Kabanata 32
Sweet
Hinawakan ni Vaughn ang aking kamay. I need to make this fast. Kumukulo na siguro ang dugo ni Elijah ngayon at pag pinatagal ko ito ay sasabog iyon. I don’t want that to happen so I need to move fast.
Malaki ang ngiti ni Vaughn habang sumasayaw kami sa gitna ng maraming tao. Amoy pinaghalong sigarilyo at beer ang mga taong nabubunggo ko sa pagsasayaw namin. Hinayaan ko ang sarili kong ngumiti sa pagngiti rin ni Vaughn. Tinaas ko ang ulo ko para makita na nakatayo na si Elijah at nakatingin sa akin, si Azi nasa gilid niya. He should calm down. Nanonood si Eion sa amin at konting kaduda dudang galaw lang namin ay may mahihinuha na si Eion.
“May naisip ka na bang araw para sa date natin?” Bulong ni Vaughn sa akin.
Halos mamutla ako dahil sa galaw niyang iyon. Elijah would be pissed. Pag lumapit pa ng husto si Vaughn sa akin ay baka hindi na iyon makapag pigil.
“Vaughn, can we talk?” Sabi ko sa kanya.
“We are talkingg.” Ngiti niya.
I hate to wipe away the smile on his face. Kinagat ko ang labi ko at nag iwas ng tingin. Here goes nothing…
“I can’t… date you.” Sabi ko ng mas malakas sa gitna ng maingay na trance music sa buong lugar.
“Bakit?” Nagkasalubong ang kanyang kilay at hinanap niya ang aking mga mata.
I’m not interested? I’m busy? I’m in love with someone else? Kahit alin diyan ay mahirap ipaliwanag. “I want you to be just my friend, Vaughn.” Inangat ko ang mga mata ko sa kanya para mas maging makatotohanan ang linya ko.
Tumigil siya sa pagsasayaw. Nawala na ang ngiti sa kanyang mukha. Bumagsak rin ang kamay niya sa kanyang gilid. Tumigil na rin ako sa pagsasayaw ko at tiningnan ko siyang mabuti.
“I’m sorry.” Mahina kong sinabi.
“W-Why? Am I going too fast for you, Klare?” Nag iwas siya ng tingin sa akin bago nagpatuloy. “What’s your type, then? Wala ka pang naging boyfriend, diba? What’s your type?”
Hindi ko pa kailanman natanong ang sarili ko sa tanong na iyan kaya wala akong maisasagot. Ngunit ngayong natanong niya ako ay wala akong ibang maisip kundi ang mukha ni Elijah. God! This is crazy!
“Vaughn, I’m really sorry.” Simple kong sinabi.
Suminghap siya. “Okay.” Sa wakas ay sinabi niya.
Handa na ako na umalis siya sa harap ko at magdabog tulad ng ginawa ni Eion sa akin noon ngunit hindi iyon ginawa ni Vaughn. Pinilit niyang ngumiti habang pumipikit na tumatango.
“Can I sit? Pagod na ako.” Sabi ko habang pinaglalaruan ang daliri ko.
Tumango siya at pumikit ulit. Hinayaan niya akong umalis doon sa dancefloor kahit na hindi pa natatapos ang music. Sinalubong ako ng pulang pula na si Erin. Naka ponytail na ang kanyang buhok na kanina ay nakalugay. Mukhang kakagaling lang rin nila ni Eion sa dancefloor.
“Oh? Anyare? Where’s your partner?” Tanong niya sa akin.
Hindi ako makatingin sa kanya buhat ng nangyari sa Aggie Building. “Vaughn’s tired. I’m kinda tired too, Erin.”
“No fun!” Aniya at dumiretso sa kanilang table para uminom.
Hindi ko nilingon si Elijah kung saan siya nakatayo. Natatakot talaga ako na makahalata si Eion o si Erin sa nangyayari sa aming dalawa. Napatingin ako sa cellphone kong punong puno ng text ni Elijah.
Elijah:
I miss you.
Elijah:
I wish we could dance.
Halos marinig ko na ang frustration sa bawat texts niya. Napaisip tuloy ako kung ano ang pinag usapan ni Elijah at ni Selena nang binigay ni Chanel ang kanyang phone kanina. Nagkumustahan kaya ang dalawa? Anu ano naman kaya ang tanong ni Selena? Of course may mararamdaman silang pagiging awkward sa unang pag uusap nila pagkatapos ang lahat. Iyon ba ang unang pag uusap nila?
“Let’s go guys! It’s ten!” Ani Rafael at hinablot na si Damon sa tabi ni Eba.
Nagsitayuan sina Eion, Brian, at iilan pang kaibigan ni Damon sa mga table. Tumatawa si Eba habang medyo iritadong umaalis si Damon.
“Ihahatid ko muna.” Sabay turo niya kay Eba.
“Really? Ba’t di mo na lang hayaan dito mag party?” Natatawang sambit ni Azi.
“Fuck off, Azi.” Sambit ni Damon at kinuha na ang kamay ni Eba.
“Bakit sobrang possessive ng mga tao ngayon?” Halakhak ni Azi.
Namataan kong kumaway si Eion habang hawak hawak niya ang kamay ng medyo lasing nang si Erin. Tinuro niya ang kanyang sasakyan at sinabi niyang ihahatid niya muna si Erin. Kaya naman ay sasabay si Silver kina Rafael. Nakita ko ring magkasama si Claudette at Silver habang papasok sa sasakyan ni Rafael.
“Hey, Dette will go straight home.” Utas ni Azi. “Bakit di ako ang maghahatid sa kanya?”
Now that he mentioned it, sino nga ba ang maghahatid sa akin sa bahay? Napalingon ako kay Elijah na medyo seryoso ang mukha sa tabi ni Azi.
“Klare, sabay ka na sa amin.” Ani Damon sabay tingin kay Eba.
Nakita kong pinapanood ni Chanel ang aking isasagot kaya hindi na ako nagpakita ng pag aalinlangang sasabay ako kina Damon.
Dumiretso ako sa itim na Mazda 3. Sabay na nag seatbelt si Eba at Damon habang pinapanood ko sa kabilang side ang umiilaw na Trailblazer ni Elijah at ang Hilux ni Azi.
“Malapit lang kasi ang bahay nina Eba sa Divisoria, Klare. Mas convenient.” Paliwanag ni Damon.
“Oh? Mabuti na lang at may maghahatid sa akin. Akala ko wala ng maghahatid sa akin.”
Medyo tumawa si Damon. “Hahayaan ba namin iyon? Azi can take you home too. Si Elijah din.” Medyo napaos ang boses niya pagkasabi ng huling pangungusap.
“Mahahassle lang sila. The Site is far from here.” Sabi ko habang tinitingnan na palayo na kami sa Lifestyle District.
“Do you want to party?” Tanong ni Damon at lumingon kay Eba.
“Nope.” Ani Eba.
“You sure?” Medyo mapanuri niyang tinitigan si Eba habang nakasandal ang kanyang siko sa bintana ng kanyang sasakyan. Tumigil kami dahil sa red light.
“Sure, Dame.”
“Do you want me to party?” Tanong ni Damon.
Ngumuso ako. Pakiramdam ko ay ang simpleng presensya ko sa likod ay nakakaistorbo na sa dalawa. Dapat ay nag taxi na lang ako.
“It’s your stag party.” Ani Eba.
“May hinandang mga babaesi Josiah. I don’t like it.” Ani Damon.
Nagkunwari na lang akong namamangha sa bawat ilaw na nakikita ko sa labas ng bintana. Cagayan de Oro City at night. Wow!
“I don’t mind.” Ani Eba. “Hope they’re clean though. Better safe than sorry.” Halakhak ni Eba.
Kumunot ang noo ni Damon sa kausap niya. Mas lalong lumakas ang tawa ni Eba.
“Hindi sila prosti. They are actually his girl friends.” Ani Damon.
“Oh then, that’s good.” Ani Eba nang nakangiti.
Pagkarating namin sa Montefalco building ay hindi parin matanggal sa mukha ni Damon ang irita sa asta ni Eba na mukhang walang pakealam kung may makita mang iba si Damon. It was actually cute. Kumaway na lang ako sa dalawa at dumiretso na sa taas.
Naabutan ko pa sina mommy at daddy na nanonood ng Cinema One sa TV. Nagmano ako sa kanila at tamad akong uminom ng tubig sa kusina. I miss Elijah. I missed him today. Kahit na nagkasama naman kami kaninang umaga ay ang mga eksena kanina sa Lifestyle ay masyadong pigil. We don’t have a choice, though.
“Home early, a?” Ani daddy.
“Yep. May stag party ang boys so… Nagpunta sila sa The Site.” Sabay lapag ko sa basong ininuman ko.
“Sinong naghatid?” Tanong ni daddy na dahilan kung bakit napatingin ako sa kanya.
“Damon.” Simple kong sinabi.
Wala na rin silang imik. Dumiretso na lang ako sa kwarto, naligo, nagbihis, at gumapang sa kama. Kinuha ko ang cellphone ko na may isang text message galing kay Elijah.
Elijah:
You home? The Site na kami.
Tinitigan ko ang message niya. Ilang sandali pa bago ako nakapag reply.
Ako:
Yup. I’m home. Take care and enjoy. 🙂
Mariin kong pinikit ang aking mga mata at narealize na hindi pa ako inaantok. I need some diversion. Kinuha ko ang iPad ko at nag install ng Facebook App. Ito na siguro ang panahon para magkaroon ulit ako ng ganon. Nag register ako at mabilis rin naman akong nagkaroon.
Tumunog ang cellphone ko sa message ni Elijah.
Elijah:
Matutulog ka na? Pwedeng mamaya na?
Nireplyan ko kaagad.
Ako:
You can’t text me while you party there. Enjoy. I’m fine.
Nakita ako ang sobrang private na account ng mga pinsan ko. Isa-isa ko silang in-add. Nisearch ko ang pangalan ni Elijah at in-add as a friend na rin siya.
Elijah:
Ayoko dito, Klare. Ayoko lang na magduda si Rafael.
Ako:
I know. Just enjoy para hindi nila mahalata.
Nagulat ako nang may nagtext at nakita kong si Azi iyon.
Azrael:
Stop texting Elijah. He’s being a total bitch here.
Ngumuso ako at hinagkan ko ang aking unan at nagdasal na sana makatulog na ako.
Elijah:
What are you doing?
Napangiti ako sa kakulitan ni Elijah. Ayaw niya talagang mamatay ang usapan naming dalawa. Hindi na ako nagreply. Ngunit hindi rin naman ako nakatulog. Alas dose nang lumabas ako sa kwarto para uminom ng tubig.
Natulala ako sa kitchen habang iniisip ang lahat ng nangyari sa araw na iyon. Napatalon ako nang tumunog ang cellphone ko sa kwarto, hudyat na may tumatawag. Nagmamadali akong pumasok at sinagot ang tawag na galing kay Elijah.
“Hey, baby, nagising ba kita?” His voice was husky.
“Uhm… no… Hindi ako inaantok. Gising ako the whole time.” Sabi ko at naghintay sa maaaring lasing niyang masabi. Drunk call or something?
“I’m… outside your building. Can I borrow you for a sec? Can you go out?”
Napatingin ako sa orasan at nakita kong 12:30MN ang nakalagay doon. Tapos na kaya ang party? Tingin ko ay hindi pa.
“Umalis ka ba sa party?” tanong ko habang kinakalkal ang gamit ko at kumukuha ng jacket.
“Yup. I’m tired and I miss you.”
Ngumiti ako. “You’re such a girl.”
Humalakhak siya. “Just let me see you, please.”
Dahan dahan akong umalis sa aming bahay. Alam kong may CCTV at malalaman iyon nina mommy at daddy kinabukasan pero naghanda na ako ng mga alibi. May binili ako, may binigay ako kay Claudette, at marami pang iba.
Nakita ko ang nag bi-blink na ilaw ng sasakyan ni Elijah sa malayo. Nagiging maingat na rin siya ngayon. May kakaibang kalabog sa puso ko ngayon. Hindi ko mapigilang mapangiti. I broke all the damn rules and I don’t care.
“Can’t stay long.” Sabi ko pagkapasok ko sa kanyang sasakyan.
Mabilis niyang pinaandar ang kanyang sasakyan. Pinanood ko siyang seryoso at medyo pagod na nagdadrive.
“Saan tayo?” Tanong ko.
“Drive thru. Want some sundae?” Ngiti niya.
Tumango ako.
Pinanood ko ang bawat pagliko ng sasakyan sa mga kalsada ng divisoria hanggang sa nakarating kami sa Mcdonald’s ng Limketkai.
“Anong ginawa niyo don? Kamusta ang girls na dinala ni Josiah?” Tanong ko.
“Boring.” Aniya.
Ngumuso ako at pinagmasdan siyang nakatingin sa labas habang dahan dahang pinipila ang kanyang sasakyan sa Drive Thru.
“You’re lying. I’ve seen you with girls, Elijah.”
“You’ve seen me flirt, Klare.” Umirap siya.
“Kaya nga. You flirt a lot.” Natatawa kong sinabi. “You can’t just stop your old habits.”
Ngumuso siya sa akin bago lumingon sa babaeng tatanggap ng order. “Two chocolate sundaes and large fries.” Aniya bago bumaling sa akin. “Hindi ibig sabihin non na nag eenjoy na ako.”
Tumango ako at umirap din. Pagkatapos namin matanggap ang kanyang order ay diniretso niya ang sasakyan sa Limketkai Drive na walang dumadaang sasakyan at wala ring tao. Pinark niya roon at kitang kita ko ang naka set up na ferris wheel sa tapat. Wala ng tao, gabing gabi na kasi.
“How bout you? Kamusta ang sayaw niyo ni Vaughn?” Nagtaas siya ng kilay.
Tinanggap ko ang binibigay niyang sundae sa akin at sabay kaming lumabas ng sasakyan. Humilig siya sa railings at ganon rin ang ginawa ko. Malamig na. Mabuti na lang at naisipan kong mag jacket.
“Sinabi ko na sa kanya na hindi ako interesado.” Ngiti ko. I was proud of myself.
Nakatitig si Elijah sakin. “Uh-huh?”
“He’s a good guy. Hindi siya nagalit. Sabi niya okay lang daw.” Sabi ko.
Humilig si Elijah palapit sa akin habang kumakain ako ng sundae.
“Good. I got pissed. Buti na lang pala at napigilan ko ang sarili ko. Please, Klare, I hope that’s the last boy.” Aniya.
Tumawa ako.
“I’m serious. Hindi mo alam kung gaano ako nagpipigil, e. I’m going to piss in my pants if there’s another boy.”
Umirap ako. “You’re crazy, Elijah.” Napawi ang ngiti ko nang may naalala ako. “Kumusta si Selena?”
Sinuri niya ng mabuti ang aking mga mata. Masyadong mabigat ang kanyang titig kaya hindi ko na kayanan, nag iwas ako ng tingin.
“She’s doing great. Still in Davao. She was sorry about the call. Si Chanel ang tumawag to check kung alam na ba niya. They invited her but she refused. Aniya aalis na daw siya sa mga panahong iyon.”
Tumango ako at hindi parin ako makatingin sa kanya.
Nilapag ko ang sundae sa gilid ng railing. Hinanap ni Elijah ang mga mata ko habang tumatayo ako sa gilid niya.
“I figured I want you jealous but I don’t want you upset. Nakakalito pala. ‘Yong gusto kong nag tatantrums ka tapos gusto ko rin na masaya ka.”
Kumunot ang noo ko. “I’m not jealous.”
“Yes you are not. I know when you’re jealous. You hug me tight and you don’t want to let me go.” Buntong hininga niya.
Napatingin ako sa relo ko at napagtantong halos isang oras na akong wala sa bahay. I should go.
“Elijah, uwi na tayo.” Anyaya ko at mabilis na naglakad pabalik sa sasakyan niya.
“Alright.” Aniya at sumunod naman sa akin.
Pinatunog niya ang kanyang sasakyan. Binuksan ko ang pinto at umupo sa front seat. Kumuha ako ng isang bote ng mineral water at uminom doon. Inayos ko ang buhok ko at naghintay sa pagpapaandar niya. Nakakunot ang kanyang noo habang dinudungaw ang kanyang cellphone.
Kumunot rin ang noo ko habang pinapanood ko siya.
“Sinong katext mo?” Tanong ko.
Binaba niya ang kanyang cellphone at lumingon siya sa akin. Naghintay ako ng sagot niya.
“Who texted you?” Kinagat ko ang labi ko.
“Just… Azi.” Aniya.
Dinungaw ko ang cellphone niya. Pag angat ko ng tingin sa kanya ay nakahilig na siya sa akin. Kinalas niya ang kanyang seatbelt para mas lalo siyang makalapit.
“Si Azi ba talaga?” Bulong ko nang lumapit ang kanyang mukha at kumalabog ang aking puso.
“You’re jealous.” Bulong niya.
Tinukod niya ang kanyang braso sa aking upuan. Humilig ako sa aking upuan at nasa harap ko na ang nakangiti niyang mukha.
“I’m not.” Iling ko.
“You try so hard to be righteous. It’s sexy.” Aniya. Naamoy ko na ang mabangong hininga niya.
Nanunuya na ang kanyang labi sa harap ko. Hindi ko kayang tingnan na lang iyon doon. Nilapit ko ang aking labi sa kanya at marahan ko siyang hinalikan. Natahimik siya at hinalikan niya ako pabalik ng mas marahan.
Napapikit ako sa mga mararahan niyang halik sa aking labi. I love him so much. And I’m so damn scared… I’m scared I’ll lose him… over anything. Hindi ko na talaga matandaan kung paano ko siya nagawang itulak noon. I’m going to fight for him now. With all of me.
Tumindig ang balahibo ko sa leeg habang hinahalikan niya ako at hinahalikan ko siya pabalik. Malakas ang pintig ng puso ko at mabilis ang paghinga niya. Tumigil siya para maghabol ng hininga.
“You’re sweet, baby.” Bulong niya at unti unting lumaki ang kanyang ngiti. “And I think you are really jealous.”
Aniya sabay tingin sa mga kamay kong mahigpit na nakawak sa kanyang braso. Pumikit ako at tumango. “I’m jealous. Sa mga babaeng umaaligid sayo at kay Selena na maaaring mamahalin mo kung wala ako.” Pag amin ko.
Inangat niya ang baba ko para magkatagpo ang aming mga mata. Pinanood niya ng mabuti ang mga mata ko na para bang may hinahanap siya doon.
“I’ve only ever loved you, Klare.” Hinaplos niya ang aking kamay at pinaglakbay niya ang kanyang daliri sa braso ko, sa leeg, hanggang sa pisngi. “I don’t think I’m capable of loving someone else.”
Tumango ako at tumitig sa kanyang labi. Ngumiti siya.
[xyz-ips snippet=”xyz-post-navigation”]