Until He Returned – Kabanata 20

Kabanata 20

Secret

Hindi ko kayang hindi maisip ang halik ni Selena kay Elijah. Kahit na sabihin na nating hindi iyon ginusto ni Elijah, hindi ko parin maalis sa sistema ko iyon. Noon pa man, marami na siyang naging babae. I have seen him jump from one girl to another. Kung noon ay wala lang sa akin ang makita iyon sa kanya, ngayon nasasaktan na ako.

“What are you thinking, baby?” Malambing niyang sinabi.

Umiling ako. “Wala, Elijah.” Hindi ko maitago ang tabang sa salita ko.

I hate that he’s innocent! Kinailangan niyang dumikit kay Selena para hindi kami magkalayo. Damn!

“I know you’re thinking about the kiss.” Tinaas niya ang baba ko kaya inangat ko ang tingin ko sa kanya. “I’m sorry. Sinabi ko na kay Selena na dapat hindi niya ginawa iyon. I got pissed kaya hindi ako umupo sa table nila. Hindi ko siya mapagsabihan ng maayos kasi nakapaligid sina Erin sa kanya.”

Bumagsak ulit ang tingin ko na mabilis niya namang inangat.

“Klare, please, I’m sorry? Takot na takot lang talaga ako.” Aniya.

Napalunok ako at tiningnan ko ang takot na nakapaloob sa kanyang mga mata. I can’t believe I’m in love with this asshole. At ano ang ikinatatakot niya? Natatakot pala ang isang Elijah Montefalco?

“Bakit ka natatakot?” Tanong ko.

Nanlaki ang mga mata niya. Ikinagulat niya ang pagtatanong ko nito. “Natatakot akong malaman ng lahat ang tungkol sa nararamdaman ko parin para sa’yo…”

What’s so scary about that? Hindi ba noon ay hindi ka naman natatakot, Elijah?

“At sa oras na malaman ulit ng lahat at papapiliin ka kung ako ba o ang pamilya… natatakot akong sila parin ang pipiliin mo. Natatakot akong bibitawan mo parin ako. Natatakot akong wala parin akong halaga.” Nabasag ang boses niya.

Kung kanina ay kinukurot lang ang puso ko, ngayon ay sinasaksak na ito. Napaawang ang bibig ko sa sinabi niya. Hindi ako makahinga ng maayos. Nagtititigan kami pero sobra sobra akong nasaktan sa sinabi niya. Nasasaktan ako kasi natatakot siya sa maaaring gawin ko para sa aming dalawa. I hated myself for that. I’m so sorry, Elijah. Sorry dahil naparamdam ko sa’yo iyan. Sobra sobra siyang nasaktan nang pinili ko ang pamilya ko. Milagro na na bumalik pa siya nang mahal niya parin ako!

“Elijah Riley, you are so wanted outside.” Humahalakhak na sinabi ni Azi habang papasok sa kitchen at agad namang bumalik sa kanyang dinaanan nang nakita kaming dalawa.

Tumingin si Elijah sa gilid habang dinidinig si Azi.

“Stay there, Azi. Babalik na ako ngayon.” Ani Elijah bago bumaling ulit sa akin.

Sumipol si Azi. May alam ba si Azi? Siguro. Kung sa bagay ay nakita niya kung paano nag wala si Elijah noong nasa bahay kami. Elijah’s not that hard to figure out.

May kinuha si Elijah sa kanyang bulsa. Huminga siya ng malalim at kinuha ang kamay ko. Kita kong isang kulay itim na box ang naroon na agad niyang nilagay sa kamay ko.

“Ano ‘to?” Tanong ko.

“Open it.” Aniya.

Unti unti ko itong binuksan gamit ang nanginginig kong mga kamay. Hinawakan niya ang kamay ko upang matigil sa panginginig. I never thought I’d receive another gift from him again. Nalaglag ang panga ko sa nakita ko.

“Bakit mo ako binibigyan ng regalo? Birthday m-mo naman?” Utas ko.

“Coz I want you to wear me all the time, Klare.” Aniya.

Binitiwan niya ang kamay ko. Kinunot ko ang noo ko habang tinititigan ang dalawang maliit na diamonds na nakalawit sa kulay gold na hoop earrings.

“See you outside.” Aniya.

Naramdaman ko ang mga titig niya sa akin habang hindi ko inaalis ang tingin ko sa binigay niyang hikaw. Nanginginig parin talaga ang kamay ko. Naaalala ko ang sinabi ni Pierre sa akin tungkol sa mga earrings. Surely, Elijah didn’t know about that. Ganun na siya pumili ng mga regalo. Madalas ay puro jewelries. This time, ito naman. Kinagat ko ang labi ko. Dammit!

Natagalan ako sa bathroom. Milagro na nga’t hindi ako pinuntahan ni Pierre o ni Hendrix para hanapin. Inayos ko ang sarili ko at nilagay ko sa aking purse ang binigay ni Elijah. Naaalala ko ang mga mata niyang puno ng takot. Pinipiga ang damdamin ko tuwing ganon ang kanyang ekspresyon.

Nang nagtungo na ako sa labas, nalaman ko kaagad kung bakit hindi nakatuon ang pansin ni Pierre o Hendrix sa akin.

“Anong nangyari?” Bulong ko kay Erin na naiiyak.

Kumalabog ang puso ko habang pinapanood ang medyo nabulabog na mga kaibigan namin. Nakita kong inaawat ni Hendrix si Selena. Magulo ang buhok ni Selena at ang isang pumps ay hindi niya na suot. Pinalibutan sila ng iba pang mga kaibigan nila samantalang sa kabilang dako naman, si Gwen ay pinapalibutan naman ng mga Montefalco. Mabilis ang paghinga ni Selena habang inaayos ang kanyang buhok. Si Gwen naman ay kalmado at mataray na tinitingnan si Selena.

“Nagalit si Selena sa inasta ni Gwen kay Elijah.” Ani Erin.

Hinanap ko kaagad si Elijah na naroon sa harap ni Gwen na para bang kinakausap siya.

“Make her leave, Elijah!” Sigaw ni Selena.

Kumalabog ang puso ko. Nagulat ako sa pagsigaw niya at sa amba niyang pagsugod ulit! Nakita kong nagulat si Gwen sa ginagawa ni Selena. Mabuti na lang at naroon si Rafael at si Hendrix na pinipigilan si Selena sa pag sugod.

“Be sport, woman! Wala akong ginagawang masama. I didn’t kiss him or whatever! Those were friendly pics! You are the girlfriend. Dapat ay hindi ka naiinsecure! You ruined this party-“

“Gwen, stop. Just stop-“

“No, Elijah! Kita mo ito? That woman is a crazy bitch!” Pinakita ni Gwen ang kanyang braso.

Lumapit si Claudette sa kanila. Sumunod na rin ako, I think Gwen should leave. Kahit na sabihin nating si Selena ang nauna ngunit bisita si Gwen rito. Kailangan niyang umalis!

“Oh, bakit? Bakit? Hindi mo ba ako sinaktan pabalik?” Ipinakita naman ni Selena ang kanyang braso na may iilang pulang mga marka.

Nakakatakot! I have never been hurt that way. Napatingin ako kay Elijah na mukhang naging problemado sa sitwasyon. May binubulong si Damon sa kanya habang si Josiah naman ay kinakausap si Gwen. Nakita ko ring kinakausap ni Azi si Ramon. Tumatango si Ramon at hinihila na si Gwen palayo ngunit ayaw ni Gwen umalis.

“Sinaktan kita kasi sinaktan mo ako! You are one pathetic fucked up bitch!” Matalim na sinabi ni Gwen.

Parang baril na kinalabit ay sumugod agad si Selena. Nakawala siya sa pagkakahawak ni Hendrix at Rafael. Mabilis siyang hinarangan nina Damon bago pa niya mapuruan ang natatakot na si Gwen.

“Selena!” Sigaw ni Elijah na mukhang galit na galit.

Narinig ko ang mura ni Azi nang natamaan siya sa sampal ni Selena. Napahawak si Azi sa kanyang mukha habang mabilis na kinaladkad ni Elijah si Selena palayo sa party.

Natahimik ang lahat. Narinig ko ang hagulhol ni Gwen. Pinanood ko ang pag alis ni Elijah habang hinahawakan sa braso si Selena. Nilagay ko ang kamay ko sa bibig ko.

“Damn bitch.” Dinig kong sigaw ng isang kaibigan ni Gwen.

Nagbulong bulungan sila tungkol sa nangyari. Nakita ko si Hendrix at Pierre na nag uusap ng seryoso. Napatingin sila sa akin at sumenyas na aalis na kami nang bigla kong narinig ang boses ni Elijah.

“Klare, I need your help.” Aniya.

Nakita ko ang kanyang pagod na mukha. Nakababa ang isang butones sa kanyang polo. I’m sorry, Elijah. Sorry at ganito ang nangyari sa birthday mo. I feel so bad. Wala na nga akong regalo sa kanya, nagkagulo pa sa birthday niya. Pakiramdam ko ay responsable ako sa lahat ng nangyari. Pakiramdam ko ay responsibilidad kong pasiyahin siya ngunit nabigo ko siya ngayon.

Tumango ako at mabilis na pumasok sa kanilang bahay. Sumunod ako sa kanya habang matikas siyang naglalakad. I can’t keep up with him. Halos tumakbo ako habang naglalakad siya paakyat sa kanilang bahay. Nakita kong pumasok ang kanilang katulong sa isang guest room na may dalang batya ng tubig ay tuwalya. Pumasok kami ni Elijah sa guestroom na iyon.

“Elijah-” Naputol ang malambing na boses ni Selena nang nakita niya ako sa likod ni Elijah.

Naka upo siya sa kama at pinipisil niya ang duguan niyang kamay. Hindi niya maalis ang tingin niya kay Elijah ngunit hindi na siya nag salita. Nasa harapan niya ang batya na mabilis kong nilapitan. Binasa ko ang tuwalya ng mainit na tubig na nasa batya at dahan-dahan kong diniin iyon sa sugatan niyang braso.

“Klare, you’re not here to do that.” Sumenyas si Elijah sa katulong ngunit umiling ako.

“I can do this, Elijah.” Sabi ko at ginawa pa ulit iyon.

“Klare, stand up.” Aniya sa matigas na boses.

“Elijah…” Banta ko.

Bumuntong hininga siya at tumigil.

Bago pa makapagsalita ulit si Elijah ay narinig ko na ang hikbi na nanggagaling kay Selena. Nag angat ako ng tingin. Halos hindi ko makita ang mga mata niya dahil natatabunan ito ng kanyang buhok.

“Selena, dapat ay pinalagpas mo na lang si Gwen…” Ani Elijah.

“Shut up, Elijah. You’ve been flirting too much today.” Mariin kong sinabi habang pinupunasan ang braso ni Selena.

Hindi agad nakapagsalita si Elijah. Narinig ko ang mga yapak niya patungo sa akin. Naningkayad siya sa tabi ko at kitang kita ko ang titig niya sa akin sa gilid ng kanyang mga mata.

Elijah should also stop flirting with me. Lalo na’t kaharap namin ang kanyang girlfriend. Binuksan niya ang kanyang bibig para magsalita. Pumikit ako at nag taas ng index finger.

“Don’t start.” Sabi ko sabay tingin kay Selena. “Kabilang braso naman.”

“I hate you.” Aniya.

Natigilan ako. Hindi ko alam kung para sa akin ba iyong sinabi niya o para kay Elijah.

“Don’t hate her, Selena.” Matigas na sinabi ni Elijah. “It’s all on me.”

“I hate that you are protecting her, Ej. She doesn’t need the protection. May mga kapatid siya.”

Kinagat ko ang labi ko. I shouldn’t be here, right? Hindi ko alam kung paano ako napapayag ni Elijah na sumama sa kanya rito.

“I told you before, Selena.” Pagod na sinabi ni Elijah kay Selena.

Tumango si Selena. Ngayon ay nakita ko na nang lubusan ang kanyang mga mata. Nang tingnan niya ako ay wala akong makita sa mga mata niya kundi ang hinanakit… sa akin. Lumunok ako at yumuko. Hindi ko alam ang istorya nila ni Elijah ngunit kilalang kilala ko ang taong mahal ko. Nasaktan niya si Selena sa lahat ng paraang pwede. Naiinis ako kay Elijah. Naiinis ako dahil masyado siyang naging makasarili.

“I told you you’ll forget her, Ej. You never tried.” Hindi maitago ang tabang sa boses ni Selena.

“I think I should leave.” Sabi ko sabay tayo.

Mabilis na hinawakan ni Elijah ang kamay ko at pinigilan niya ako sa pag alis.

“I can’t move on from her.” Ani Elijah.

“Elijah, I should leave.” Matigas kong sinabi.

“I want you to hear the whole damn thing, Klare.” Aniya.

Narinig kong humikbi si Selena sa harap ko. I feel so guilty. This love is too destructive. Masyadong maraming nakaharang at nasasagasaan. Kung sana ay kaya kong turuan ang puso kong mag mahal ng iba, iyong walang hadlang. I guess I didn’t try hard enough.

“I’m sorry Selena kung nasaktan man kita. Sorry dahil hindi ko nagawa ang gusto mo.” Nanginig ang boses ni Elijah.

Naramdaman ko ang higpit ng hawak niya sa kamay ko. Lumapit siya ng bahagya sa umiiyak na si Selena.

“Believe me, I tried my best to forget her. I wanted to forget her! Nasaktan niya ako. Siya lang ang makakasakit sa akin ng ganito kaya kinailangan kong malimot siya. God knows I tried! Pero nang nalaman ko ang nangyari sa kanya, hindi ko alam kung bakit galit na lang ang naramdaman ko para sa mga taong humadlang sa akin-“

“H-Hindi…” Humagulhol si Selena. “Hindi mo na kailangang ipaaalala sa akin ‘yan, Ej. I remember the whole thing.”

Kinagat ko ang labi ko. Gusto kong magsalita pero napagtanto kong masama na nga na nandito ako sa tabi nila, mas masama pa kung bubuksan ko ang bibig ko. I should keep quiet and they should just pretend that we’re not here.

“Pero gusto kong umasa na makakalimutan mo siya. Gusto kong nandyan ako habang kinakalimutan mo siya.” Tumango si Selena habang bumubuhos ang kanyang luha.

Tumayo si Elijah at binitiwan ang kamay ko. Tumikhim siya at hinarap si Selena.

“You will leave for Davao tomorrow. Alam ko ang kahihinatnan ng ginawa kong ito. The Montefalcos will resent Klare for this again. They will resent me, too. At ang tanging pag asa ko na lang ay hindi niya ako bitawan kahit anong mangyari. I will understand if you-“

“No-” Umiling si Selena at nag angat ng tingin kay Elijah. “No, Ej.” Basag ang kanyang boses at sumulyap siya sa akin.

Kumunot ang noo ni Elijah sa sinabi ni Selena. Bahagya akong umatras sa kanilang dalawa. Damn! Dapat ay wala talaga ako dito, e.

“You can have your own happy ending, okay? I will not tell them about our relationship.” Umiling si Selena at pagod na ngumisi. “Pagkaalis ko ng Davao next month, we can pretend that we’re still on. I can pretend that we still have a relationship-“

“Selena, don’t do this-“

“I want to do this. Let me do this. Okay? Aalis ako bukas nang walang bahid na iyak sa mukha. Pero sa oras na nakabalik na ako sa New York, please don’t contact me anymore? I can help you both. I can pretend. And you two can keep your secret. We can pretend to be in a Long Distance Relationship, Ej.”

Nadurog ang puso ko sa offer ni Selena. Elijah is a freaking ass. I hate him so much right now! Nakasakit siya ng isang babaeng tunay na nagmamahal sa kanya. I hated him to the depths of hell!

“We don’t have a secret, Selena.” Sabi ko at mabilis akong umalis sa kwarto. Pinigilan ako ni Elijah ngunit nakawala ako sa mga kamay niya. Damn, asshole!


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: