Mapapansin Kaya? – Kabanata 55

Kabanata 55

Sore

Tanghali na nang nagising ako sa sarili kong kama. Kinapa ko ang mga damit kong in place naman. Walang nawala. Buo parin naman ako.

Ang tanging naalala ko lang kasi ay nasa bar ako at umiinom. Agad akong bumangon para tignan kung anong oras na pero nahilo ako. Napahawak ako sa ulo ko at naramdaman kong bumabaliktad ang sikmura ko.

OH NO! I’m gonna vomit?

Tumakbo agad ako sa CR at naghintay kung kelan ko feel magbalabas ng lahat. Mabuti na lang at mejo nawala at humupa ang pagbaliktad ng sikmura ko.

Humarap ako sa salamin at inayos ang buhok ko.

“Nasusuka ako?” Napahawak ako sa tiyan ko.

Inalala ko lahat yung nangyari kagabi. Unti-unting nanlaki ang mga mata ko nang naalala ko yung mga nakakahiyang sinabi ko kay Wade. Napapikit ako at napapukpok sa ulo!

“OH MY GOD! OH MY GOD! OH MY GOD!”

Napatalon-talon ako. Hindi ko alam kung paano ko siya haharapin ngayon. My goodness! Ang kapal ng mukha ko! Teka? May nangyari ba samin? Kinapa ko ulit ang tiyan ko. Nasusuka ako kanina.

“AM I PREGNANT?”

Tumakbo ako papasok ulit sa kwarto ko para hanapin ang cellphone.

Maraming messages doon.

“Liam, Liam, Coreen, Rozen, Liam, Kuya Dash, Mommy, Mommy, Dad-“

Wala akong numero ni Wade! Pero may nakita ako doong unknown number na nagtext! Nanginig ang kamay ko nang pinindot ko para tignan kung sino at anong sinabi.

Hindi niya sinabi kung sino, pero alam ko na agad.

Text:

Inom ka ng malamig na tubig pag gising mo at kumain ka ng maayos.

Agad ko iyong ni-dial yung number na iyon. Bumungad sakin ang isang malamig at pamilyar na boses.

“Reina,” Untag ni Wade.

Napapikit ako at naramdaman ko ang irregular na pag pintig ng puso ko. “Wade… Uhmmm.”

“Kakagising mo pa lang ba?” Tanong niya.

May narinig akong ingay sa background niya.

“Wade, hindi mo ba sasagutin ang tanong ko?” Si Zac iyon, tono pa lang ng pananalita at accent ay alam kong siya na agad.

“Zac, ang clingy mo talaga! Kitang may kausap ang tao.” Sabi ni Adam.

And I’m sure tahimik si Austin na ngumingisi sa kanila. Sa iksi ng panahon ay nakilala ko na ang mga kabanda ni Wade.

“N-Naistorbo ba kita?”

“Hindi… Sila yung istorbo.”

Nakakabinging katahimikan ang bumalot saming dalawa. Kung hindi ko lang sana narinig si Zac na tumawa ay may maririnig na akong crickets sa background.

“U-Uhmmm… Tumawag ako para magtanong.” Sabi ko sa wakas nang nakarecover na ako sa sinabi niya.

“Okay, nakuha ko itong number mo kay Rozen kagabi.” Aniya.

Umiling ako kahit hindi niya naman ako nakikita, “Hindi… Hindi yan ang tanong ko.”

“Ah! Kung ganun, ano?”

Uminit ang pisngi ko. Pinaypayan ko ang sarili ko dahil pinagpapawisan na ako kahit naka full yung aircon.

“N-Nabuntis mo ba ako?” Tanong ko at pinikit ng mariin ang mga mata.

Hindi siya agad nagsalita kaya agad akong kinabahan. Niyaya ko siya kagabi, yun lang ang naalala ko.

“Wait, what, Reina?”

Napaupo ako sa kama at napatadyak.

“Ang tanong ko eh nabuntis mo ba ako?”

Narinig ko ang paghugot niya ng hininga at pagbugo niya nito.

“Anong klaseng tanong yan?”

EDI SYEMPRE, OO! Napatadyak-tadyak ako.

“Bakit? Are you sore? Naramdaman mo bang may nangyari satin kagabi?”

“WHAT?”

“Sagutin mo ako! ARE YOU SORE!?” Galit niyang tanong.

Narinig kong humupa ang tawanan ng mga kabanda niya.

“Uy, Wade, ano yan-” Marahang tanong ng kalmadong si Adam.

“Shhh!” Putol ni Wade kay Adam. “REINA!”

Napatalon ako sa kama sa sigaw niya.

“May nagpunta ba diyan kagabi? Sino? May pinapasok ba si Rozen sa kwarto mo?”

“HUH?”

“REINA! Sagutin mo ako!” Sigaw niya.

“W-Wala…” Napatingin ako sa kwarto ko at napahawak sa ulo.

“Reina! Stop the car po, may pupuntahan ako.” Sabi ni Wade sa background.

“W-Wade?”

Ginulo ko ang buhok ko.

“H-Hindi ba tayo nagpunta sa c-condo mo? K-Kasi diba? Uh… Hindi ba?”

Napasinghap si Wade. Ilang sandali pa siya bago nagsalita.

“Wade? Anong nangyayari? May problema ba kayo ni Reina?” Tanong ni Adam sa background.

“HAHA! She’s pregnant, Rivas? WHOA! Malaking pasabog yan! Maliban sa sumabog sa loob.”

“FVCK YOU, ZAC!”

May narinig akong sigawan at sapakan sa background.

“Reina, walang nangyari satin.” Sabi ni Wade nang humupa na ang sapakan sa background. “Ngayon, sabihin mo sakin… are you sore?” Humina ang boses niya.

“S-Sore?” Umiling ako kahit alam kong di niya ako nakikita. “Nope?”

“Reina!”

Sore down there?

“Hindi! Hindi, Wade. I’m just asking… K-Kasi nasusuka ako kanina. W-Wala bang nangyari?”

Nanaginip lang ba ako o assuming lang talaga ako?

“Sus! Babae ka!” Narinig ko ang frustration sa boses niya. “Ewan ko sayo. Siguraduhin mong walang gumapang na iba diyan sa kama mo. Ugh!”

Napatingin ako sa kama ko. Wala naman. Nakakahiya! Akala ko may nangyari, iyon pala wala!

“Nasusuka ka kasi marami kang nainom kagabi! Mabuti pa, uminom ka ng tubig, at matulog ulit hanggang sa mahimasmasan ka.”

“Wade, okay na ba? Malilate na tayo sa studio.” Sabi ni Adam.

“Okay na, salamat.” Aniya.

“Reina, shit,” Narinig ko ulit ang pagbuntong-hininga niya, “Kung may nangyari man satin kagabi, hindi ganun kadali kang masusuka. Ilang weeks pa bago mag kakaroon ng sintomas ng pagkakabuntis mo.”

“So… walang nangyari satin kagabi?” Tinakpan ko ang bibig ko.

Why did I sound so frustrated and disappointed?

Hindi siya agad nagsalita. Mukhang dinama niya yung tanong ko.

“I-I mean… wala, diba?”

“Wala!” Aniya.

“Okay.” Disappointed na naman yung naging tono ko.

“Reina, ilang beses ko bang kailangang sabihin sayo? Ikaw ang virgin sating dalawa kaya ikaw ang magpigil diyan. Wag mo akong asahan dahil talagang masusuka ka after 2 weeks kung lagi mo akong inaakit ng ganito.” Pabulong niya itong sinabi.

Narinig ko ang satsatan at tawanan nina Adam at Zac sa background.

Mas lalong uminit ang pisngi ko sa sinabi niya. Naaalala ko nga nung sinabi niya iyon.

“I’m not virgin anymore.” I corrected him. “Diba?”

Natahimik ulit siya.

“Ugh! Reina? Oh? Bakit? akala ko ba mag da-dahan-dahan tayo dito? Bakit parang nagmamadali ka naman yata. Gusto mo yatang araw-araw-“

“Pinaalala ko lang sayo! Hello! Kasi di mo naaalala!”

“Alam ko. Pero I still think you’re a virgin, Reina. So stop acting like you’re not, baguhan.”

Natahimik ako at napakagat sa labi. Narinig ko agad ang mabilis at malakas na pintig ng puso ko. Parang ilang libong kabayo ang tumatakbo sa taas ng bubong ang naririnig ko.

“Okay, Reina, may irerecord kaming kanta ngayon. Papunta na kami sa Moon Records, uminom ka na ng tubig at magpahinga.”

“Okay, Wade. Uhm… Gagawin ko rin yung suit mo tsaka yung kay Adam… And also yung gown ni Shan.”

“You’re telling me you’ll be very busy, huh?” Aniya.

“Mejo, Wade. Mahirap kaya ito. Ako yung gagawa. Hindi ko muna iaasa sa iba since wala pa naman akong big break. So ako muna talaga sa ngayon…”

“Alright. Alam mo naman sigurong isisingit ko kahit papano ang panliligaw ko, diba?”

Napangiti ako, “Busy ka rin naman, eh, rock star.”

“I’m your rockstar. Kaya bago sila, ikaw muna. Di bale ng pumalpak sa rehearsal, basta tagumpay sayo.”

HINDI KA PA BA NAGTATAGUMPAY DIYAN? Parang naaakit niya na yata ako ng husto, eh! Kelangan niya pa bang manligaw?

“Alright, Wade.” Tumawa ako.

“May pinadala akong mga bulaklak sa inyo. At marami pa… Icheck mo na lang, okay?” Malambing niyang sinabi.

Agad akong tumakbo palabas ng kwarto at dumungaw sa sala namin. May nakita akong mga apat na bouquet of roses at apat na gift.

“Alin dito yung sayo?” Tanong ko at narealize kong mejo offending yung tanong na iyon kaya binawi ko.

Ang dami kong manliligaw ngayon, ah? In fairness!

“May apat na bouquet at apat ding gift.” Dahan-dahan akong bumaba sa hagdanan.

Narinig kong tumawa siya, “Lahat ng yan ay akin.”

“Sobra naman yata, yan, Wade. Yung alam ko pag nanliligaw, isa-isa lang araw-araw. Bakit apat yung sayo?”

“Apat na taon akong wala sa buhay mo, eh.” Tumawa siya. “At syempre, marami talaga dapat para saan pa ang perang pinaghirapan ko kung hindi ko gagastusin sa babaeng dahilan kung bakit nasa tuktok ako ngayon.”

Kinagat ko ang labi ko at tinignan ang bawat roses na nandoon. I don’t know if that’s good or bad. Nasa tuktok si Wade ngayon dahil sakin… Dahil gusto niyang patunayan na mali ang panghuhusga ko sa kanya. Parang ang pangit pakinggan. Pero sinasabi niya iyon na parang inspirasyon niya ako… na parang di niya mararating ito kung wala ang supporta ko, gayung ang totoo, itinulak ko siya sa putik, kaya siya determinadong bumangon.

Hay, Wade, I love you…

“I love you, Reina.” Malamig niyang sinabi.

“I love you more, Wade.” Nanginig ang boses ko.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: