Mapapansin Kaya? – Kabanata 30

Kabanata 30

Wag Mo Akong Tinutukso

Namanhid ang buong katawan ko pagkatapos niyang sabihin lahat ng iyon. Pakiramdam ko, nananaginip lang ako. Hindi ako makapaniwala. Kung naging invisible man ako sa mga tao for the past 19 years, wala na akong pakealam, basta may nakapansing Wade Rivas sakin ngayon. Pero kahit na sinabi niya na ng buong-buo sa akin, parang hindi parin ako makapaniwala.

Dahan-dahan siyang kumalas sa pagkakayakap niya sakin. Buong akala ko ay papakawalan niya na ako pero nagkamali ako. Nilagay niya sa balikat ko ang braso niya at niyakap niya akong mas mahigpit.

“T-Tayo na ba?” Tanong ko.

“Kung papayag ka. Edi tayo na.”

Napalunok ako, “Ako pa ngayon ang di papayag?”

Natahimik siya ng ilang sandali at mas hinigpitan pa ang pagkakayakap sakin.

“Magluto ka na lang muna.”

“Huh?” Nilingon ko siya.

Nakita kong nakapikit siya. Ilang centimeter na lang ay mahahalikan niya na ang pisngi ko. Uminit agad ang pisngi ko at nanigas na naman sa posisyon naming dalawa.

“May sipon at ubo ako. Baka pag di ako makapagpigil mahahalikan kita. Tapos magkakasakit ka rin. Finals pa naman next week. Kaya sige na.”

Di bale na lang na magkasakit ako, gusto rin kitang halikan, Wade. Shemay! Jusko! Naadik na yata ako sa kanya.

Tinignan ko ang labi niya. Dumilat siya at nadatnan akong nakaawang ang bibig at nakatingin sa labi niya. Kumalas na siya ng tuluyan.

“Ugh! Reina, sige na… Magluto ka na lang.”

Hindi ako umalis sa kinauupuan ko.

“Reina, nagpipigil ako. Matagal na. Kaya wag mo akong bigyan ng rason para… ugh! Sige na, umalis ka na. Matutulog na muna ako.” Lumayo siya ng bahagya sakin.

Gumapang ako sa kama para kapain ang noo niya. Titignan ko sana kung may lagnat pa ba siya.

“Shit! Reina!” Nanlaki ang mga mata niya at tinaas ang kamay kong dadapo sana sa noo niya.

Dahan-dahan niya akong hinalikan. Maiinit at passionate ang mga halik niya. Nahalikan niya na ako noon pero ang mga halik niyang ito ay bago. Marahan at nakakapanghina. Hinawakan niya ang chin ko.

“Sabing wag akong tinutukso.” Bulong niya sa gitna ng paghahalikan namin.

Dahil wala pa akong ibang nahalikan, wala akong mapagkumparahan sa halik ni Wade. Nawala na ako sa sarili ko nang hinawakan niya ang gilid ng leeg ko. Sinubukan ko siyang yakapin pero nanghina ang braso ko, hindi na ito umabot sa balikat niya, hinaplos ko na lang ang braso niya pababa. Yung isang kamay ko naman ay nasa dibdib niya.

Unti-unti kong naramdaman ang pagtindig ng balahibo niya sa braso. Tumigil siya sa paghalik at umatras ng konti.

“Reina,” Ginulo niya ang buhok niya. “Magkakasakit ka na nito.”

Hindi ako umimik. I’m just so stunned. Buong buhay ko pinaniniwalaan kong pangit ako at di ako kailanman mapapansin ng tulad ni Wade pero biniyayaan na yata ako ng kagandahan ngayon at bakit nabihag ko siya.

Kinunot ko ang noo ko, “Ayaw mo ba akong halikan?”

Tinakpan niya ang mukha niya at bumuntong hininga bago bumaling ulit sakin.

“Gusto. Pero ayaw kong mabaliw ka sakin dahil lang nakakalasing ang mga halik ko. Ayaw kong hanggang dun na lang.”

“B-Bakit? Ganun ba ang habol ng iba sayo?”

Tinitigan niya ako. Yung titig na tagos sa kaluluwa ko. Yung tipong pinaparamdam sayo na ikaw lang ang nasa mundo niya. Na wala siyang ibang tititigan ulit kundi ikaw. “Oo.”

Umiling ako at hinaplos ang pisngi niya.

“Sa totoo lang, wala akong pakealam kasi ganun lang din ang habol ko sa kanila noon.”

Natigilan ako sa sinabi niya.

Nanghihina ako kahit tinititigan niya pa lang ako. Paano pa kaya kung hahawakan niya na o hahalikan. Baka mahimatay ako.

“Pero sayo, gusto ko buong ako ang habol mo. Hindi lang pisikal na anyo, hindi lang mga katangian… Dahil langhiya, pagkatapos mo akong insultuhin, kaya mo parin akong pabalikin. Ganun ka tindi ang nararamdaman ko sayo. Hindi ko naiintindihan kung bakit pero kahit anong gawin at sabihin mo sakin, patuloy mo paring mayayanig ang pagkatao ko, Reina. You have that effect on me.” Nag iwas siya ng tingin at nakita kong pumula ang pisngi niya.

Wala akong nagawa kundi ang ngumiti ng abot tainga. Wade Sexy Rivas… I love you so much. At patuloy akong mahuhulog. Hindi na ako makakaahon nito dahil sa mga sinasabi at ginagawa mo.

Nasulyapan niya akong nakangiti sa mga sinabi niya. Humiga siya sa kama at nag iwas ulit ng tingin.

Bumuntong-hininga ako. Ngayon, naiintindihan ko na. Ang ugnayan nila ni Zoey… ang pagiging malihim niya… ang pagiging misteryoso niya. He’s a playboy. Alam niya kung paano gamitin ang pisikal na anyo niya laban sa mga babae. At ganun din ang habol ng ibang babae sa kanya. He’s a trophy for them. Sa sobrang gwapo niya, wala ng nagmamahal ng tunay sa kanya. Ginagawa na lang siyang medalya at dekorasyon tulad ng ginawa ni Zoey sa kanya. Okay lang yun para kay Wade kasi wala rin naman siyang nararamdaman.

“Wade, hindi ba nag confess si Zoey sayo noon?”

“Hmm?”

“Diba mahal ka niya? Hindi ba umamin siya sayo? Kung ganun, hindi lang pala errr, sex, yung habol niya sayo… Kundi higit pa? Kung ganun bakit di mo siya nagustuhan?”

Suminghap siya, “Tingin mo ba nagustuhan lang kita kasi gusto mo rin ako, Reina? No… Hindi ko rin alam kung bakit bigla na lang akong nabaliw sayo. Basta ang alam ko, gusto kong mabaliw ka rin sakin. Ikaw. Hindi ibang tao. Ikaw.”

Tumango ako at napalunok. Tinitigan niya ako habang nakahiga siya sa kamay. Nakakagat-labi niya habang ang isang daliri ay hinahawakan ang lowerlip niya.

Bumilis ang tibok ng puso ko kaya ayan na naman at natutuliro na naman ako. Ikinukulong kasi ako ng titig niya sa ibang mundo. Nakakapanindig balahibo. Nakakahimatay.

“N-Nababaliw naman ako sayo, ah? K-Kaya nga nandito ako diba?” Sabay turo ko sa kama ko.

Pumikit siya, “Sh1t, Reina!”

Hinila niya ang kamay ko kaya naman nakahiga ako sa dibdib niya. Bago ko pa maayos ang sarili ko ay hinalikan niya na ako agad. Ngumisi ako nang naramdaman ulit ang mga labi niya. My boyfriend is Wade Sexy Rivas.

Tinulak niya ako at napahiga ako sa kama niya. Pumatong siya sakin at mas lalong inatake ang mga labi ko.

Nanlaki ang mga mata ko nang naramdaman ko ang nakakakiliting haplos niya sa leeg ko. May rhythm na rin ang paggalaw niya sa taas ko.

OH MY GOSH! Natukso ko talaga yata!

Hinalikan ko rin siya. Ngayong nakailang beses na siya sa paghalik sakin, mukhang natutunan ko na rin kung paano humalik tulad ng ginagawa niya.

“Shit… Reina!” Tumigil siya at lumayo sakin.

Mabilis ang paghinga niya. Tumayo siya at pabalik-balik na naglakad habang ginugulo ang buhok niya.

Bumangon ako sa kama ng lasing na lasing pa sa halik niya. Sarap niyang humalik. Nakakabaliw. Ngumisi ako nang nakita siyang hirap na hirap sa paghahabol ng hininga niya. Alam kong natutukso na siya pero kaya niya paring kontrolin ang sarili niya.

“Sarap mong humalik, Wade.” Nanlaki ang mga mata niya.

Ngayon alam ko na kung bakit iniiwasan niya ako at mukha siyang may malaking problema pag sinasabi ko sa kanya ang nararamdaman ko. Nagpipigil pala siya. Natutuwa at na to-touch ako sa pagiging gentleman niya pero natatawa ako tuwing naiisip na nahihirapan siya.

Ngumisi pa ako lalo, “Kaya siguro marami talagang sabik sayo sa kama. Hindi ko nga lang alam kung paano kasi wala pa naman akong experience at ikaw naman ang unang halik ko. Pero nalalasing ako sa halik mo. Pwedeng ulitin?”

Mas lalong nanlaki ang mga mata niya.

Masaya na sana pero hindi ko napigilan ang paghalakhak ko.

“Sinasadya mo bang manukso, Reina?”

Umiling na lang ako nang hindi ko na napigilan ang pagtawa ko.

“REINA!” Galit niyang untag habang lumalapit sakin.

Tumatawa parin ako at umatras na.

Bumilis ulit ang paghinga niya. Ngayon, siguro ay dahil sa galit niya sa mga sinabi ko. Humagalpak ako sa tawa at tumakbo na palabas ng kwarto niya.

“Babae ka!” Sigaw niya nang nakalabas na ako. “Hayyy!”

Humagalpak ako sa tawa pagkarating ko sa kusina. Damn, Wade! Nagpipigil pa, parang di playboy. Not that I want us to do that… Syempre sa tamang panahon. Pero natutuwa ako tuwing nakikita siyang nahihirapan sa pagpipigil. Nababaliw na talaga yata ako.

Sa kalagitnaan ng pagluluto ko, narealize kong dapat akong magpalit ng damit. Kaya lang, wala akong ibang damit kaya pumasok ulit ako sa kwarto ni Wade. Nakita kong tulog na siya kaya naisipan kong kumuha ng damit sa cabinet niya. Gusto ko pa sana siyang pagmasdan na natutulog kaya lang inisip ko yung niluluto kong pagkain.

Dumiretso na ako sa kusina at nagpalit ng damit sa CR. Jersey ito sa soccer. May nakalagay pang Rivas sa likod. Sarap magpapicture pag soot mo yung jersey ng boyfriend mo. Lalong lalo na pag si Wade Rivas! Hay! Wala akong ginawa kundi ang ngumiti na lang habang nagluluto.

Pagkatapos kong mag luto ay inayos ko ang mesa niya. Gigisingin ko siya maya-maya para makakakain na kami.

Para kaming mag asawa sa lagay na ito. Para kaming nagtanan. Naiisip ko tuloy yung mga sinabi niya. Na magtatanan kaming dalawa at pumunta ng Alegria.

KRIIIING

Patay! Nakita ko yung cellphone niyang nasa sofa. Nag ri-ring ito. Tinignan kong mabuti kung sino ang tumatawag. Nakita kong may nakalagay na ‘Mama’. Mommy ni Wade?

Gusto kong gisingin si Wade para sagutin yung cellphone niya pero hindi na ako nag isip at sinagot ko na lang ito.

“H-Hello?”

“Hello? Sino ‘to?” Malamig at malumanay na boses ng babae ang sumalubong sakin.

“Ako po si Reina…” Kaibigan ni Wade o Girlfriend ni Wade? “Kaklase po ako ni Wade. Natutulog pa po siya kasi may sakit siya ngayon.”

“Natutulog pa ang anak ko? Nasaan ba kayo?”

“Nasa apartment niya po. May sakit po siya.”

“Ganun ba?”

Mukhang mejo suplada ang mommy ni Wade, ah? Ang alam ko, teacher ang mommy niya at yung daddy niya naman ay retired army.

“Opo. Ipapatawag ko siya sayo pagkagising niya-“

“Bakit ka nandyan sa apartment niya?” Tanong ng mommy ni Wade.

“Kasi po hinatid ko yung hand outs niya. Nautusan ako ng prof namin. Tapos eto po, naabutan ko siyang may sakit.”

“Uh-huh.”

Nanlaki ang mga mata ko nang nakita kong lumalabas na yung walking heater sa kwarto niya. Nakabalandra parin ang maiinit na abs. Tinitingnan niya ako nang nakakunot ang noo habang may kinakausap sa cellphone niya.

“Eto na nga po siya, kakagising lang. Ibibigay ko po sa kanya yung cellphone.” Nilahad ko kay Wade ang cellphone niya.

Bumuntong hininga siya tsaka sinagot ang cellphone, “Hello, ma?”

Sinulyapan ako ni Wade.

“Hindi po ako nagloloko dito at wala akong babae. May sakit ako kaya nandito ang girlfriend ko para alagaan ako.”

Uminit ang pisngi ko sa sinabi niya sa kanyang mommy.

“Oo, ma, girlfriend.”

Kinagat ko ang labi ko at naisipang titigan na lang yung mga niluto ko.

“Hindi siya pwedeng- Po? anong ikinakahiya? ANONG NAGLOLOKO? HINDI PO AKO NAGLOLOKO DITO! ANONG…” Tinakpan niya ang mukha niya. “WALA PA PO KAMING NAGAGAWANG MILAGRO KAYA RELAX KA LANG.”

Uminit ang pisngi ko sa narinig ko. Tinanong ba siya ng mommy niya kung may nangyari na ba sa amin? Ibig sabihin alam ng mommy niya ang kabulastugang pinaggagagawa niya?

“Okay po. Oo nga, uuwi nga ako… Oo… Pagkatapos ng finals. I miss you, too. Bye.” Binaba niya ang cellphone niya at tinignan ako from head to foot.

Tumigil siya sa dibdib ko.

“Bakit mo soot yan?” Tanong niya.

“Bakit? Bawal ba? Anong sabi ng mommy mo, Wade?”

Nanliit ang mga mata niya, “Wag mong winawala ang usapan. Nanunukso ka na naman ba, Reina?”

“Huh? Bakit? May cleavage ba ito? Wala naman diba?”

Umiling siya.

“Tsaka girlfriend mo naman ako. Pwede namang ganito, diba?”

Ngumuso siya at umupo sa upuan.

Uupo na rin sana ako sa upuan para makakain na kaming dalawa pero hinila niya ang kamay ko.

“A-Ano?”

Mabilis at malakas ang pintig ng puso ko. Tinapik niya ang hita niya.

“Boyfriend mo naman ako, diba? Edi bagay ka dito.”

SHT! Kung makabanat ang isang ito nakakalaglag panty.

Ngumisi siya, “Oh! Pag ikaw nanunukso maingay ka. Pero pag ako naman, natatahimik ka. Mag ingay ka, Reina. Gusto ko ng maingay.”

PUTANGINEKS! Napapikit ako sa pag init ng pisngi ko.

“Ang manyak mo namang bumanat, Wade!”

Hinila niya ako kaya napaupo ako sa hita niya.

“Sabing wag akong tinutukso.”

“Oo na, titigil na ako!” Nangangatog na naman ang mga binti ko kahit nakaupo na ako sa hita niya.

“Nang aakit ka na naman!”

“HUH? Wala na naman akong ginagawa ah?” Gusto kong lumayo sa kanya dahil masyado ng nakakayanig ang mga pinagsasabi at pinaggagawa niya.

“Tuwing pumupula ang pisngi mo, natutukso ako, naakit ako.”

“Eh pakshet paano na yan?” Mas lalong uminit ang pisngi ko.

“Ewan ko. Virgin ka naman kaya ikaw ang mag pigil. Kasi kung ako yung aasahan mo, baka kinaumagahan buntis ka na. Kaya sabi ko sayo… wag mo akong tinutukso.”

WHAAAT? Uminit na naman ang pisngi ko. PATAAAAAAAAAAAY! Eh… pakshet naman ang sarap mo naman kasing tuksuhin!

“Reina, pumunta tayo ng Alegria para makilala mo ang pamilya ko. Simple lang pamumuhay namin pero gusto kong makilala mo ako ng buong-buo.”


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: