Baka Sakali 2 – Kabanata 9

Kabanata 9

Sigaw

Mahigpit niya akong niyakap habang humahalakhak. Tinakpan ko na lang ang mukha ko kahit nakasandal na ako sa dibdib niya. Pag naaalala ko talaga ang mga pinagdaanan namin, naiiyak na lang ako.

“Uyyy! Jacob! Nandito ka pala!” Tinapik ni Kira ang balikat ni Jacob.

Kinalas niya ang pagkakayakap sakin. Pinunasan ko ang sarili kong luha at natawa na lang sa sarili ko.

“Kilala ba kita?” Pambungad na tanong ng supladong si Jacob.

Nalaglag ang panga ni Kira pero ngumiti din.

“Ano ka ba! Ang sama mo ah? Turned on tuloy ako!” Humalakhak siya at kinindatan ako.

Umiling ako sa reaksyon ni Jacob. Seryoso at mukhang galit ang mukha niya.

“Kaw naman, di ka mabiro.” HInaplos saglit ni Kira ang biceps ni Jacob.

Kumunot ang noo ni Jacob nang tinignan ang kamay ni Kira na nakahawak sa braso niya.

“Well, anyway, swimming, anyone?” Change topic ni Kira.

“Jacob, swimming?” Tanong ko.

Narealize kong unti-unti na pala kaming pinapaligiran ng mga models.

“Oh my gosh! Siya ba yung kumanta? Ang ganda ng boses ah?” Sabi nung isa sa pinakamatangkad na model. “Rosie? Di mo sinabing magaling pala kumanta yung boyfriend mo.”

Ngumisi lang ako.

“Siya yung vocalist ng bandang Jacob, diba?” Tanong nung isang model.

Narealize kong naka two piece silang lahat. Ako at si Jacob lang yata ang balot na balot dito. Pati mga male models ay nakikiusyuso na rin.

Hinawakan ni Jacob ang kamay ko at umambang hihilain ako palayo.

“Uhm, oo.” Sagot ko sa huling tanong. “Uhmmm. Sige, excuse me…” Sinabi ko sa mga nakiusyuso bago kami umalis ni Jacob.

Nagpahila na ako kay Jacob para malayo na kami sa mga usisero. Sinundan nila kami ng tingin kahit umupo kami sa pinakamalayong table.

“Rosie, uwi tayo ng Alegria mamaya.” Aniya.

“WHAT? HA? Bakit?” Nabigla ako sa desisyon niya.

Hindi kaya napagdesisyunan niya nang doon siya mag f-field study sa Alegria?

“Basta!” Ngumisi siya.

“Huh?”

Mas lalo tuloy akong napaisip sa dahilan niya. Bakit kaya kami uuwi ng Alegria. Urgent ba talaga kasi ngayon na agad?

“Pero bago ang lahat…” Tinignan niya ang dagat. “Swimming muna tayo ng saglit?”

Bumaling siya sakin at ngumisi.

“Sigurado ka?” Tanong ko. “Mag two-two piece ako?”

Ngumuso siya at pinasadahan ako ng tingin.

“Okay lang, basta nakapulupot ako sayo, okay lang…”

Uminit ang pisngi ko. Hindi naman yata tama yung nakapulupot siya sakin the whole time. Pero bakit gusto ko yung ideya niya? Gusto kong nakapulupot siya sakin… SHEEET!

Tumango ako. Nabigla din ako kasi may dala pala siyang driver. Siguro ay para sa mahabang byahe papuntang Alegria.

Naka t-shirt at board shorts pa lang siya nung hinubad ko ang t-shirt ko. Ngumuso siya habang nakatingin sa dibdib ko. Tumindig tuloy ang balahibo ko. Hindi ko kasi alam kung ano ang iniisip niya.

“B-Bakit ganun yung kinanta mo?” Tanong ko at nag iwas ng tingin.

Imbes na tignan siya ng diretso sa mga mata ay tumingin na lang ako sa mga modelong papunta na sa dagat (yung iba nag pi-picture-picture na naman).

“Hmmm… Wala lang, bakit?”

Nakita ko sa gilid ng mga mata kong hinubad niya na ang t-shirt niya. Uhm… Pwede kayang umalis na lang kami para wala nang makasaksi sa nakabalandra niyang sparkling abs? Nag iwas parin ako ng titig kahit na naaakit na akong tignan ang katawan niya.

“Gusto ko…” Hinila niya ang braso ko kaya napalapit ako sa kanya.

Lilingunin ko na sana siya pero di ko na nagawa kasi niyakap niya na ako galing sa likuran. Ngayon, hindi ko na alam kung alin ang mas nakakakaba… yung makita ang sparkling abs niya o yung nararamdaman sa likuran ko.

“Gusto kong ipaalala sayo lahat ng pinagdaanan natin. Gusto kong…” Nilagay niya ang mukha niya sa leeg ko.

Hindi ko alam kung nararamdaman niya ba yung pagtindig ng balahibo ko. Uminit ang pisngi ko. Hanggang ngayon hindi niya parin siguro alam ang epekto niya sakin.

“Gusto kong malaman mo na kahit nasaktan, nagkamali, at nabaliw ako noon dahil sa mga nangyayari satin, kaya ko paring ulitin lahat ng yun, ng ilang beses, mapasakin ka lang ulit.”

Hinalikan niya ang leeg ko.

“J-Jacob, maraming nakatingin.”

May narinig akong tumili sa malayo. Pakapalan ng mukha na talaga ang pagtitig nila samin. Kahit na alam nilang nakikita ko ang pagtitig nila, tumititig parin sila. Hindi man lang nag iiwas ng tingin.

“Kung gusto nilang tignan tayo, edi hayaan mo sila. Mainggit na ang mainggit, Rosie, pero aangkinin kita kahit sa harapan ng maraming tao.”

Hinalikan niya ang pisngi ko at hinila palayo sa kinatatayuan namin…

“Maligo na tayo, Rosie!”

Uminit lalo ang pisngi ko sa anyaya niya. Bakit parang ang green nung naiisip ko? Hay nako! Pero itong si Jacob mukhang wala namang napapansing green doon?

“Wait… Yung shorts ko…” Hinubad ko malapit sa seashore ang shorts ko at iniwan din doon ang slippers.

Hindi ko na masisisi ang naglalaway sa katawan ni Jacob. Gaya ng sinabi ko kanina, hindi sila natitinag. Walang nakakapigil sa pagtitig nila… Kahit tinititigan at iniirapan ko na, hindi parin ako pinapansin. Laglag ang panga nila habang nakatitig sa sparkling abs ni Jacob.

Yung iba kahit likod niya pinag diskitahan.

“Ganda ng likod, harap, mukha, at… ilalim! KYYAAAA!”

Napalingon talaga ako sa naninisay na mga modelo at napailing na lang ako. Yung iba naman walang pakealam, pero siyempre kitang kita ko parin ang pasulyap-sulyap na mga mata nila tuwing di ako nakatingin.

“Rosieee! Picture ko kayo!” Sigaw nung isang model.

Ilang pictures ang kinuha samin. Hindi ako sigurado kung dapat ba kasali ako o si Jacob lang yung gusto nila. Hindi nila pwedeng ma picturan si Jacob ng mag isa dahil para siyang linta na dikit ng dikit sakin.

Panay ang dikit ng dibdib at sparkling abs niya sa likuran ko o di kaya sa braso ko. Halos parati pang nakapulupot ang braso niya sakin.

“Lika na… Gusto kong mapag-isa tayong dalawa.” Bulong niya sa tainga ko.

Tumango ako at nagpadala sa mga hila niya.

Nakita kong nag banana-boating sina Jasmine, Brandon at ilan pang mga models. Binalewala ko na lang sila kahit maingay dahil masyadong distracting si Jacob. Lalo na pg pinupulupot niya ang braso niya sa baywang ko.

“Rosie, subukan nating mag kiss underwater?”

“Jacob, pati ba naman yan?”

“KIss lang naman, eh. Saka na mag level up pag nakapagkiss na tayo-“

“HA? Anong level up? Level up ka diyan!” Binatukan ko na.

“Aray naman… Bakit? Diyan naman talaga nagsisimula ang lahat diba.”

“Huy! Baliw ka talaga.” Lumayo ako sa kanya.

Ang walag hiyang ito. Minsan sa sobrang ka inosentehan niya, hindi niya na napapansing green masyado ang pinagsasabi niya.

“Sige na!”

Lumangoy siya palapit sakin.

“AHHHHHH!” Paranoid talaga ako pag may lumalangoy palapit sakin.

Pakiramdam ko hihilain nila ako pababa at malulunod ako.

Unti-unti kong naramdaman yung kamay niya sa baywang ko.

Natigil ako sa pagsigaw sa gulat. Hinalikan niya ang tiyan ko pataas hanggang dibdib bago umahon.

“Come’on, Rosie. Underwater kiss tayo!”

Aba’t parang naghahamon lang ng isang laro ah?

“Uyy? Okay lang ba kayo?” Biglang sumulpot out of nowhere si Brandon.

Sabay kaming napalingon ni Jacob.

“Wala!” Galit kong sinabi.

Kumunot ang noo niya nang bumaling sakin.

“Galit ka? I’m just concerned. Sumigaw ka kasi akala ko kung ano na… Akala ko nalunod or something…”

“Hindi naman siya malulunod kasi marunong naman akong lumangoy.” Sabi ng naiiritang si Jacob.

“Sorry, man! Distress sign talaga kasi yung sigaw… Kaya napunta ako dito.” Sabi ni Brandon.

Hinarap siya ni Jacob. Ramdam ko na naman ang high blood niya kaya hinawakan ko na agad ang braso niya para pigilan kung ano man ang binabalak…

“Distress sign kung sumigaw siya ng tulong… Pwede namang sumisigaw siya dahil sa sarap, diba?” Ngumisi si Jacob at tinaas ang isang kilay.

Napakagat ako ng labi sa sinabi ni Jacob. SHET! Kumunot lalo ang noo ni Brandon at yumuko.

“Sorry. Concerned lang talaga ako.”

“Ngayon alam mo ng walang nanghihingi ng tulong dito, makakaalis ka na.”

Nalaglag ang panga ni Brandon at lumangoy na lang palayo.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: