na.”

Naglahad siya ng kamay. Nanlaki ang mga mata ko sa paglalahad niya ng kamay. Seriously? Iniisip niya bang tatanggapin ko yan?

“OOOPPS!” Sabi ng biglang pumasok na model. “Sorry… Uhm, nakaistorbo pala ako dito.” Humalakhak siya.

“Hi-Hindi… Pa-a-“

Bago ko pa nadugtungan ang sasabihin ko ay nakaalis na ang humahalakhak at may masamang tingin na model.

“Naku naman!”

Tinalikuran ko si Brandon para lumabas na at matigil na itong kahibangan dito. Lumabas din siya. May ibang model na nagbubulung-bulungan tapos tumitingin saming dalawa. Hindi ko na lang sila masyadong inisip.

Pumunta na ako sa grupo nina Jamie na ngayon ay nakaupo sa buhangin malapit sa isang malaking bonfire.

“Rosie!!!” Sigaw nila.

Naglahad sila ng space para sakin.

“Dito ka…” Sabi nung isang model.

“Thank you.” Ngumisi ako at umupo na rin kasama nila.

Nakita ko naman si Brandon na sumama sa pag iinuman ng male models sa kabilang side namin. Sumulyap din siya sakin. Nanlaki ang mga mata at napaawang ang bibig niya nang nakitang nakatingin din ako sa kanya. Nag-iwas na lang ako ng tingin.

“Be sport, ah?” Tumaas ang kilay ni Jamie sakin.

“Ha?”

“Sali ka, eh! Truth or dare ang laro namin!” Tumawa siya.

Nagtawanan din ang mga kasama namin.

Tumawa na lang ako at tumango.

Wala naman sigurong masama kung sumali ako. Hindi ako nagsisi. Nakakaenjoy ang laro nila. Nakakatawa ang mga dare. Hindi nga lang ako nakakarelate sa mga truth questions.

“Mag ‘Hi!’ sa expat na nakita natin kanina!” Sabi ng isang model para sa dare nang natutukan ng bote.

Ginawa din naman nila. Habang lumalalim ang gabi at binigyan kami ng shots ay mas naging malalim din ang mga dare.

“Halikan ang pisngi ni Tommy! Go!”

Matapang na sumunod ang lahat ng natutukan ng bote. Alam kong wala din akong kawala dito pag ako ang tutukan ng bote. Hindi naman siguro nila ako ipagagawa ng hindi ko kaya, diba?

“SI ROSIEEE!” Sigaw ni Jamie nang tumutok ang bote sakin. “Truth or dare?”

“Truth!” Tumawa ako.

“Sinong magtatanong?”

“Ako!” Nagpataas ng kamay ang isang model. “Who’s your celebrity crush? Tapos sino naman ang hate mo?”

“Johnny Depp ang crush ko. Tapos, yung hate ko naman… uhmmm, Chris Brown?”

Tumango sila.

“I like his voice pero masama yung ginawa niya kay Rihanna noon.” Dagdag nung isang model.

“Okay, next!”

Pinaikot ulit ang bote. Pagkatapos ng dalawang ikot, tumapat ulit sakin.

“Dare na, Rosie! Ubos na ang truth!” Tumawa si Jamie at kumindat sakin.

Inabot pa ang isang shot sakin. Ininom ko agad bago ko dininig ang dare.

“Okay, go!”

“Run your fingers through Brandon’s hair.”

“AHHH!” Nagsitilian sila.

Nakangiti pa ako nung una pero nang narealize ko kung ano ang dare, napalunok ako.

“Ayoko.” Simpleng sagot ko.

“Naku! Ang KJ nito! Just simply run your hands through his hair. Wala namang masama. Mas nakakatakot pa nga yung kay Katrina kanina, eh, pinahalik sa leeg. Sige na.”

“Kahit sino, wa’g lang siya.” Sabi ko at kinagat ko ang labi ko.

“Bakit? May tensyon ba satin? Bakit ayaw mo?”

Napalingon ako sa nagsalita. As usual, si Brandon na naman na sumisingit sa usapan. Nagtilian ang mga kasama ko. Pinagtulakan pa nila ako kaya wala akong nagawa kundi tumayo at lumapit kay Brandon.

Umirap ako nang tinitignan ko ang mukha niyang malaki ang ngisi.

“Uyyyy!” Kantiyaw ng mga models.

Sumali na rin ang mga male models sa kantiyawan at hiyawan. Nakakahiya naman ‘to. Gagawin ko na nga lang. Ayoko nang patagalin kasi naiirita ako sa mga hiyaw nila.

Lumapit ako kay Brandon at agad hinaplos ang buhok niya. Ang lintek na Brandon ay pumikit pa sa habang ginagawa ko yun. Hinawakan niya ang kamay ko. Binabawi ko pero pinigilan niya ang kamay ko. Inamoy niya muna ito bago binitiwan.

Mas lalong lumakas ang hiyawan ng mga tao. Halos mabingi na ako sa kakasigaw nila.

“Tama na guys, may boyfriend yung tao.” Nakangising sambit ni Brandon.

Umirap ako at umupo ulit sa buhangin. Pinagtulakan pa ako nina Jamie sa sobrang kilig at gigil sa ginawa namin ni Brandon.

“Anong feeling, Rosie? Ayieee! OMG!” Sigaw nila.

“Wala.” Simpleng sagot ko.

“Anong wala! Sheeet! Halos manisay kami sa kilig sa ginawa ni Brandon sayo! My gulay!”

“Wala talaga.” Umiling ako.

“Weeeh?”

“Wala naman talaga. Kinikilig kayo kasi gusto niyo siya. Ako, hindi kasi hindi ko naman siya gusto.”

“Rosie, aminin mo na. Kahit na godlike ang kagwapuhan ng boyfriend mo, hindi ka naman bato para hindi makaramdam ng kilig para kay Brandon, diba?” Tumaas ang kilay ni Jamie.

Umiling ako at ngumisi na lang.

Anong gusto nilang marinig? Na halos manisay na ako sa kilig dito dahil kay Brandon? No. Way.

“FMK, tayo!?” Dinig kong sambit ng ibang models sa likuran ko.

Hindi ako makapag-isip ng mabuti dahil sa ginawa ko kanina. Paano kung may pictures? Paano kung makita iyon ni Jacob? Siguro ay dapat tawagan ko siya at balitaan sa nagawa ko para pag nakita niya yung picture, hindi agad siya mag co-conclude.

Tumayo ako at kinuha ang cellphone ko sa bulsa ko.

“Saan ka pupunta, Rosie?” Tanong nina Jamie.

“Uhm… Saglit lang ‘to.” Sabi ko at umalis na.

Pumwesto ako malayu-layo sa kanila. Mabuti naman at mukhang preoccupied si Brandon sa bagong laro na ginagawa nila kaya hindi niya na ako maiistorbo.

Dalawang beses ko pang tinawagan si Jacob bago niya ako sinagot.

At tulad kanina, parang galing siya sa tawanan nang sinagot niya ang tawag ko.

“Hello, Rosie?”

“Uhmm… Jacob? Anong ginagawa mo?” Tanong ko.

May narinig akong tumatawa sa background… isang babae.

Nalaglag ang panga ko. Kanina, nang tumawag ako sa kanya, tumatawa na siya, hanggang ngayon ganun parin ba ang ginagawa niya? Pero bakit di niya sinabi sakin? At sino ang katawanan niya.

“Ah! Pinuntahan kasi ako nina Jasmine dito sa bahay. Kasama namin yung mga kapatid niya.”

May narinig akong kumakantang babae sa background.

“This song is for Jacob Buenaventura!” Humalakhak pa siya at narinig ko rin ang pagtawa ng mga kasama nila.

“Sino yun?” Tanong ko kay Jacob.

Tumawa siya bago niya ako sinagot, “Si Jasmine. Nagkatuwaan lang kami. Boring kasi talaga dito sa Alegria. Pati sila nabobore kaya nang nalaman nilang nakauwi na ako, pumunta agad sila dito.”

Pinilit kong tumawa para hindi niya maramdaman ang irita ko sa sinabi niya, “Ganun ba? Tumawag lang ako para sabihing pauwi na kami. I’ll call back… pag nakauwi na ako, okay?”

“O-Okay!”

“Okay, bye…”

Pintulo ko na agad ang linya at kinagat ang labi. Hindi ko maiwasang di matulala sa nalaman ko. I know… I’m just being paranoid… pero… SHET!

“ROSIE!!” Dinig ko ang sigaw nina Jamie.

Liningon ko sila. Gusto kong magmukmok. Linapitan ko sila para magpaalam sana para mag impake pero…

“FMK tayo! Go, Brandon!”

Tumatawa si Brandon.

Hindi ako makatawa man lang dahil sa nangyari kanina.

Nakangisi si Brandon nang sinabing, “FMK, Chris Brown, Jacob, Ako.”

“Huh?” Tumaas ang kilay ko.

Gusto ko sana siyang i-ignore, kaso nasali si Jacob sa usapan.

Nagkasalubong ang kilay ko, “Ano?”

“Who would you Fvck, Marry and Kill? Chris Brown, Jacob, Ako.”

Nagtilian ulit ang mga co-models ko. Umiling ako at tamad na sinagot.

“Hindi ko masasagot yan, Sorry.” Sabi ko.

“Ang KJ talaga! Rosie naman! Laro lang naman! Walang personalan, dito.”

“Fvck Chris Brown, Marry Jacob and Kill you!” Tinaas ko ang isang kilay ko at diretsong tinignan si Brandon.

Tumawa sila. Tumawa din si Brandon habang hina-high-five ang iilang male models. “See? Kaya nga gustong-gusto ko siya eh. Ang sungit!”

Tinalikuran ko sila at inirapan ang kawalan. Damn! Jacob! Ako parin ba ang papakasalan mo o nagiging OA lang ako?


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: