Until He Returned – Kabanata 24

Kabanata 24

Love Is War

Hindi ko na nakita kung nasaan ang mga pinsan ko dahil sa paghila sa akin ni Erin papasok sa loob. Marami ng tao at medyo basa na sa bubbles ang sahig ng bar. Maingay at sumisigaw ang mga tao habang sumasabay sa music ng isang sikat na DJ. May nakita akong babaeng naka bikini at iilang mga lalaking topless. So this is a Foam Party, huh?

Natatalisod na humilig si Erin sa bar at umorder ng dalawang hindi ko malamang shots.

“Ready?” Tanong niya sabay bigay sa akin ng shot glass.

“Hintayin muna natin ang mga pinsan natin, Erin.”

Umirap siya at nilagok ang shot niya at nanghingi pa ng isa sa bartender.

“Tama na, Erin.” Saway kong parang pinalagpas niya lang sa kabilang tainga.

Umiling na lang ako at dahan-dahang ininom iyong akin. Napangiwi siya pagkatapos niyang ininom ang pangalawang shot.

“Nagbibihis pa ang mga ‘yon.” Aniya.

May kung anong tumama sa ulo ko. Hinawakan ko ang ulo ko at naramdaman ang mamasa masang bubbles. Umuulan ng foam sa buong bar at hindi ko malaman kung saan nanggagaling iyon.

“Wohooo!” Sigaw ni Erin sabay sayaw malapit sa bar. “Hintayin natin sina Ate at Kuya bago mag dancefloor.”

Tumango ako at tumingin sa bunganga ng bar. Marami akong nginitian na kakilala. May nakausap din si Erin na kaibigan namin kaya medyo naging preoccupied siya. Iyon nga lang, hindi ko alam kung matino pa ba ang mga kinikwento niya gayong medyo may tama na siya.

“Sina Pierre?” Tanong ng isang kaibigan ni Pierre at Hendrix nang nakita ako doon.

Umiling ako at iminuwestra si Erin. “Umuwing Davao at nag paiwan ako.”

Tumango siya at dumiretso na sa dancefloor kasama ang mga kaibigan niyang kilala ko rin naman.

Hindi na sanay ang mga tao na kasama ko ang mga Montefalco. Lagi nilang hinahanap ang mga kapatid ko sa akin. Kasi naman kung nasaan ako ay naroon din sila. Ngayong nag bago na naman, nalilito na naman sila.

Nilingon ko si Erin na may kabulungan ng lalaking hindi ko kilala. Inilalapit niya ang katawan niya doon sa lalaki. Gusto ko siyang hilahin pabalik ngunit ang tili ng mga babaeng nasa gilid ko ay nagpaagaw ng atensyon sa akin.

“Montefalcos!” Sigaw ng isa sa gitna ng maingay na music.

Nanliit ang mga mata ko sa bunganga ng bar at nakita kong naka shorts at topless si Josiah at Rafael. Pareho silang may tattoo sa dibdib na Montefalco, iba-iba lang ang disenyo. Sumunod si Azi na naka itim na sleeveless at maong. Umiling ako nang nakitang kumindat siya sa mga babaeng nakasalubong niya at halos lumuhod na ang mga babae sa harapan niya.

Yeah right!

Sumunod si Damon na katawanan si Claudette. Naka tight na t-shirt lang si Damon at parang walang pakealam kung mabasa siya. Huling pumasok si Elijah na naka kulay grey na sleeveless at pants tulad ni Azi. Tumitig agad siya sa akin ng nakasimangot.

Tumili ang mga babae sa gilid ko at nagbulong bulungan.

“May mga tao talaga na pag tinitingnan mo, feeling mo susunod ka sa lahat ng gusto niya-” Kinain ng tili ang pinag uusapan ng mga babae.

Nilingon ko sila at narinig kong dinagdagan ng isa habang tumitingin sa mga pinsan ko. “‘Yong tipong, kaya mong sundin kung anong gusto nilang gawin mo. ‘Yong isusuko mo ang sarili mo sa kanila…”

Uminit ang pisngi ko sa pinag uusapan nila. Kahit hindi nila nabanggit na mga pinsan ko ang tinutukoy nila ay parang alam ko na agad.

“Hi!” May biglang lumapit sa akin na lalaking hindi pamilyar.

Uh-oh! Mabilis ko siyang binara. Hindi bale na kung isipin niyang assuming ako. Ang importante ay mababara ko agad siya.

“Uh,” Umiling ako.

Kumunot ang noo at kumurba ang mapupulang labi ng lalaki. “Wanna drink? Or dance?”

Narinig kong humalakhak si Erin sa gilid ko. Napalingon ako sa kanya at nakita kong ibang lalaki na naman ang kausap niya ngayon.

“She can dance! Let’s go dance!” Ani Erin at hinila ako patungong dancefloor.

Dammit! Napatingin ako sa mga pinsan kong umupo sa mga high chair ng bar. Si Claudette, Chanel, Brian, Damon, at Elijah na lang ang naroon. Samantalang ang tatlong lalaki naman ay nag eenjoy na sa dancefloor na pinaglalaruan ang foam.

Napapikit ako nang nakita kong hinahawi ni Azi ang foam sa dibdib ng babaeng naka bikini. What the fuck? I missed this kind of scene but I think I’d rather not see it again! Bumaling ulit ako sa mga high chair at kitang kita kong kumikinang ang mga mata ni Elijah na nakatingin sa akin habang umiinom siya ng isang hard liquor.

Umalingawngaw ang kanta ni Rihanna sa speakers at tumili ang mga tao. Mas lalong naging wild ang sayawan at bumuhos ang mga bubbles galing sa taas. Panay ang sayaw ni Erin kasama ang lalaking hindi ko kilala. Hindi ako gumagalaw doon sa dancefloor habang sinasayawan ako nong lalaking nag aya.

“Gotcha!” Narinig ko sa likod ang isang pamilyar na boses.

I felt relieved when I saw him! Pakiramdam ko ay hulog si Vaughn ng langit nang lumitaw siyang nakatopless sa harap ko.

“Pangalawa?” Tanong ni Erin sabay lasing na nag he-headbang sa kantang Timber naman ngayon ni Kesha.

Umiling ako. “Kaibigan ko.”

“Dude, she’s my partner.” Dinig kong sinabi ng lalaking nang aangkin kanina.

“Find another one.” Ani Vaughn sabay pagitna sa amin nang lalaking iyon.

Kumalabog ang puso ko sa kabang magkagulo dito! Salamat naman at umalis rin agad ang lalaki pagkatapos titigan si Vaughn ng mabigat at umambang susuntok. Tumawa na lang si Vaughn at hinarap niya ako. Uminit ang pisngi ko nang medyo nahagip ng tingin ko ang kanyang walang gayak na dibdib. Hindi ako makatingin ng diretso.

“Pano ako? Maisasayaw ba kita ng di nagrereklamo?” Aniya.

Tumango ako at naisipang mag enjoy na lang. Hindi ito ang unang pagkakataon na naisayaw ko si Vaughn kaya alam ko na kung paano siya gumalaw. Hinawakan niya agad ag baywang ko.

Shit! This isn’t right! Kahit na walang malisya ito ay alam ko kung sino ang narito. Hinahawi ko ng palihim ang kanyang kamay sa baywang ko habang sumasayaw at tinatanong siya ng kung anu ano.

“Sinong kasama mo?” Tanong ko.

“Sina Jack at Andrei. Ayaw sumama ni Hendrix, e. Maaga pa daw sila bukas.”

Tumango ako. “I understand.” Hinawi ko ang gumagapang niyang kamay sa baywang ko.

Luminga ako para hanapin si Erin nang narealize na wala na siya doon. Hindi ko alam kung nasaan na siya. Kinain ng dagat ng tao.

“Asan si Erin?” Sabi ko sa sarili ko. “‘Yong pinsan ko, Vaughn. Nawawala.”

“She’s probably just around.” Ani Vaughn nang nakatingin parin sa akin at sinasayaw ako.

Tumango ako at medyo kumalma. Bumalik ako sa pagsasayaw kay Vaughn. Gumapang ang kamay niya sa baywang ko at inisip kong ayos lang iyon nang biglang may isang mainit na braso ang pumulupot sa baywang ko at inilayo ako kay Vaughn.

“Shit!” Sigaw ko nang narealize kung sino iyon. “Elijah!” Mabilis ko siyang tinulak palayo doon.

Luminga linga ako at nagpasalamat na si Claudette lang ang nasa malapit at masyadong busy ang iba kong pinsan sa pagsasayaw kung saan.

Napanood ko ang hilaw na ngisi ni Vaughn habang tinitingnan kami ni Elijah.

“Sorry, dude. Sinasayaw ko lang ang pinsan mo-“

“She’s not my cousin.” Mariin at nagpipigil na sinabi ni Elijah.

Kailangan ko siyang ilayo dito. Nararamdaman ko ang panginginig ng braso niya. Nakakuyom ito at handa ng manuntok.

“Elijah, let’s go.” Sabi ko at hindi na inisip na baka makita kami ng ibang pinsan namin. I just need us to get out of here and stop him from hurting Vaughn.

“Sumasayaw lang naman kami. Don’t be ridiculous!” Ani Vaughn.

Umambang susuntukin ni Elijah si Vaughn kaya mabilis ko siyang tinulak. Hinawakan ko ang kamay niya at wala na akong pakealam kung may makakita sa amin ngayon habang umaalis kaming dalawa.

Hinarangan kami ni Claudette na nakatingin sa kamay ko. Mabilis siyang nag angat ng tingin at tinuro niya ang back door.

“Don kayo dumaan.” Ani Claudette.

“Klare?” Tawag ni Vaughn.

“Vaughn, sorry.” Paliwanag ko. “Badtrip siya and probably kinda drunk. Next time.” Paliwanag ko at hinila si Elijah kahit na hindi ko na siya halos mahila dahil sa galit niya.

“Come on, motherfucker! Klare didn’t bitchslap Selena when she got jealous! Get your shit together or you’re both screwed again!” Sigaw ni Claudette sabay tulak kay Elijah sa akin.

Nang nakaabot na kami sa back door ay nilingon ko si Claudette. Kumalabog ang puso ko at inisip kong baka nga mabubuking na naman kami. Natatakot ako. Natatakot ako dahil alam ko, kung sakaling ganon nga ang mangyari at ayawan na naman kaming dalawa baka ngayon, siya na ang piliin ko.

“Clau-“

“You’ve got an hour. Balik kayo dito pagkatapos bago pa sila maghanap.” Aniya at mabilis na bumalik sa loob.

Shit! Thank God for Claudette. Hindi ko pa naiiaalis ang tingin ko sa backdoor. Nasa gilid lang ang parking lot kaya madali lang makapunta sa sasakyan ni Elijah. I need to dry my hair. Kailangan ko ring ayusin ang sarili ko. Pakiramdam ko ay mukha akong sabog dahil sa nangyari sa loob.

Malutong na nagmura si Elijah at sinuntok niya ang concrete na dingding na siyang nagpatalon sa akin. Paulit ulit siyang nagmura at naglakad palayo at pabalik sa akin.

“I’m sorry, Klare.” Aniya.

Kinagat ko ang labi ko nang narinig ko ang nakakaawa niyang boses. “I need to freshen up, Elijah. Pwedeng punta muna tayo sa sasakyan mo?”

Tumango siya at naglakad na patungo sa sasakyan niya. Sumunod ako sa kanya habang pinagmamasdan ko ang matikas niyang paglalakad sa likod. Sumisilip ang maiitim na tinta galing sa kanyang tattoo sa likod.

Pinatunog niya ang kanyang sasakyan at mabilis siyang pumasok doon. Pumasok ako sa likod dahil naiwan ko doon ang purse ko. Nasa front seat siya at hinuhubad ang medyo basa niyang sleeveless. Ngayon ko lang nakita ng buo ang tattoo niya sa likod. Buo at malapitan. Tribal parin iyon tulad ng nasa harap ngunit sa gilid ng kurbadang linya ay may nakasulat na parang ancient na salita. Pumikit siya at tumikhim habang humihilig sa manibela. Mariin ang pagkakahawak niya sa manibela kaya napansin ko ang dumudugo niyang kamao.

God! Mabilis akong lumabas sa likod at pumasok sa front seat para kunin ang kamay niya.

Binawi niya ito sa akin na para bang ayaw niyang makita ko ito. Kumunot ang noo ko sa kanya. Hindi siya makatingin sa akin at nararamdaman kong medyo galit parin siya.

“Akin na ‘yong kamay mo. Gagamutin ko.” Sabi ko sabay kuha ulit sa kamay niya.

Hindi niya parin ito binibigay sa akin. Mariin ang pagkakahawak niya sa manibela kaya hindi ko rin ito natanggal.

“Give me your hand, Elijah.” Banta ko.

Kinalas niya ito sa manibela at binigay sa akin. Sumulyap siya sa akin at pumungay ang kanyang mga mata. “I’m sorry for that.”

Tumango ako at pinagmasdan ang kawawang kamay niya na duguan. Alcohol lang ang meron ako dito. I don’t want to hurt him kaya naman ay pinunasan ko na lang ito ng wet tissue.

“Sorry kasi di ko mapigilang mag selos. Klare, pinipigilan ko pero nagseselos talaga ako.”

Tumango ulit ako at wala ng sinabi. I want to hear more from him. I miss his voice.

“Klare, I’m not good with this pretend thing. I can’t help it.” Aniya.

“So what do you suggest?” Mariin kong sinabi.

“I know. I’m sorry. Ito lang ang paraan diba. I need to… do this.” Aniya.

Hindi na ulit ako nagsalita. Ito nga lang ang dahilan. Ayaw kong magpadalos dalos kaming dalawa kung pwede namang dahan dahanin. Kung siswertehin ay pareho naming makukuha ang loob ng aming pamilya. That’s our goal. Para maging masaya kaming dalawa, kailangan namin ang isa’t-sa at kailangan rin namin ang aming pamilya.

Hindi na siya nag salita. Nag angat ako ng tingin nang napansin kong pinupunasan niya ang kanyang pisngi. Halos mapamura ako nang nakita kong nag iiwas siya ng tingin sa akin dahil umiiyak siya.

“Fucking shit.” Aniya at kinuha niya ang kamay niyang sugatan sa kamay ko para punasan ang luha niya.

Nalaglag ang panga ko. Pinipiga ang dibdib ko habang pinagmamasdan siyang sobrang frustrated. Nawala ang luha sa kanyang pisngi at hindi siya makatingin sa akin.

“I’m sorry, Elijah.” Sabi ko.

“Baby, it’s nor your fault.” Aniya nang di parin ako tinitingnan.

Pinipiga ang puso ko nang narealize na kasalanan ko. Kung sana ay hindi ko siya tinulak na sumugod doon at mafrustrate ay sana naagapan ito. Kung sana ay lumayo agad ako kay Vaughn at sana nagpakabait na lang ako sa gilid niya ay sana hindi ko siya nasaktan. It’s all my damn fault!

“Sorry kasi nasaktan kita. W-Wala naman ‘yon, Elijah. Vaughn is just my friend-“

“Yeah. And you can be together. Walang hadlang sa inyo.” Kinagat niya ang kanyang labi na para bang may nasabi siyang hindi niya dapat sinabi.

Umayos siya sa pagkakaupo at nag flex ang muscles niya habang hinahawakan niya ulit ang manibela.

Oh, Elijah. I’m just so in love with you alright?

“But I don’t want him, Elijah.” Sabi ko.

Sumulyap siya sa akin ng nakaawang ang bibig. Nakita ko ang irita sa kanyang mga mata. “Really? Coz I don’t think you want me too. Ni hindi mo kinumpirma sa akin na mahal mo ako.” Kinagat niya ulit ang labi niya at nag mura pa ng iilang malulutong na mura.

Napagtanto ko ngayon kung gaano siya nagpigil. Sa gabing ito, unti unti niyang nalalabas ang lahat ng mga nasa isip niya nitong mga nakaraang araw. Sa gabing ito, kahit ayaw niyang sabihin ay nasasabi niyang lahat sa sobrang desperado at frustrated niya na.

Hindi ko na alam kung paano ko siya mapakakalma. Hindi ko na alam kung paano ko siya ma aassure sa pakiramdam ko. But I really like his lips right now. Hindi ko matanggal ang titig ko sa kanyang labi habang kinakagat niya ito.

“Sorry, baby. I’m sorry for that. Just forget it.” Aniya at kinagat ulit ang labi niya. Lumingon siya sa akin at kumunot ang noo niya nang naabutan niya akong nakatingin sa labi niya.

Great! Fantastic, Klare! Now you’ve done it!

Nag angat ako ng tingin sa kanya at nakita kong nakatingin na rin siya sa aking labi. Bumigat ang kanyang hininga. This is my fault! Bakit ko pa kasi tinititigan ang labi niya kanina. Ayan tuloy!

“Baby…” Malambing niyang sinabi.

Hindi ko na napigilan. The girls were right. May mga tao talagang pag tinitingnan mo sila ay pakiramdam mo isusuko mo ang sarili mo sa kanila. Iyong parang sila na ang bahala sayo. Si Elijah ang para sa akin.

Hinawakan ko ang kanyang leeg at lumapit ako sa kanya. Hindi ko alam kung paano humalik. He was my first kiss at sobrang tagal na non. But I really want to kiss him. I want to assure him that he’s the one I really love.

Nang nagtama ang labi namin ay pumikit ako. His lips were soft and sweet. Tumindig ang balahibo ko. Naramdaman ko ang kamay niyang sumuporta sa likod ko.

“Klare, are you sure about this?” Bulong niya sa gitna ng halik ko.

Tumigil ako sa paghalik at tumingin ako sa mga mata niyang diretsong nakatingin sa akin.

“Do you want me to kiss you?” Tanong niya.

Dammit! Ba’t kailangan mo pang magtanong, Elijah? Uminit ang pisngi ko. He’s being careful. I’m not made in fucking China, Elijah. Pwede akong halikan. I’m not gonna break anytime.

“If I kiss you some more there will be no hope for me. I am not going to get over you anymore.” Aniya.

“I’d like that.” Bulong ko at hinalikan ulit siya.

“Getting over you isn’t possible anymore, baby.” Aniya bago ako hinalikan ng mas mariin at nakakalasing.

No, Elijah. Sa akin ‘yan. Ako ang hindi makakaahon sayo. That’s for sure.

Bahagya akong dumilat habang marahan niya akong hinahalikan. Ang kamay niya ay nasa likod ko at ang isa ay nasa hita ko. Damn, pu pwede bang umalis na lang kami dito at hayaan na lang ang mga pinsan ko?

Pinagmasdan ko siyang unti unting dumilat at tumigil sa paghalik. Ngumiti siya at kinagat niya ang kanyang labi. Pulang pula ang kanyang labi ngayon dahil sa mga halik ko kanina. Nag iwas ako ng tingin sa kanya. He’s extremely sexy.

“Your fingers want me so much.” Aniya habang hinahawakan ang kamay kong nakahawak sa likod niya.

Mas lalong uminit ang pisngi ko sa sinabi niya. Kinalas ko ang kamay kong nakahawak sa kung saan ang tattoo niya sa likod. Desperada akong umuwas sa topic na iyon. Naghuhuramentado na kasi ang sistema ko at natatakot akong mawala ko ang sarili ko.

Hinawakan niya ang ibabang labi ko. Mariin akong pumikit habang dinadama ang kuryenteng nagwawala sa likod ko.

“What’s your tattoo?” Tanong ko.

“Hmmm. Just tribal and some hebrew.” Bulong niya.

Tumango ako. “Anong nakalagay sa hebrew?”

“Love is war. I am your soldier.” Bulong niya.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: