Baka Sakali 2 – Kabanata 2

Kabanata 2

Nanisay Sa Kilig

Late kaming nagising ni Jacob at na traffic pa kaming dalawa papuntang rehearsal.

“Saan ba kayo galing, Rosie?” Salubong ni Karl sakin.

Tamad na sumusunod si Jacob sakin. Nagpapanic na nga ako at binibilisan ko na ang paglalakad pero lagi ko siyang hinihintay. Ang mahal naman ng bawat hakbang niya.

“Jacob, bilisan mo!”

Suminghap siya, “Kailangan ba talaga nating pumunta dito?”

Hindi ko na siya sinagot sa bilis ng lakad ko papasok ng venue. Marami akong nakasalubong na mukhang importanteng tao. Marami din akong mga damit na nakita. Halatang busy ang lahat sa rehearsal at sa mga damit.

“Ni hindi ka pa nga nakakapag-fit sa susootin mo.” Ani Karl. “KIRA!” Sigaw niya nang biglang dumaan si Kira sa tapat namin.

Lumingon si Kira samin. Nag second-look pa talaga siya. “Uyy!” Tinignan niya ako.

“Rosieee!” Nagbeso siya sakin.

Naramdaman ko agad yung paghila ni Jacob sa kamay ko.

“He’s gay.” Bulong ko sa kanya.

“Pakealam ko.” Hindi siya bumulong kaya kumunot ang noo ni Kira.

Ngumisi na lang ako at umiling.

“Kira, ito nga pala si Jacob, boyfriend ko.” Pinakilala ko na lang si Jacob.

Tumango si Kira at ngumiti, “Manonood ng rehearsal? Pwede na dun sa front seats.” Sabay turo ni Kira sa mga upuan malapit sa stage.

“Oo nga, Jacob. Doon ka na lang maghintay. Baka all girls kami sa back stage.”

Bumuntong-hininga si Jacob at hinalikan ako sa pisngi, “Okay… Uupo lang ako dun.”

Tinalikuran niya agad kami. Naglakad siya habang nasa bulsa ang dalawang kamay.

“OH MY GOD!” Nabigla ako sa salubong na tili at sigaw ni Kira sakin.

Para siyang naninisay kilig at ngiti habang tumatalon pa. Nag face-palm naman si Karl habang tinitignan si Kira.

“Sabi na eh.” Sabi ni Karl.

“What the? Yun boyfriend mo hija? Jusko day! Pinagpawisan ako ng maiinit sa kanya ha? Sheet! Kaloka!” Sinundan niya ng titig si Jacob.

Natawa na lang ako at napailing sa reaksyon niya.

“Ba’t di mo sinabing God-like pala yung boyfriend mo? Sana sinali ko siya dito!”

“Huh? May mga lalaking models?” Tumaas ang kilay ko.

“Oo naman! May barong at suits na designs si Ms. Bubbles no! Gosh! Hindi ako makaget over sa boyfriend mo.” Pinaypayan niya ang sarili niya. “Gusto ko talaga yung mga ganung lalaki. Yung mga tipong mukhang nanununtok?” Tumawa siya.

“Hindi mukhang nanununtok, sis! Talagang nanununtok yun! Muntik nang pumutok yung mukha ko nung nagselos siya samin ni Rosie eh.” Sabi ni Karl. “Kaya kung ako sayo, iwasan mo itong babaeng ito. Kita mo kanina? Nagbeso ka sa kanya pero hinila niya agad tong si Rosie? Seloso yun! Kahit siguro itong si Rosie yung mag initiate ng pagbebeso sayo, ikaw parin yung masusuntok. Eh patay na patay yun dito.”

Sinapak ko ang braso ni Karl. Tumawa lang siya.

Nanlaki ang mata ni Kira, “TALAGA? Oh my God! I think mas lalo ko siyang naging tipo!!!” Nagtatalon na siya ngayon.

Whaaaat? Natawa na lang ako sa sinabi ni Kira.

“Ikaw talaga.” Umirap ako kay Karl nang na busy na si Kira.

“Binabalaan ko lang naman yung loka-lokang iyon.” Tumawa siya.

Ipinakilala ako kay Ms. Bubbles S. Manuel. Ipinakita din sakin yung gown na sosootin ko. Isa siya sa mga finale gowns. Itim ang kulay, tsaka may sequence na diamonds sa turtle neck. Nung una, hindi ko siya gaanong nagustuhan pero okay na rin yun para wala ako masyadong maipakitang balat (at hindi magalit si Jacob). Pero nang sinoot ko na, narealize kong backless pala ito. At least, diba, kesa sa may cleavage.

“Ito yung mga kasama mo.” Sabay turo niya sa mga sinusukatang mga models. “Isang agency sila kaya magkakaibigan yung mga yan. Lima lang kayong hinde kasali sa agency. Sana wa’g kang ma OP.”

Tumango ako. Hindi naman ako nandito para makipag kaibigan. Nandito ako para kumita kaya walang problema kung hindi ko sila kilala.

“Hello! Guysss!” Pumalakpak si Kira para makuha ang pansin ng mga models. “This is Rosie. Siya yung pang limansa finale.”

“Hi Rosiee!” Matapang na bumati yung grupo ng magkakaibigan na modelo.

Nginitian ko na lang sila. I’m not really good with introductions. Wala akong masabi.

“Teka, girl, 5’7 ka diba? Anong height ng bf mo? 6 footer ba yun?” Tanong niya.

Nagkibit balikat ako, “Idunno. I think, 5’11?” Sagot ko.

“Talaga? 6 footer yata yun eh! Bagay talaga siya dito.” Nag isip si Kira.

“Hindi yun mahilig sa ganito.” Umiling ako.

“Weeeh? Baka naman ayaw mo lang ma expose siya sa mga naggagandahang ito.” Itinuro niya ang mga magagandang modelo.

Kumunot ang noo ko, “Hindi… Kung gusto mo, subukan mong tanungin yun.” Tumawa ako.

Iniwan niya ako para i-direct ang mga naunang lumabas na model. Tig li-lima kaming lalabas . Tatlong babae at dalawang lalaki ang sabay na lalabas pero isa-isang rarampa. Kinabahan tuloy ako kasi first time ko ito.

“Hi, Rosie!” Naaninaw ko ang isang model na abot tenga ang ngiti.

Kulay brown at straight ang buhok niya. May kamukha siya, hindi nga lang ako sigurado kung sino.

“Hi!” Sabi ko.

“I’m Jasmine…” Naglahad siya ng kamay. “Ikaw yung panlima satin diba?”

Kinamayan ko siya, “Oo.”

“Nakuuu! Buti na lang may kasama ako dito. Kanina pa kasi ako na a-out of place sa mga ito eh.” Kinulot niya ang buhok niya gamit ang daliri. Mannerism niya yata.

“Finale ka rin pala?” Tanong ko.

Epic fail yung tanong ko. Of course, ibang-iba yung beauty niya sa mga modelo ng agency. Parang espesyal talaga.

“Oo. Akala ko nga ako yung panlima eh. Yun pala, ikaw.” Ngumiti siya. “Kulay gold yung gown ko. Sayo?”

“Uhm… Black-“

“OH MY GOOOD!” Sigaw ng mga babaeng kakabalik lang galing sa stage.

“Bakit?” Tanong nung papalabas na modelo.

“May gwapooong nanonood!”

“Ohh? Bakit kayo nagtitilian diyan eh hindi pa ba kayo sanay samin?” Sumulyap yung nagsalitang half-naked na lalaki sakin.

Binalewala ko lang.

“Brandon, di porke’t finale ka, nagmamayabang ka na!” Umirap yung isang modelo.

“Kita mo na, ma a-out of place tayo dito.” Bulong ni Jasmine sakin.

Sumipol si Brandon at, “Di ah! Sinasabi ko lang naman in behalf saming mga models dito.” inayos niya ang buhok niyang hanggang leeg at sumulyap ulit sakin.

Ngayon nakita ko na agad ang hubog ng katawan niya. Kung titignan siyang maigi, mukha siyang half-foreigner. Halos blonde yung buhok niya at puti ang balat niya kahit binuhusan yata ng oil.

“Sayang ka, Brandon, ang gwapo mo pero pasikat ka masyado.” Tumawa yung isang modelo. “Mag t-shirt ka nga!”

Sumulyap ulit si Brandon sakin.

“Kasalanan ko ba kung may type ako dito ngayon?” Ngumisi siya sakin.

Napakurap-kurap ako. Nag iwas na lang ako ng tingin sa kanya at binaling ang atensyon sa cellphone ko.

“Oh my Goddd! Ang gwapo niya talaga!!!” Sigaw ng mga modelong nanonood sa stage galing sa backstage.

“Sino ba yan?” Tanong nung isa.

Nagbulungan silang dalawa.

“Yung vocalisssssssssst?”

Napapikit ako sa tinig ng tili ng mga modelo. God, they’re talking about Jacob! Ganun ka grabe yung epekto niya? Napabuntong-hininga ako. Nang dumilat ako, naaninaw ko agad ang titig ni Brandon sakin.

What the F? Talaga bang wala siyang patawad kung makatingin? Hindi siya nahihiya kahit na lagi ko siyang nahuhuling tinitignan ako.

“I think I’mmmmm in love!!!” Bulgar niyang sinigaw habang tinitignan ako.

Nag iwas na lang ulit ako ng tingin.

“Ha? Kanino?”

“Sakin ba?” Tanong nung isang model.

“Haaay! Ewan ko! Na love at first sight yata ako.” Aniya at madramang nag walk out sa kanila.


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: