Until He Returned – Kabanata 10

Kabanata 10

Angry or Drunk

Sinama ako ni Claudette sa aming living room kung saan naroon sina Selena, Erin, at Chanel. Kumunot ang noo ko dahil hindi ko alam kung anong meron sa tatlo at bakit mukhang may sekreto silang pinag uusapan.

“We’re here.” Ani Claudette.

“Sinabi mo na ba sa kanya, Clau?” Tanong ni Erin.

Umiling si Claudette at tumingin sa akin.

“Okay, ako na ang magsasabi.” Ani Selena.

Tinitingnan ko siyang nakataas ang kulay brown na kilay habang nakatingin sa akin ay naiisip ko rin iyong pagtira niya sa bahay nina Elijah. Okay, I get that she probably doesn’t have her own house here in Cagayan de Oro. God knows what they are doing inside that house or in his room.

“Klare?”

Napatalon ako nang kinawayan ni Erin ang tulala kong mga mata kay Selena. Kumunot ang noo ni Selena sa akin. Kinagat ko ang labi ko at pinilit na makinig.

“Brithday na ni Elijah this coming April 28. April 29 yong alis ko patungong Davao, doon ako for a month, at baka hindi na ako bumalik dito at dumiretso na ako ng Singapore papuntang New York.”

Tumango ako sa sinabi ni Selena. Hindi ko maalis ang mga mata ko sa bawat katangian ng kanyang mukha. Flawless ang kanyang maputing kutis, para bang inalagaan ito ng husto. Palagi niyang hinahawi ang buhok niyang parang laging kakagaling lang sa salon sa sobrang bouncy at shiny nito. No wonder Elijah fell for her. She’s really pretty and hot.

“Gusto ko sanang isurprise siya.” Tumili siya. “Will you help me guys?”

Tumango si Erin at Chanel na mukhang excited din pareho.

“Klare?” Bumaling si Selena sa akin at hinintay ang pagtango ko.

“Sure.” Nagkibit balikat ako at sumulyap sa nakakunot noong si Erin.

“Okay. So, yung plano ko is isusurprise ko siya. Dapat wag niyo siyang i greet, kahit isa sa inyo walang mag greet sa kanya. Nakausap ko na ang boys tungkol dito. Tapos magkita na lang tayo sa bahay nila at around 6PM. Hindi ko siya ige-greet niyan habang nag di-date kami at gusto ko sana na naroon na kayo at naka decorate na ‘yong mga gusto niya sa walls…”

Marami pa siyang sinabi ngunit naglakbay na ang utak ko. Elijah is in love with this girl. Ito ang… pangalawang girlfriend niya. Counted ba ako bilang girlfriend niya? Isa pa… ang unang girlfriend niya ay si Gwen, na in love din siya sa kanya noon, hindi ba? But Elijah’s an asshole. Ilang babae na ang pinaiyak niya at kasama na roon ang matalik kong kaibigan na si Hannah. He’s ruthless and merciless when it comes to that. Ano ang difference ni Gwen at ni Selena sa kay Hannah, Cherry at sa iba pang babaeng naisama sa pangalan niya? I didn’t know.

“Klare?” Sumimangot si Erin nang nakitang tulala ako.

“Ah! Oo. Sige, gawin natin ‘yon!” Sabi ko sa kahihiyan.

I need to pay more attention. Kaya lang ay mukhang hindi ko maiwasan na maglakbay ang aking isipan sa mga detalye tungkol sa kanilang dalawa.

“I need your number.” Ani Selena.

Kaya naman ay mabilis kong binigay kay Selena ang number ko. Ngumiti siya sa akin at dumiretso na pabalik sa roofdeck na sinundan naman ni Chanel. Bumuntong hininga ako at susunod na sana ngunit hinawakan ni Erin ang braso ko.

“Hmm?” Ngumisi ako sa medyo seryosong si Erin.

“Klare, Selena is a really nice girl for Elijah.” Diretso niyang sinabi.

Kumunot ang noo ni Claudette at mabilis siyang pumagitna sa aming dalawa. Napawi ang ngisi ko sa sinabi ni Erin at kumalampag ang puso ko. What does that mean?

“I know, Erin.” Hinawi ko ang braso ko sa kamay niya.

Binitiwan niya naman ako at medyo pumungay ang kanyang mga mata. “She’s his friend for about two years, that’s what she said, matatag ang pundasyon ng relasyon nilang dalawa.”

Tumango ako. I get everything but why is she bringing this up? “I can see that, Erin. Kahit sino naman ay makakakita non.”

“Erin, what do you mean by that?” Tanong ni Claudette.

“She’s good for Elijah at wala nang ibang mas makakabuti sa kanya kundi si Selena. She understands him at gusto ko sanang suportahan natin silang dalawa.”

Kinagat ko ang labi ko. What support do they need from me? I didn’t know. Will that involve banners and pompoms?

“Can we do that, Klare?” Ngumisi si Erin at tumikhim.

Hinawakan niya ang braso ko at mas lalong linakihan ang mainit na ngisi. Dahan dahan akong tumango.

“Promise me.” Aniya.

Tumango ako. Binitiwan niya ang braso ko at dumiretso na sa aming roofdeck. Pinagmasdan ko siya habang umaakyat sa hagdanan. Kinilabutan ako nang napagtanto kung ano ang hinihingi ni Erin. Sumulyap ako kay Claudette na mukhang nahihirapan na rin sa sitwasyon.

“Klare, what are you going to do?” Maliit ang kanyang boses.

Umiling ako. “Hindi ko alam. I support Elijah. Kahit ano basta masaya siya, that’s all. I-I don’t know kung ano ang ibig sabihin ni Erin sa mga sinabi niya.”

Paano ko susuportahan si Elijah at Selena? Hindi ko alam. Is it enough to be just here for them? How do you support a relationship? Napaisip ako sa mga sinabi ni Erin. Kailangan ba nito ng frequent encouragement?

Umakyat ako pabalik sa roofdeck para makitang medyo may tama na ang iilan sa mga pinsan ko. Elijah’s eyes darted on me immediately. Kahit na katabi niya lang ang umiinom na si Selena ay nagagawa niya pang tumitig sa akin. Hindi naman ako makatingin sa kanya… Why is he staring at me all the damn time? May girlfriend na siya and he should be serious with her, right?

Nanlaki ang mga mata ko at nilagok ko ang whiskey sa harap ko. This is enough! I need to pretend that I’m sleepy so I can escape!

Bumuhos sa akin ang tumutugmang mga katotohanan. May napagtanto akong hindi ko kayang sabihin sa aking sarili.

“Matutulog na ako.” Sabi ko kay Claudette.

“Oh, Klare, saan ka pupunta?” Tanong ni Rafael nang nakitang tumayo ako.

Ngumisi ako sa kanya. “I’m really tired, Raf. I need to sleep. Medyo exhausted pa ako sa byahe.” Paliwanag ko.

Pinasadahan ko ng tingin ang mga pinsan kong panay ang kwentuhan. Mapupungay na ang mga mata ni Elijah habang nakikipagtawanan kay Azi. They’re at it again. Napalunok ako nang tumama sa akin ang mapupungay niyang mga mata at nawala ang ngiti sa kanyang mga labi.

Go, Klare! Halos isigaw ko ito sa aking sarili.

“Sunod na rin kami ngayon, Klare. Who’s sleeping sa mga guestrooms?” Tanong ni Claudette.

“Uuwi kami ni Kuya.” Untag ni Eion at nawala na sila sa pandinig ko nang dumiretso na ako sa kwarto.

Sumalampak agad ako sa aking kama at tiningnan ang cellphone na may mga text ni Pierre at Hendrix.

Hendrix:

Are you having fun? Sleep early.

Napangiti ako sa text niya. He’s always so protective and bossy at the same time. Naaalala ko sa kanya si papa.

Pierre:

What are you doing?

Pareho ko silang nireplyan na matutulog na ako at goodnight na rin. Pinikit ko ang mga mata ko nang may mga mental images parin sa mapupungay na mga mata ni Elijah. This is really confusing me. I’m so confused! Alam kong nilinaw niya na gusto niya akong maging kaibigan, but clearly, he’s not being ‘friendly’ with me. Naaalala ko ‘yong mga nangyari noon sa inasta niya ngunit hindi ko naman maalis ang katotohanan na may mahal na siyang iba kaya imposible iyon.

Maybe he’s just guilty about us? Or maybe he’s just really like that because once upon a time he loved me? I don’t know. Wala akong masyadong alam tungkol sa mga feelings at sa mga ibig sabihin nito.

No, Klare, he’s not using anyone anymore. He can’t be that same asshole he was two years ago. Besides, mukhang seryoso naman talaga ang relasyon ni Elijah at ni Selena. Bakit ako nagdududa sa authenticity ng feelings niya dito ay hindi ko alam. Ugh! I should stop thinking about him! Kung ano man iyong nararamdaman niya ay dapat tantanan ko na lang iyon. It’s wrong to dwell on that after you pushed him away and let him go.

May karapatan siyang mag move on sa akin at kailangan kong pakawalan ang ideyang mayron parin siyang feelings sa akin. May girlfriend na siya at ayaw kong maging unfaithful siya sa girlfriend niya. He’s an ass but I want him to make the right decisions for himself.

Half asleep na ako nang nagalaw ko ang braso ni Claudette sa tabi ko. Tahimik na. Aircon na lang ang naririnig kong umaandar. Nang medyo humupa ang makina ng aircon ay may narinig akong kaonting mga boses sa labas. Seems like they are fighting but I was too sleepy to hear everything.

Nanaginip ako na nahulog ako sa hagdanan. These are my frequent dreams. Tuwing nananaginip ako nito ay lagi akong dumidilat at nagigising. Madalas ay natutulog ako pabalik ngunit dahil sa nainom kong whiskey kanina ay nauhaw ako.

Tumayo ako at nakita kong mahimbing ang tulog ni Erin at Claudette sa aking kama. Binuksan ko ang pintuan para uminom ng tubig sa aming kusina nang napagtanto kong alas tres na ng madaling araw at may mga boses parin sa roofdeck. Narinig ko ang natatawang boses ni Josiah at ang wasted namang boses ni Azi.

“Wanna get laid tonight, darling?” Sumisigaw nito si Azi.

Umiling ako at nagdesisyong wag nang buksan ang mga ilaw sa kusina. Matutulog na rin siguro ang mga ‘yan ngayon dahil mukhang lasing na lasing na sila. Binuksan ko ang ref at nagsalin ng tubig sa baso. Uminom ako doon nang may naramdaman akong init sa likod ko.

Halos mapatalon ako nang nakita si Elijah na nakatayo doon. Amoy na amoy ko ang pinaghalong Jack Daniels at Jim Beam sa kanyang balat. Sa dilim ay pumikit siya at suminghap. Mas lalo kong naamoy ang alak sa kanyang bibig. Damn, he’s drunk.

“Elijah, you should sleep. Sa guest room kayo ni Selena, diba? I think we have enough room for the boys and Chanel-“

“Klare, she stays in the guest room at home.” Bigla niyang sinabi, pinuputol ako.

Nalaglag ang panga ko at pansamantala akong tulala dahil hindi ko nakuha ang kanyang sinabi.

“Who stays in the guest room?” Tanong ko.

Suminghap siya na para bang mahirap ito sa kanya. “Si Selena.”

Napagtanto kong tinutukoy niya ang bahay nila sa Xavier Estates. Sinasabi niya sa akin na si Selena ay sa guestroom natutulog at hindi sa kwarto niya. What difference does it make really? They live in the same room and she’s his girlfriend. Bakit kailangan niya pang sabihin sa akin ito?

“Okay.” I said plainly. Bakit? Ano ba dapat ang sasabihin ko sa impormasyong ito? Hindi naman ako nagtanong at hindi naman ako partikular sa mga detalye nito.

“You don’t look okay with it. What can I do? Let her stay in a hotel? Tell me. I’ll do it.” Bumilis at tumaas ang boses niya sa pagkakasabi nito.

Humakbang siya palapit sa akin kaya napaatras ako. Bumangga ang likod ko sa aming sink. Oh no! Tinakpan ko ang bibig ko sa likod ng aking kamay. Pakiramdam ko ay sa lakas ng kalabog ng puso ko, tatakbo na ito palabas ng bibig ko.

“No! It’s okay, Elijah. Girlfriend mo siya. I-I don’t care if she even stays in your room.” Sinubukan kong huminahon ngunit pinalala lang ng titig niya ang kaba ko.

This is really, really confusing me. I didn’t like the idea but I can’t let go of it. Pamilyar na pamilyar sa akin ang pakiramdam ng sitwasyon na ito. Nostalgic and really, really frustrating.

“Hindi siya natutulog sa kwarto ko, alright?” He explained.

Nilagay niya ang isang kamay niya sa sink para humilig doon. I should escape now! Ngunit bago pa ako makalabas sa kabilang side ay nilagay niya na ang isa pang kamay sa sink sa kabilang gilid ng baywang ko.

“But I don’t really care if-“

Tumalim ang kanyang titig na para bang naiirita siya sa akin. “Hindi siya natutulog sa-“

“Okay! Okay! Whatever! I said, I don’t care anyway! Girlfriend mo siya at kung ano man ang gawin niyo, I’m out of the picture. Back off, Elijah. You’re drunk.” I got irritated to.

Bakit niya kailangang mag explain sa akin nito? I don’t fucking care at all! Yes, I am deeply jealous! Na halos nakikipagplastikan na ako sa sarili ko but I know better. I know that this is normal for him! It’s normal for him to fall in love with another girl. Why would I get mad for something normal, right? Ang kinaiinisan ko ngayon sa kanya ay kung bakit siya nag eexplain sa akin. We are friends and you don’t explain the details of your love affairs to your friends. Well, maybe you can. Pero hindi ako! I’m not his ordinary friend here!

Nalaglag ang kanyang panga at nakita kong kuminang ang kanyang mga mata sa konting repleksyon ng ilaw galing sa pintuan ng roofdeck. “I’m not drunk. I’m just angry… And I miss you.”

“Yeah and you have a girlfriend. And you love each other. You should stay faithful to her. And we are just friends.” I reminded him about that.

“Fuck friends. Fuck girlfriend. Fuck cousins. Fuck family. Fuck everything. Just fuck it.”

Kumalabog ang puso ko. Hindi ko alam kung anong meron at bakit nangingilid ang luha ko sa mga mura niya. Nababaliw na ba ako? I guess I’m really going crazy about this! Siguro ay mas makakabuti talagang lumayo ako sa kanya.

Yes. I need to be okay with the Montefalcos! Pero kung ipagpapatuloy ko ang madalas na pagsama sa kanila ay ako rin ang sisira nito. May girlfriend si Elijah at hindi ko alam ang rason kung bakit ginagawa niya ito. I know he’s an asshole from the very beginning! Na madali lang sa kanya ang saktan ang ibang tao. Ni hindi siya kumukurap tuwing nananakit siya ngunit gusto kong isipin na iba itong kay Selena ngayon. They love each other and that’s that. I don’t want to be the reason why their perfect relationship will break. I don’t want to be like my mom.

Oo… Ito ang naisip ko kanina kaya hindi ko naatim na magtagal pa sa roofdeck. Dahil naisip kong parehong pareho ang sitwasyon ko ngayon kay mommy at kay papa noon. May asawa na si papa nang nakilala niya si mommy. Hindi ko alam kung ano ang nangyari at bakit nagawa ni papa na pagtaksilan si Tita Marichelle. Hindi ko rin alam kung paano nagawa ni mommy na pumatol sa isang bawal na pag ibig. It’s such a scary thing. I am a product of a wrong and forbidden love. I can’t have that for my own.

“Angry or drunk, you say the nastiest things.” Tinulak ko siya ng buong lakas.

Bahagya siyang napaatras kaya nakawala ako doon sa sink. Hindi ko siya tiningnan pabalik. Dumiretso na ako sa kwarto at agad na ni-lock ang pintuan. Mabilis ang kalabog ng puso ko at mabilis din ang hininga ko.

God dammit! I need to really stay away from him! He’s bad for me. I’m bad for him. Nagiging unfaithful siya sa akin at nagiging mapusok ulit ako sa kanya.

Gumapang ako sa kama at pinilit na matulog ngunit hindi ko na ata magawa.

Kinaumagahan ay nagising akong nag bi-breakfast sila sa dining table. Maingay sina Josiah at Azi na parehong nag aasaran tungkol daw sa nangyari kagabi. Sabog pa ang mukha ni Azi habang si Joss ay mukhang walang nangyari. Si Damon ay nakapikit sa harap ng kanyang breakfast. Si Claudette at Erin naman ay nagtatawanan sa ginagawa ni Azi at Josiah. Nilingon ko ang aming sala nang may napansin akong gumalaw. Nagulat ako nang nakita ko si Elijah doon na natutulog.

Bumaling ako kay Selena na tahimik na umiinom ng kape sa hapag kainan. This isn’t good. Tsk.

“Good morning, princess!” Tumawa si Rafael nang nahagip ako ng kanyang paningin.

Nag angat ng tingin sina Claudette, Erin, at Chanel sa akin at binati na rin ako. Bumati ako pabalik sa kanila ngunit napansin kong ni hindi man lang ako tiningnan ni Selena.

Kumuha ako ng clubhouse sandwich at nagsimulang kumain.

“I should wake this asshole. We need to go. May usapan kami nito na mag a-airsoft.” Ani Azi at nilapitan si Elijah.

Tinapik ni Azi si Elijah habang kumakain ako ng tahimik sa dining table.

“Klare?” Mariing tawag ni manang sabay wagayway ng telepono sa akin.

Kumunot ang noo ko at tinanggap iyon sa kanya. “Hello…”

“You’re not answering.” Malamig na sinabi ng bossy kong kapatid.

“Sorry. Nasa kwarto ang phone ko.”

“Just woke up? Papunta diyan si Vaughn at Pierre at sinabi ni Vaughn di mo raw sinasagot ang kanyang tawag. They’ll fetch you.”

Tumingala ako sa relo sa dining room at nakitang alas diyes na pala.

“I-I’ll just shower and change, Rix. Bababa ako. Please tell them. Thank you.” Sabi ko at pinatay ang telepono.

“O, aalis ka na, Klare?” Tanong ni Claudette.

Tumango ako. “Yep. I have some things to do. Pupunta pa kami ni Pierre sa Xavier para kunin ang grades.” Mabilis kong tinapos ang pagkain ko at dumiretso na agad ako sa kwarto nang hindi sila tinitingnan.

Naligo ako at nagbihis. I want to get out of here as soon as possible. Pagkatapos kong magbihis ay tumunog ang cellphone ko. Hindi ko agad nasagot dahil tinatali ko pa ang anklet sa aking paa.

“Hello?”

“Klare, nasa labas na kami. Kanina pa.” Masungit na sinabi ni Pierre.

“Okay, okay… I’ll go. Bye.”

Mabilis kong kinuha ang mga gamit ko pagkatapos kong ayusin ang kama. Nagulat ako nang pagkalabas ko ay naabutan kong paalis na rin ang mga pinsan ko.

“You might want to stay, okay lang. Manang is here.” Paliwanag ko.

“May lakad kami ni Elijah ngayon, wanna come? Airsoft.” Ani Azi.

Nagkatinginan kami nI Elijah at ayan na naman ang mabibigat niyang mga mata. Bumaling si Selena sa akin at nagtaas ng kilay. Alam ko rin na pinagmamasdan na ako ni Erin ngayon.

Umiling ako. “May lakad din ako, e. Sorry. Kayo na lang.” Sabi ko at dumiretso sa pintuan.

Nauna ako sa elevator. Nagsiksikan agad at nag unahan ang mga boys kaya naiwan ang mga girls. Ang nasa loob ay si Elijah, Josiah, Damon, Azi, Claudette, at ako lang. Tahimik ako habang pinapakinggan ang hagikhikan ng mga lalaki. Nakita ko rin ang pagkapit ni Selena sa braso ni Elijah. Her hands looked small because of his biceps. Nag iwas ako ng tingin nang nilingon ako ni Selena. Dammit, Klare! Just! Dammit!

Mabilis kaming lumabas nang tumunog ang elevator. Tumambad agad sa akin ang sasakyan ni Pierre. Naka hilig siya sa pintuan ng kanyang Strada, naka shorts, puting polo, at wayfarers. Si Vaughn ay nakaharap sa kanya, naka t shirt, jeans, at sneakers. Nang may sinabi si Pierre ay mabilis na lumingon si Vaughn sa akin at ngumisi.

“You’re brother is here.” Bulong ni Claudette na agad dumiretso sa sasakyan naman ni Elijah kasama si Azi.

“Tara na.” Ani Pierre at supladong binuksan ang kanyang pintuan at pumasok sa loob.

“So uncool.” Ani Vaughn at humalakhak siya para pagbuksan ako ng pintuan sa likod.

Tumango ako sa kanya. “Thanks, Vaughn.” Bago pumasok.

Sinarado niya ang pintuan para sa akin at umikot patungong front seat.

Nakita kong nagtagal ang titig ni Elijah sa kay Vaughn. Nakaawang ang kanyang bibig habang nakahawak sa pintuan ng Trailblazer. Nasa loob na ng kanyang sasakyan si Azi, Claudette, at Selena. Siya na lang ang hinihintay ng mga ito para umandar na at umalis.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: