Until He Returned – Kabanata 35

Kabanata 35

Both

Nagkatinginan kami ni Claudette sa salamin. Naghuhugas ng kamay si Erin habang si Chanel ay pumasok sa isang cubicle. Sinubukan kong magkunwari na hindi ako naapektuhan pero hindi ko mapigilan ang madalas na pag silip sa mukha ni Erin. Nakadungaw siya sa kamay niya habang sinasabonan ito.

“Kamusta na kayo ‘nong manliligaw mong si Vaughn?” Tanong niya, hindi parin nag aangat ng tingin.

“Vaughn is just my friend.” Paliwanag ko.

Saka pa siya nag angat ng tingin sa akin. “Hindi ba nanliligaw siya sayo? Bakit friend na lang ngayon?”

“Pag nanliligaw, Erin, ano bang tawag don? Hindi ba friend parin naman?” Singit ni Claudette, humalakhak pa siya para pagaanin ang bumibigat na pakiramdam.

Pinatuyo niya ang kanyang kamay sa dryer at tinitigan niya ako sa salamin. Lumabas si Chanel sa cubicle at nakatingin na agad siya sa akin.

Kumalampag ang puso ko sa nararamdaman ko sa dalawa. Kinakabahan ako hindi dahil natatakot akong malaman nila ang totoo, kundi dahil alam kong kung tatanungin nila ako ay ako mismo ang magsasabi non.

“You still love him.” Nanliliit ang mga mata ni Erin habang pinag mamasdan ako.

Tinitingnan ko ang kamay kong hinuhugasan ko ng tubig galing sa gripo. Tumigil ang gripo at hindi ko na ito binuksan ulit.

“Erin… what are you talking about?” Ani Claudette.

Hinarap ako ni Erin. Hindi siya nakuntento sa salamin. Humarap siya sa akin kaya nilingon ko rin siya.

“Eion told me you’re staring at Elijah all the time. You’re still in love with him!” Hindi iyon tanong. It was more of a conclusion.

“Klare…” Hinawakan ni Claudette ang balikat ko. She’s desperate and she wants me to hide the truth.

“Klare?” Lumapit si Chanel.

“Erin… mahal ko parin siya.” Inamin ko at mabilis akong nakatanggap ng pagsugod sa kanya.

Napapikit ako at naghintay na tumama ang kanyang kamay sa aking mukha. Hinila ako ni Claudette palayo sa kanya. Nang hindi tumama ay unti unti akong dumilat at nakita kong bumubuhos ang kanyang luha habang pinipigilan siya ng kanyang kapatid na umiiyak din.

“Erin, stop it. We can’t do anything about her feelings! That’s hers!” Ani Claudette.

“Alam mong may girlfriend siya, Klare! Alam mong may girlfriend siya!” Paulit ulit niyang sinabi.

Pinipiga ang puso ko ngunit wala akong lakas para umiyak. Ang tanging nararamdaman ko na lang ngayon ay ang pagod sa mga pangyayari. Pagod na pagod na akong magtago. Pagod na pagod na ako sa panghuhusga.

“Klare, ipinagpalit ka ni Elijah. You know he’s an asshole! He’s never good for you! He’s your cousin for God’s sake! You are a Montefalco!” Mabilis niyang sinabi na parang mura lahat ang mga iyon.

Umiling ako. “Gustong gusto kong maging Montefalco, Erin pero hindi ko maitatanggi ang katotohanan. I’m not a Montefalco. Ni isang patak ng dugo ninyo, wala ako.” Napapaos kong sinabi.

“You changed your family name for this?” Tanong ni Chanel.

Umiling ulit ako. “Kahit kailan. Kahit gano ko pa kamahal si Elijah, hinding hindi ko tatalikuran ang pagiging Montefalco ko, Chanel. Pero hindi… kasi hindi naman talaga ako tunay na Montefalco. I don’t deserve your family name kasi anak ako sa labas!”

“Kahit kailan hindi ka namin sinumbatan na anak ka sa labas-” Ani Erin na agad kong pinutol.

“My father suffered because of me! Si Dad, Erin, Chanel, nasasaktan dahil sa akin! Hindi niyo alam ‘yon because you were never there for me! I was completely alone because I pushed the only man who ever loved me strong enough! Para sa inyong lahat! Para matanggap niyo ulit ako! Dahil mahal na mahal ko ang pamilyang ito! Higit pa sa pagmamahal ko sa kanya!” Bumuhos ang luha ko sa sinabi ko.

Natahimik sila. Walang nagsalita at hinayaan nila akong humagulhol.

“Alam ko namang tama kayo. Kasalanan ‘yong ginawa namin. That was beyond stupid. Kasalanan ‘yon sa mata ng Diyos, sa mata ng tao. But I love him so much and I cherished the moments we were together kasi alam ko na sa oras na papipiliin ako kung pamilya ba o siya, pipiliin ko ang tama. Dahil gusto kong protektahan kayo!”

“Sumagi ba sa isip mo, Klare, na nakakadiri ang ma inlove sa pinsan mo-” Pinutol ko ulit si Erin.

“Tingin mo hindi ‘yan sumagi sa isip ko? Mahirap ang naging simula namin ni Elijah. I pushed him away, he pushed me too-“

“Then you’re not really pushing him away hard enough!” Sigaw niya sa akin.

“Erin, tama na.” Bulong ni Chanel habang nakahawak sa mgakabilang balikat ni Erin para pigilan siya sa pagsugod sa akin.

“Tinulak ko siya palayo at lumayo siya sa akin, Erin. Kung hindi mo nakita, nilipad niya kalahati ng mundo para lang makalayo!” Sigaw ko rin pabalik sa kanya.

Pinipiga ang puso ko sa bawat salitang sinasabi ko. Nararamdaman ko ang lamig ng nanunuyong luha sa pisngi ko.

“At ngayong nagbalik na siya, kinuha mo ulit, ha? Ganon ba ‘yon, Klare? Elijah Montefalco is capable of loving someone else, Klare. Kaya niyang magmahal ng iba, bukod sayo kaya sana ay hinayaan mo na lang siya!”

Wala akong masabi. She’s right. Pupwede ko namang hayaan na lang si Elijah at Selena. Kahit na sinabi ni Elijah sa akin na sinubukan niyang mag mahal pero hindi siya nagtagumpay dahil ako parin, sana ay hinayaan ko na lang siya kay Selena. Selena loved him dearly. He deserved that kind of love. Hindi niya deserve ang pagmamahal na ganito, sobrang daming hadlang, at sobrang daming masasaktan.

“Mahal ko, e.” Nanikip ang dibdib ko sa sinabi ko.

Wala talaga akong mahanap na mga tamang salita. That was the only explanation I have. Sana ay maintindihan nila ‘yon kahit na alam kong malabo.

Nabitiwan ni Chanel si Erin dahilan kung bakit niya ako nalapitan. Basang basa ang kanyang mukha dahil sa luha at pulang pula ang kanyang mga mata. Kahit sa kalagayan ay bagsak parin ang buhok niya at nanatili paring maganda ang postura.

“Chanel!” Sigaw ni Claudette nang sinugod ako ni Erin at niyugyog niya ng husto ang balikat ko.

“You are not a mistress, Klare. You are better than that! Elijah is a fucking asshole! He should just disappear! Kasalanan itong lahat ng ginagawa niyo! Kahibangan ito!”

Umiling ako. “Wala na sila ni Selena.”

Natigilan si Erin at tiningnan niya akong mabuti. Nilapitan siya ni Chanel at hinila niya si Erin palayo sa akin.

“No way, Klare.” Ani Chanel.

Umiling ulit ako.

“Liar!” Ani Erin. “Kung ano man ang pinaasa ni Elijah sa’yo, Klare, wag kang maniwala. Sila parin! Ang sabi ni Selena, sila parin! He’s two timing!” Ani Erin.

Yumuko ako at naisip iyon. Elijah can’t be, right? Umalis si Selena dito at ginawa niyang klaro iyon. Selena is just helping us out.

“I can’t believe you, Klare! I can’t fucking believe you!” Ani Erin at marahas niyang dinampot ang kanyang purse at nagmartsa palabas ng pintuan.

“Erin!” Sigaw ni Chanel at sinundan niya si Erin.

Mariin akong pumikit. Binitiwan ni Claudette ang aking balikat at hinarap niya ako.

“I’m sorry, Klare.” basag ang boses niya.

Hindi ko alam kung bakit siya nag sosorry sa akin. Wala naman siyang kasalanan. Nanatili akong tahimik. Ganon rin siya. Inayos ko ulit ang sarili ko ngunit hindi ko na maibalik ang ngiting suot ko kanina.

“You think ilalaglag niya ako?” Tanong ko kay Claudette ng wala sa sarili.

“Klare, Erin loves you. Kahit ganon, ayaw niya, pero hindi ‘yon magsasalita.” Ani Claudette.

I don’t know. I love her, though. Pero hindi na ako sigurado kung mapagkakatiwalaan ko ba talaga siya. She hated me so much for destroying this family, for my scandal, for my selfishness. Na tingin ko ay kaya niyang gawin lahat para lang matigil ako.

“You should tell Elijah.” Ani Claudette.

Tumango ako pero hindi ko naman alam kung paano. Erin and Chanel will be watching me all the time. At ang ipakita sa kanila na magkalapit kami ni Elijah ay masakit sa mga mata nila. Isa pa, ayaw kong si Elijah naman ang mag wala.

“I’ll text him.” Sabi ko.

I trust Elijah. May tiwala akong hindi na siya magpapadalos dalos ngayon. Sa lahat ng nangyari sa aming dalawa, marami na kaming natutunan.

Ako:

Erin knows about us.

Mabilis siyang nag reply. I know he’ll freak out.

Elijah:

Asan ka?

Mabilis akong nagtype sa pangambang hahanapin niya ako. Nanginginig ang kamay ko at kinailangan ko pang huminga ng malalim para mapigilan ang panginginig.

Ako:

Stay there. I’ll be there.

Nakuntento na ako sa mukha ko kahit na medyo bakas parin doon ang pagluha ko kanina. Tinulak ko ang pintuan at sumunod si Claudette sa akin. Na estatwa ako nang nakita ko si Erin na hinahawakan ang braso ni Elijah. Naroon si Azi sa likod ni Chanel at mabigat ang nararamdaman kong tensyon. Ang mga waiter na dumadaan patungo sa mga function room ay napapatingin sa nangyayari.

“Bitiwan mo ako, Erin.” Malamig na sinabi ni Elijah.

Mabilis akong naglakad patungo sa kanila. Kumakalabog ang puso ko sa pangamba. Matalim akong tinitigan ni Erin habang si Elijah naman ay nakatingin parin sa kamay niya.

“You’re cousins, Elijah. May girlfriend ka. You are making her your mistress.” Ani Erin.

“We’re not cousins. Wala akong girlfriend. At hindi siya kailanman magiging mistress so get your hands off me!”

Binawi ni Elijah ang kanyang braso at humarap siya sa akin. Kinagat ko ang labi ko at nakita ko ang mga titig ni Erin at ang pag iling ni Chanel.

“Sige! Sige mag landian kayong dalawa! Mabubuking kayo in no time. Elijah’s ass will be sent back to the US of A, and you Klare will be miserable again!” Aniya.

Pumikit si Elijah. “That will never happen, Erin, if you just shut your mouth!”

“I don’t need to open my mouth! Buking na buking na kayong dalawa sa mga galaw niyo pa lang!” Aniya at tumingin siya sa akin. “At ikaw, Klare? You never kept you promise! You should let him go because you’re not good for him. You’ll destroy his name, his family, his life-“

Mabilis siyang hinarap ni Elijah. Natakot ako sa maari niyang gawin. Pumagitna si Azi sa kay Erin at Elijah. Tumakbo ako palapit sa kanila. Nanginginig ang mga braso ni Elijah sa galit. Marahan ko siyang hinaplos ngunit mas lalo siyang nanginig.

“I don’t. fucking. care. if this love can destroy my whole life. Kung hindi mo pa iyon maintindihan, go ahead and spill the beans. I don’t care! I hope you’ll be happy, Erin.”

“Elijah, pinabalik ka dito dahil akala ng mommy at daddy mo, pati nina mommy at daddy, na okay ka na. Na wala na si Klare sa utak mo. They want to protect you because they love you-“

“Protect me from what? From Klare? I know that, Erin, but I don’t understand!”

“Because that’s incest. It still is. Lumaki kayong magkasama at naniwala kayong magpinsan kayo. She’s tito Lorenzo’s daughter!”

“Wala akong pakealam kung kaninong anak siya. I want her-“

“This is all lust! All fucking lust-” Sigaw ni Erin.

“Just leave us alone! And stop being so insecure! Hindi ibig sabihin na dahil nahihirapan ka kay Eion ay pahihirapan mo si Klare!”

Nalaglag ang panga ni Erin sa sinabi ni Elijah. Lumubog ang kanyang braso at nanginig ang kanyang labi. Humarap si Elijah sa akin ngunit ang titig ko ay nanatili kay Erin.

Ilang beses siyang humikbi bago nanginginig na sinabi, “Now you’ve done it.” at tumakbo siya palabas ng hotel.

“Azi, help me out. Ihatid natin si Erin sa bahay.” Ani Chanel.

Mabilis na tumugon si Azi at sinundan nilang dalawa si Chanel sa labas. Lumapit si Elijah sa akin at nang tumama ang mga mata ko sa kanya ay mabilis ko siyang pinagsabihan.

“Bakit mo sinabi ‘yon kay Erin?”

“Sorry. i got carried away. Hindi ko makalimutan. I don’t want her to hurt you, Klare.” Aniya.

“Now she got hurt! She was already hurting, Elijah!” Sabi ko.

“Are you okay?” Tanong niya pagkatapos balewalain ang tanong ko.

Hinawakan niya ang pisngi ko. Nag iwas ako ng tingin.

“I’m sorry. Nakikita kong insecure siya sayo.” Aniya.

Bumuntong hininga ako. “She cared for me, that’s why. Sana ay hindi mo na lang iyon sinabi!”

“Klare, I think we need to go back. Masama na nawala si Erin ngayon. Tatanungin tayo ni Tito Benedict.”

“She’ll tell them, anyway.” Sambit ko.

“She won’t. Trust me, Klare.” mariing sinabi ni Claudette. “I know she’s a bitch. Ayaw niya sa pagmamahalan ninyong dalawa ni Elijah. She wants Elijah to be happy with another girl. She wants you to be happy with another guy. Iyon ‘yon. She will try to destroy your relationship but she’s not going to spill it. Remember last time? Remember?” Ani Claudette.

Pumikit ako at tumango. Nag angat ako ng tingin kay Elijah.

“Say sorry to her, Elijah.”

Nag igting ang panga niya. Sigurado akong iritadong iritado na siya sa akin. Pero wala akong maisip kundi ang mukha ng pinsan kong humahagulhol habang lumalayo. The family I was trying to protect two years ago, is the family that I’m going to destroy now. This is all my fault.

Marahan niyang hinaplos ang braso ko.

“Okay, baby. I’ll do whatever you want.”

At niyakap ko siya ng sobrang higpit. I am in love with him completely. I love my family too. I will try my best to hold both.

Bumalik kami sa party na parang walang nangyari. Malayo ako kay Elijah at hindi ko kailanman siya tinitigan ulit dahil alam kong nanonood siya sa akin. Ilang minuto ba ang nakalipas bago bumalik si Chanel at Azi.

“Where’s Erin?” Dinig kong tanong ni Tita Liezl, ang mommy ni Erin, Chanel, at Josiah.

“She’s… not feeling well. Hinatid namin ni Azi sa bahay.” Ani Chanel.

“Bakit? Sick? May lagnat ba o ano?” Kunot noong tanong ni Tita.

“May nakain lang sigurong hindi maganda. She’s fine, mom.” Ani Chanel at tumalikod.

Mabilis na nag tama ang aming mga mata. Matalim ang titig niya sa akin. Ikinagulat ko ang pagtabi niya sa akin. Hindi ako makagalaw. Elijah’s watching us closely.

“Klare…” Aniya.

Nilingon ko siya nang umupo siya sa tabi ko.

“Itago niyo ang relasyon niyong dalawa. Iwasan mo siya.”

“I can’t do that.” Halos matawa ako sa sinabi ko. “I’m sorry.”

Umiling si Chanel. “No, I mean… Yes, if you want that relationship, then go. Pero pag nasa publiko tayo, please, itago niyo.”

“Kahit kailan hindi namin pinakita sa inyo na may relasyon kaming dalawa ni Elijah, Chanel.” Sabi ko.

“Just keep it. We have a huge event coming at ayaw nating masira ito ngayon. Please keep it for Damon and Eba.” Sabay tingin niya kay Damon at Eba.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: