Mapapansin Kaya? – Kabanata 69

Kabanata 69

Buking

“Kumain muna tayo sa labas.” Alok ni Wade.

Umiling ako.

“They’ll see us, Wade.”

Sinoot niya ang aviators na nasa table.

“They won’t.” Aniya. “Tsaka, no problem with that, Reina. Aamin din ako pagkabalik ng manager ko dito.”

“Pero habang hindi pa alam ng publiko, mas mabuti sigurong manahimik muna.”

Tinanggal niya ang aviators at umupo ulit sa sofa.

“Okay, then, mag go-grocery na lang tayo. Walang laman yung ref ko.”

Tumango ako, “Puntahan natin si Zoey.”

Iyon lang ang tanging naisip ko. Siguro hindi naman mamasamain ng mga taong nakakakita kung dalawa kaming kasama ni Wade.

“Alright…” Hinalikan ni Wade ang noo ko.

Sabay kaming umalis sa condo niya. Lumalayo ako dahil gusto niyang dumidikit siya sakin. Gusto niyang nakaakbay siya o di kaya ay nakahawak siya sa baywang ko.

Siniko ko siya nang may pumasok sa elevator. Nag uusap yung dalawang propesyunal na babae, pero nanahimik sila nang nang nakita si Wade.

Bahagya akong lumayo kay Wade kaya nagawa nilang pumagitna saming dalawa. Napakamot si Wade sa batok niya habang sinisimangutan ako.

Nilagay ko ang index finger ko sa labi ko.

“Shhhh…”

Napalingon ang mga babae sakin. Diretso lang ang tingin ko na para bang seryosong tumitingin sa kawalan at naghihintay na bumukas lang ulit ang elevator.

Saka lang ako nakahinga ng maluwang nang nakarating na ako sa sasakyan ni Wade. Bumuga ako ng malalim na hininga habang tumatayo doon.

Hindi pa nga ako nakakahinga ng maayos ay ikinulong na ako ni Wade sa kanyang dalawang braso. Napasandal ako sa kotse niya. Yung dalawang kamay niya ay nasa gilid ng dalawang braso ko.

“Reina, aamin din ako. Bakit hindi parin pwedeng makipagharutan in public?” Humalakhak siya.

Hindi na ako nakapagsalita dahil umamba na siyang hahalikan ako. Hinampas ko ang dibdib niya. Hindi siya natinag. Shiz those heat inducing abs.

“WADE!”

“Shhh! Walang tao dito sa parking lot… Walang makakakita…” Nakangisi siya nang palapit at palapit na ang kanyang mga labi.

Mabilis ko na lang siyang hinalikan.

“Oh, hayan, tapos na! Tayo na!” Sabi ko sabay tulak sa kanya.

Umiling siya nang nakangiti. Ang gwapo niya talaga. Kahit na pinipindot niya lang naman yung alarm ng sasakyan niya ay gwapong-gwapo na siya.

Pumasok na ako sa loob. Pumasok din siya at pinaandar agad ang sasakyan.

“Punta muna tayo kay Zoey.” Sabi ko at kinuha yung cellphone para itext si Zoey na kailangan namin siya.

“Yes, ma’am.” Aniya at dumapo yung kamay niya sa hita ko.

Ginalaw-galaw ko ang hita ko para matanggal yung kamay niya doon.

“Ugh! Wade!”

“Reina, wala namang nakatingin.” Tumawa siya.

“Kahit na…”

Hindi ko na maayos yung pagtitext ko dahil sa kamay niyang nasa hita ko. Umaalis lang ito tuwing kailangan niyang mag change gear. Panay naman ang tanggal ko sa kamay niyang bumabalik agad doon.

“WADE! You perv!” Saway ko.

“Alam mo naman pala…” Tumawa ulit siya.

Hay naku! Ang hilig ng isang ito. Hindi na ako masosorpresa kung isang araw ay may mangyari samin dito sa loob ng sasakyan niya. Shiz! I can’t imagine! Hindi pwede! Kilala siya at baka ma issuehan pa kami ng scandal or something.

“Mag preno ka naman.” Saway ko ulit kasi lumalapit na masyado yung palad niya.

Umiling na lang ako nang nakita kong nakatingin lang siya sa kalsada at nakabalandra ang kanyang dimple.

Mabuti at agad pumayag si Zoey. Syempre, marami pa akong idedesign na sosootin niya. It’s a give and take relationship para saming dalawa.

“Grocery? Magmumukhang ikaw yung third wheel, Reina kahit na ang totoo ay ako.” Untag ni Zoey habang nagpapark si Wade sa isang supermarket.

Tinanggal ko ang seatbelt ko at lumabas na sasasakyan ni Wade.

“Oo, dapat ganun ang mangyari.”

Lumabas din si Zoey.

“Reina, just let her act normal. Malapit na rin naman akong umamin. Hindi na namin kailangang mag PDA para lang ipangalandakan na may relasyon kami. Naglalakad lang tayong tatlo, agad na may issue na saming dalawa, kaya wag ka ng mag alala.” Sabi ni Wade sabay lahad ng kamay sakin.

Tumaas ang kilay ko nang tinignan ko ang kamay niya.

“You think kayo ang bibigyan ng issue pag nakita nilang magkahawak-kamay tayong nag go-grocery.”

Umirap si Wade at nilagay na lang sa bulsa ang kamay niya.

“Fine! Babae ka! Kundi lang kita mahal!” Nauna siyang maglakad.

“Sungit!” Sabi ko at sumunod sa kanya.

“Reina, pwedeng yung mejo may pagka gold naman next gown na susootin ko?”

Naligo ako ng tanong tungkol sa mga gowns na kanyang susootin. Masyado ring vain itong si Zoey. Iyon lang talaga yata ang laman ng utak. Maging ang balak kong clothing line ay halos iblackmail niya pa ako para lang gawin ko siyang image model.

Tumangu-tango lang ako habang nilalagay ang mga bilihin sa cart na tinutulak ni Wade. Naka aviators parin siya at tuwing may tumititig sa kanya ay agad siyang nag iiwas ng tingin.

Syempre, hindi talaga maiiwasang may maririnig ka…

“Hindi ba si Wade yan?” Tanong ng isang babae sa kasama niya.

“Mukhang oo, kasama niya na naman yung model.” Si Zoey iyong tinutukoy nila.

Hindi iyon narinig ni Zoey dahil panay ang talak niya tungkol sa next gig niya. Famewhore talaga ang isang ‘to.

“Let’s make this fast.” Sabi ko nang narealize na may kumukuha na ng picture.

Kahit na hindi pa naman nila confirmed na si Wade nga itong humahakbang sa tabi ko, marami ng nakakuha ng picture. Malamang kumalat na rin na nasa Manila na ang iniidolo nila.

Tumakbo kami palabas ng supermarket kasi talagang dumami na ang mga taong nag pipicture sa kanya.

“Ang saya talaga pag artista!” Napatili si Zoey.

“Ikaw lang ang masaya, Zoey.” Sagot ni Wade habang isinusoot yung seatbelt niya.

Bumungisngis si Zoey, “Hindi naman kasi kayo masaya kasi di niyo sinasabi sa publiko. May lihim pa kayo. Pag nalaman nila yan, at malaya na kayong nakakagalaw, then you’ll get used to it.”

Natahimik ako. Hindi ko alam kung publiko lang ba yung kalaban namin o pati yung pamilya ko.

Nagkatinginan kami ni Wade. Nakita kong dumapo ang titig niya sa may dibdib ko. Uminit ang pisngi ko. Akala ko pa naman naiisip niya yung mga sinasabi ni Zoey, pero yun naman pala, kamanyakan na naman ang inaatupag niya!

Sinimangutan ko siya, sumimangot din siya at umiling.

Nanigas ako nang lumapit siya sakin.

“Seatbelt mo. Ugh! Reina Rivas.” Inabot niya yung seatbelt at sinoot sakin.

Tumindig ang balahibo ko sa narinig ko sa kanya at sa ginawa niya! Pero mukha lang namang normal iyon para sa kanya, nagawa niya pang lumingon kay Zoey nang nagtanong si Zoey ng ganito…

“REINA RIVAS? OMY! DON’T TELL ME NAGPAKASAL NA KAYO? Secretly married ang peg? Ganun yung mga artista madalas, eh! Talaga?” Rumaragasa yung mga sumunod na tanong niya, “Kailan? Saan? Paano? Sinong kasali? Ba’t di ako kasali? Sus! Talagang sisikat pa lalo ako pag isisiwalat ko ‘to sa media pero pasalamat kayong dalawa at mejo malaki-laki yung atraso ko sa inyo noon.”

“We’re not yet married, Zoey.” Sabi ni Wade.

“Weh? Liars!”

“Wag kang mag alala, pag magpapakasal kaming dalawa, invited kayong lahat.” Napatingin si Wade sakin.

Para bang gusto niyang makita ang reaksyon ko. Suminghap ako at tinitigan siya pabalik.

“Gusto ko ng simpleng wedding. Yung sekreto. I hate showbiz, Wade.” Sabi ko.

Ngumuso si Wade at di na nagsalita.

“Asus! Reina! Ang saya kaya ng bonggang wedding! Yung tipong laman kayo ng magazine. Nafeature kayo ni Korina at buong hapon nadelay ang mga shows para lang sa wedding of the year special?”

Hindi ko alam kung bakit ito yung pinag uusapan namin ngayon. Ni hindi ko pa nga alam kung matatanggap kami ng mga magulang ko. Sa bagay, matanggap o hindi, magpapakasal ako sa kanya.

“Thanks, Zoey.” Sabi ko nang pababa na si Zoey.

Nasa harap na kami ng apartment niya ngayon.

“Walang anuman, basta, Reina ah, yung gown?” Aniya.

Tumango na lang ako at ngumisi.

Kumaway siya nang paalis na kami ni Wade. Buti na lang talaga nandyan si Zoey. Mabilis kaming nakarating sa condo ni Wade. Syempre, ninja moves ulit. Ako yung unang pumasok bago siya. Siya yung may dala ng mga pinamili namin.

Pagkarating niya sa condo ay nilapag niya agad ang mga iyon sa table.

“Cook for me, just like the old times?” Niyakap niya ako galing sa likuran habang inaayos ko yung mga pinamili.

“Sure, anong gusto mo? Marami na akong alam ngayon. You know, independent ako sa France.” Ngumisi ako.

Hinalikan niya ang tainga ko. Napapapikit ako sa kiliting naramdaman.

“Pwedeng French Kiss?” Humalakhak siya sa tainga ko.

Nangatog na naman yung tuhod ko. Nakakapanghina talaga ang kalandian ng isang ito. Hinigpitan niya pa lalo ang yakap niya sakin habang inilalapit ang labi niya sa labi ko.

Binigyan niya ako ng mainit at malalim na french kiss. Dahil sa sobrang nakakalasing ang mga halik niya, halos mabitiwan ko iyong mga de latang sauce na hawak-hawak ko.

“Ooopppss…” Aniya pero nagpatuloy siya sa pagsisiil sakin ng maainit na halik.

Nakasandal na ako sa buong katawan niya.

Mas lalo niyang idiniin ang halik. Hindi ko mapigilan ang init sa katawan ko.

“Ugh! Reina…” Bulong niya.

Sa kalagitnaan ng halikan namin ay tumunog ang cellphone ko.

Kinapa ko iyon sa bulsa ko pero hinawakan niya ang kamay kong kumakapa sa cellphone. Inilayo niya iyon sa bulsa ko.

“Wadeee…” Angal ko.

Hinablot niya ang cellphone ko at tinignan kung sino ang istorbong tumatawag. Dumapo ang kanyang kamay sa noo at ipinakita sakin ang cellphone ko.

Istorbong Zoey! Anong nakalimutan nito?

“Hello, Zoey?”

Tinalikuran ko si Wade.

“Reina! May picture sa internet na kumakalat… pareho kayong nakatagilid ni Wade sa parking lot ng condo niya. Unang picture ay nakasandal ka lang sa sasakyan niya. Pangalawa ay yung hahalikan ka na niya.”

Nanlaki ang mga mata ko.

“Posted 30 minutes ago, 1000 likes and 5000 comments na!” Aniya. “It’s too viral right now… Isang refresh ko lang, hundred agad yung dadagdag.”

Napatingin ako kay Wade na ngayon ay nakapamulsa lang at hinihintay na matapos ako sa kausap ko.

“Wade, buking na tayo.” Sabi ko sa kanya.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: