Mapapansin Kaya? – Kabanata 53

Kabanata 53

Kakapa

“Saan ba yung after party?” Tanong ni Liam kay Wade.

Bumaling si Wade sa kanya gamit ang galit na mukha.

“Sa Tribe Lounge. Staff lang ang pwedeng pumunta.” Kumuyom ang panga ni Wade.

Tumango si Liam at tumingin sakin.

“Kung ganun, kunin kita? Anong oras kayong matatapos?” Tanong ni Liam sakin.

Nagkibit-balikat ako.

“Buti pa, iuwi mo na lang yung sasakyan niya sa bahay nila, Liam. Ako na ang maghahatid sa kanya.”

Kumunot ang noo ni Liam sa plano ni Wade. Kinakalabit na si Wade ni Austin para makapag picture ulit sila. Kanina pa kasi nag hihintay yung media. Walang kaalam-alam yung mga tao ditong may pinag uusapan kami dito.

“Wade.” Tawag ni Austin kay Wade.

“Saglit lang.” Naiiritang sagot ni Wade.

“Uhm… Sige na, Wade. Ako na ang bahala dito.” Sabi ko sabay baling kay Liam.

Sinundan kami ng tingin ni Wade. Naiilang ako sa mga titig niyang galit habang hinihila ko si Liam palabas ng dressing room.

“Pwede ka namang di sumali, diba, Reina?” Sabi ni Liam.

“Pero kasi sayang. First time kong maka bonding yung staff nila as, uh, Wade’s designer. Kaya mas ayos sana kung-“

“You don’t need to go there. Gagabihin ka. Magagalit ang parents mo sayo.”

“I’m not a child anymore, Liam. Kaya ko ang sarili ko.”

For the first time, mejo nabagabag ako sa pagiging worried ni Liam sakin.

“Yes, of course, Reina. Pero anong gagawin mo dun? Iinom? And what do you think about Zac? He looks like he fvcks everything that moves. You think okay lang pag nalasing kang kasama siya?”

“Liam, n-nandoon naman si Wade.” Nag alinlangan pa ako sa sinabi ko.

Umiling siya at huminga ng malalim, “Alright. Just text me, okay? Sabihin mo sakin anong ginagawa mo. At siguraduhin lang ni Wade na iuuwi ka niya sa inyo.” Humalukipkip siya.

“Oo na.” Sabi ko at umirap sa kanya.

Daig pa nito ang mga kuya ko kung makabakod, eh.

“Okay, give me your keys. Kay Dashiel ko ihahatid yung sasakyan mo para malapit lang dito. Babalikan ko pa yung akin, eh.”

Tumango ako at niyakap si Liam.

Ang bait talaga ng isang ito. Minsan nakakabanas lang sa concern. Pero over all, alam ko namang mahal niya talaga ako kaya concerned siya sakin.

Inabot ko sa kanya ang mga susi ko.

“Thanks, Liam.” Binigyan ko siya ng matamis na ngiti.

Nasa labas na kami ng corridor ngayon at nakita kong lumalabas na rin yung ibang media galing sa dressing room nina Wade.

“You’re welcome. Kung di lang kita mahal, naku!” Sabay akbay niya sakin.

Nanlaki ang mga mata ko sa sinabi niya. Natuyo ang lalamunan ko. Nung una niya itong sinabi, wala lang sakin, pero habang tumatagal ay nabibigyan ko ito ng meaning.

Bahagya ko siyang tinulak sa pagkakaakbay niya. Nagtaka siya pero di kalaunan ay bumalik sa dati ang ekspresyon niya.

“S-Sige na, Liam. Ihahatid mo pa sasakyan ko, diba? Baka gabihin ka lalo. Sorry sa abala.”

Ngumiti siya.

“No problem.” Yumuko siya at agad hinanap ng labi niya ang labi ko.

Isang mabilis na halik ang ibinigay niya sakin. Hindi ko nagawang manlaban dahil sa sobrang bilis nito.

“I love you, Reina.” Humalakhak siya at tumakbo.

Napahawak ako sa labi ko nang pinagmasdan siyang kumakaway paalis sakin. Nakangisi parin siya sa ekspresyong binigay ko.

“Fvck it, Reina!” Sigaw ni Wade.

Napatalon ako sa bigla nang nakita kong nasa likod siya.

Pagkatingin ko sa kanya ay saka naman lumabas sina Zac, Austin, at Adam. Sumunod na rin ang ibang staff at maging si Shan.

“Uy, Sorry, di ako makakapunta ngayon kasi may taping ako. Sayang talaga.” Sabi ni Shan kay Wade.

Hindi nag react si Wade. Binigyan niya lang ako ng mainit at galit na tingin.

“Wade?” Sabi ni Shan at ngumiti siya sakin.

Mukha atang napaghalataan niyang galit si Wade sakin.

Ngumisi ako para makuha ang atensyon ni Shan, “Naku, sayang naman di ka makakasali.”

“Okay lang, uh, basta ah, Reina. Yung sinabi ko sayo. Once na idesign mo ako ng gown, sisikat agad ang pangalan mo. Mamaya makakapasok ka pa sa Fashion Week.”

Habang nagsasalita si Shan ay dumiretso na si Wade sa paglalakad.

“T-Talaga?” Sabi ko kay Shan. “I-I mean… naku! Nakakahiya naman!”

“Ano ka ba! Sige na, ah? I-design mo ako ng gown para sa awards. May isang buwan pa iyon kaya mas mabuti kung maaga yung pag de-design mo.”

Tumango ako.

“Shan, let’s go.” Sabi ng manager ni Shan.

“Okay po…” Ngumisi si Shan sakin at kumaway. “Bye-bye, Reina! Ayyy! Di tuloy ako nakapagpaalam kay Wade.” Nakasimangot siyang umalis.

Kinawayan ko na rin siya. Mabait naman pala si Shan. Maganda na, mabait pa. No wonder kaya siya sikat at maraming umiidolo sa kanya dahil sa magandang ugali niya.

“Dude, what the fvck?” Sabi ni Zac nang tinulak siya ni Wade malapit sa sasakyan nito.

“Sabing dun ka na sumabay kay Adam!” Galit na sambit ni Wade sa kanyang kabanda.

“Uy! Easy!” Sigaw ni Austin na agad pumagitna sa dalawa.

“Kanina ka pa, ah? Daig mo pa ang mga babae kung mag tantrums!”

Tinulak ulit ni Wade si Zac dahil sa sinabi niya. Halos mapahilata si Zac sa parking lot.

“Zac! Wade! Tama na nga yan!” Sigaw ni Adam na nandoon sa isang sasakyan. “Makita kayo ni Mr. Manzano, baka pag umpugin kayo! Lubayan mo na yan, Zac! Isasama niya si Reina.”

Napatingin si Zac sakin. Pumungay ang mga mata niya at nilapitan ako.

“ZAC!” Sigaw ni Wade.

Sinundan niya si Zac papunta sakin.

“Okay, kung para naman sa magandang babaeng ito.” Ngumisi siya at hinaplos ang pisngi ko.

Biglang sinuntok ni Wade si Zac sa mukha.

“AWW!” Napapalatak si Zac at napahawak sa kanyang pisngi.

Hinawakan ko ang braso ni Wade na nanginginig sa galit.

“Ano bang problema mo, ha, Wade?” Sigaw ni Zac.

Pumagitna na si Austin. Dinig na dinig ko naman ang paghinga ng malalim ni Adam.

“Puta, Zac, bulag ka ba? Sa sobrang manhid mo di mo alam?” Sigaw ni Adam sabay baba sa kanyang sasakyan.

Buti na lang talaga enclosed ang parking lot na ito.

“Wade, tama na.” Awat ko sa nanginginig niyang braso.

“Shut up, Reina.” Galit niyang sinabi sakin.

“ANO?” Sigaw ni Zac.

Napailing si Austin at Adam.

“Anong ibig sabihin ng tattoo ni Wade?”

“What? Ano? Reina… Bakit? Anong konek?” Nagkibit-balikat si Zac.

Napaface-palm naman si Austin at Adam. Nalaglag ang panga ko sa nalaman ko. Yung ibig sabihin ng tattoo ni Wade na puro kulot na linya ay REINA?

“Anong konek?” Inulit pa ni Zac.

“Magkano IQ mo? Piso?” Natatawang sinabi ni Adam.

Unti-unting umaliwalas ang mukha ni Adam. Hinilamos niya ang kanyang kamay sabay turo sakin.

“You’re the REINA?”

Habang nakangiti siyang tinuturo-turo ako ay hinihila na siya nina Austin papasok sa sasakyan ni Adam.

Sinundan ko ng tingin sina Adam papasok sa sasakyan nila. Si Wade naman ay iniwan ako doong pinapanood sila papaalis.

“Wade!” Sigaw ko kay Wade na pumapasok na sa kanyang Benz.

Pumasok na rin ako at tinitigan ang galit niyang mukha. Alam ko naman kung bakit galit siya sakin. Syempre, nakita niyang hinahalikan ako ni Liam kanina. Nakita ko rin naman siyang hinalikan ni Shan kanina, ah.

“W-Wade? Galit ka ba?” Tanong ko sabay hawak sa braso niyang nakahawak naman sa manibela.

Hindi siya umimik. Seryoso lang niyang pinaharurot palabas doon ang sasakyan niya.

“C-Can we talk? We should talk.” Nanginginig kong sinabi.

Hindi parin siya umimik.

“Hindi ba dadahan-dahanin natin ito? Tapos may ganito agad. Please, let’s talk somewhere. Yung tayong dalawa lang?”

Sinuyod ko ang mga buiding sa labas. Hindi kami pwedeng pumunta sa isang restaurant dahil maraming makakakilala sa kanya. Saan ko siya pwedeng madala para makapag usap kami?

Wala sa sariling tinuro ko ang isang hotel.

“There! We should go there!”

Napasulyap siya sakin. Nabigla ako nang agad niyang tinigil ang sasakyan niya.

“You want me to take it slow… Edi wag mo akong dalhin sa mga lugar na makakapang akit saking angkinin ka ulit, Reina!”

Napakamot ako sa ulo ko. SHIIIIZ! Dumb move, Reina!

“I-I just want to talk.”

“Hayop! Akala mo kaya kong mag pigil pag nandyan tayo? You know me, Reina. Mga bata pa lang tayo, sobra sobra na ang pagpipigil na ginawa ko sayo. Ngayon, gusto mo ng dahan-dahan! Torture pero lahat para sayo.” Umiling siya at tumingin sa labas.

Hinawakan ko ulit ang braso niya. Nabigla ako nang may naramdaman akong pag gaspang ng kutis niya. Inilapit ko ang mga mata ko doon sa braso niya at nakita kong tumitindig ang balahibo niya sa haplos ko.

“Tss!” Inilayo niya ang braso niya sa kamay ko.

“S-Sorry.” Uminit ang pisngi ko.

Ganyan siya ka apektado sakin?

“O sige, eto na tayo, anong gusto mong pag usapan?” Tanong niya.

“Uhmmm. Ano. Kasi kanina. Yung si Liam.”

“Ah! Oo, nakadalawa siya sayo diba? Dalawa? Tatlo?” Sarcastic niyang sinabi.

“Wade… Hindi ko naman alam. Bigla lang talaga siyang nanghahalik.”

“Kung ikaw bigla kitang halikan, ayaw mo? Dahan-dahan dapat? Slow motion? Ganun?”

Ginulo niya ang buhok niya.

“Hinalikan ka rin naman ni Shan, ah?” Panlaban ko.

“She’s a performer. Kaya niyang umarte sa harap ng mga tao na in love na in love siya sa buong ako kahit hindi naman talaga.”

Napalunok ako sa sinabi niya.

“And it’s not like I wanted her to kiss me, Reina. Kung alam mo lang.” Ginulo niya pa lalo ang buhok niya at napabuntong hininga, “Hayyy! Buhay!”

“Paano n-naman kung gusto ka niya in real life… I mean… Paano kung di siya umaarte? Edi gusto niya ang whole package mo?”

“Edi maganda.” Tumawa siya.

Kumirot ang puso ko. Napayuko ako. Napatingin naman siya sakin.

“Maganda. Dapat gusto niya rin pati yung pagmamahal ko sayo. Tanggap niya rin dapat yun.”

Kinagat ko ang labi ko habang nakayuko. Langya ka, Rivas! Langya kang lalaki ka talaga!

“Ano? Meron pa ba? Sabi mo diba, let’s be honest this time… Let’s be open… Dahan-dahan. Eto na, Reina. Dahan-dahan.” Aniya. “Mali yung ginawa mong paghalik sakin kanina. Nang aakit ka na naman kahit ayaw mong naaakit ako. Pero buti na lang yun. 3-1 lang yung score eh. Talo parin ako.” Matabang niyang sinabi.

Napatingin ako sa naka pout niyang labi. Diretso ang mga titig niya sa daanan. God! Is it wrong if I say I want to kiss him right now?

Napaawang ang bibig ko habang naiisip yung buong concert niya. He’s so hot! Talagang bagay siya sa stage! Ganda pa ng boses at ang ganda rin ng katawan. Alam mo yun, kung noong bata pa kami ay maganda na iyong katawan niya, mas lalo ngayon. Hinog na hinog. Yung tipong hinubog na talaga sa perpeksyon.

“UGH! Don’t look at me like that, Reina.” Sabi niya nang nakitang nakatitig na ako sa mga labi niya.

Uminit ang pisngi ko, “Totoo bang Reina ang ibig sabihin ng tats mo, Wade?” Tanong ko.

Hindi parin nawawala ang titig ko sa mga labi niya.

“Tsss.” Nag iwas siya ng tingin.

“Patingin? Anong klaseng lengwahe yan? Patingin?”

Halos namutla siya nang bumaling sakin. Napalunok siya ng ilang beses bago nagkasalubong ang kanyang mga kilay.

“What do you want, Reina?” Nanliit ang mga mata niya. “Gusto mo ba talagang tanggalin itong damit ko? Baka pagsisihan mo lang.”

Nahihilo at nalalasing na ako sa mga titig niya. Sa tensyong bumalot samin. Sa init na naramdaman ko sa sarili ko. Nanginig ang mga binti ko.

Dahan-dahan kong hinawakan ang kanyang dibdib. Nag half-open ang kanyang bibig sa ginawa ko. Matigas ang dibdib niya. Yung tipong hindi agad matitinag pag may sumuntok. Hindi ko kayang isipin kung anong work out ang mga ginagawa niya para laging ganito. In born na yata siya. God like since forever.

Napatingala siya at napapikit habang hinahaplos ko yung tattoo sa dibdib niya. Nabigla ako nang tinanggal niya ang kamay ko.

“No, Reina… Sagutin mo muna ako. No temptations.”

Pinaandar niya agad ang sasakyan niya kahit kitang kita ko na ang pamumungay ng kanyang mga mata at pag awang ng kanyang bibig. Napangisi ako. I really have that effect on him. Mas lalo akong nabibihag dahil diyan. Mas lalo akong naiinlove twing nag pipigil siya sakin. At sigurado akong mas mababaliw ako kung hindi na siya magpipigil.

GOSH! Humahalay na yata ang pag iisip ko. Kainis naman kasi itong si Wade! Kainis talaga!

Nang nakarating kami sa Tribe Lounge, nagsimula na ang program. Umupo ako sa may staff, habang si Wade ay nandoon sa presidential table sa harap.

Hindi ko siya pwedeng lapitan kasi, obviously, staff lang ako. Maraming nag aabot sa kanya ng inumin. Bar kasi itong Tribe Lounge, pero nasa VIP section kami. Kasali dito yung ibang mga manager, yung mga staffs at maging ang taga Moon Records. Nakita ko nga si Hugo na panay ang picture kay Zac.

Umiling na lang ako at ininom ang isang tequila shot sa harapan ko.

“And now! Calling all the single ladies! Single, ah kasi mahalay itong next game natin!” Tumawa ang emcee.

“Uy, Reina, punta ka dun.” Tumawa ang isang staff na kilala ko.

Umiling ako at namutla. Ayoko talaga sa mga game-game na yan! Ayoko talaga! Nakakahiya! Matatalo lang ako!

Nakita kong umalis silang apat sa table nila at mukhang may isinoot silang something sa katawan nila. Yung mga lalaking staff ang nagsoot nito. Sinubukan kong sumilip pero hindi ko nagawa.

“HEPPP! Walang silipan!” Sigaw nang emcee nang nakitang sumilip din yung iba.

“UY! SI REINA ELIZALDE, SINGLE!” Sigaw ni Hugo nang nakita ako.

Oh noes!

“B-Bakit?” Sabay turo ko sa sarili ko.

“Sali tayo!” Sabi ng katabi ko. “Pwedeng newly wed?” Tumawa siya.

“HINDI! DAPAT SINGLE!” Malinaw na sinabi ng emcee.

“Okay!” Umirap ang katabi ko.

Halos mag unahan ang mga babaeng single sa staff. Tumitili pa ang mga ito.

“Isa-isa lang mga hija.” Sabi ni Hugo. “Uy! Reina! Bilis na!” Tawag niya sakin.

Napakamot ako sa ulo at napilitang tumayo. Sa dami naman, apat lang ang single, kasali ako. Halos manisay sa kilig yung dalawa, at yung isa naman ay badtrip kasi lesbiana siya. Ako rin, bad trip kasi ayaw ko talaga ng mga laru-laro.

Mas lalo akong umayaw nang nilagyan na kami ng piring sa mata.

SHIZ! I hate this game na! Bakit may piring sa mata! Tumawa ang buong staff. Yung tipong ito na yata ang pinakanakakatawang laro ever! Nag umpisa ang mala kabayo kong kaba. Ano ito? Hahabulin namin sina Wade? At ipapakasal kung sino yung nahabol mo? My gosh! Parang ayaw ko kay Zac!

Inayos ko yung piring sa mata ko. Madilim. Madilim nga kung wala ito, paano pa kaya kung meron nito.

“Okay! Hahanapin niyo sa mga lalaking ito yung isang pirasong pin sa buong katawan nila! Nandoon nakalagay, ah!?”

Napa O ang bibig ko at agad ko iyong tinakpan gamit ang palad ko. Mas lalo akong kinabahan sa rules ng laro.

“Kapain niyo, girls!” Sigaw ni Hugo sa audience!

Mas lalong nagtawanan ang audience. Hindi ko na marinig ng mabuti ang emcee dahil sabay-sabay na ang tawanan nang lahat. Pero narinig ko si Wade na nagsalita sa background.

“Ako ang mamimili ng kakapa sakin.” Humalakhak siya.

DAMN!


Leave a Reply

This site uses Akismet to reduce spam. Learn how your comment data is processed.

You cannot copy content of this page
%d bloggers like this: